السلام عليكم ورحمة الله وبركاته
مسائكم ورد
ان شاء الله رحلتي بعد اسبوع لفرنسا بجلس فيها 13 ليله قسمناها
3 باريس - 2 ليون - 5 مرسيليا - 3 شاموني
الطيران ذهاب باريس وعودة جنيف ، كان بخاطرنا نرجع من مرسيليا بس مجبورين على
السعوديه عشان التذاكر حكوميه
طبعا كل الايام ممكن تتعدل الا مرسيليا لان زوجي عنده دوره فيها .
أسئلتي
1- ثلاث ليالي بباريس اولها الاربعاء وين أقدر أروح علما باني مو حابه ارهق نفسي
والمهم عندي برج ايفل و الشانز و متحف الشمع فكيف يكون الترتيب وياليت اسم متحف
الشمع بالانقلش .
2- طريقة التاكسي كيف لان ماعمرنا اخذنا تاكسي باوروبا ومو حابين المترو والنقل العام ابدا وهل فعلا
نقدر نحاسب التاكسي بالفيزا ولا لازم كاش .
3- هل تستحق ديزني لاند نروح لها علما بأن الرحلة أنا وزوجي وطفلي 4 سنوات ؟
4- اذا فيه معلومات عن اماكن سياحية بمرسيليا ياليت لأني دخت وما حصلت شيء باستثناء الشواطئ
هناك .
المهم عندي أسئلة باريس و إذا فيه نصائح بأماكن سياحية فيها غير اللي قلت ياليت ، أكثر شيء بخاطري
ايفل و متحف الشمع على ما أعتقد اسمه كذا .
أشكركم