و عليكم السلام و رحمة الله و بركاته
السكن أفضل لكم ديفون و ارخص بما إنه معكم سياره
حجز الذهاب إلى باريس و العوده من زيورخ
و ممكن العكس
باريس 4 أيام
باقي المده سويسرا
الدليل السياحي https://artravelers.com/p/re/51030

هلا اختي او اخي طمطم
يعني تنصحنا مثلا _دوحه جنيف ديفون ( ومنها ننطلق للقرى ومن ثم مغادرتها الى باريس ومن ثم العوده للدوحه
يعني مانسكن في جنيف كلش بس مجرد الوصول ؟؟؟
بالنسبه لديفون كم المده المقترحه ؟؟ وشنو اهم مناطق تستاهل الزياره وهل نسكن فيها ولا بس نزورها ونرجع لديفون ؟؟؟
وباريس كم تكفيها ؟
ادري اسألتي كثيره ...
قرأت الموضوع الي حطيته بس هذا يبيله وقت طويل للقراءه الله يعيني

دوحه زيورخ باريس
انترلاكن 6 أيام
جنيف أو ديفون 5 أيام وحده فيهم تغني عن الثانيه و ممكن تستبدلونها بمونترو او لوزان
باريس 4 أيام
لو الهدف من باريس ديزني لاند ممكن تستبدلونها باوروبا بارك في المانيا
دوحه زيورخ جنيف
انترلاكن 7 أيام
أوروبا بارك يومين
جنيف 6 أو 7 أيام و منها تزورون مونترو و لوزان و انسي و ترجعون في نفس اليوم
من رأيي تقتصر الرحله على سويسرا و باريس خلوها لسفره ثانيه أو زيدوا المده
جنيف و القرى اللي حواليها يبغى لها على اقل تقدير 8 أيام و الكلام نفسه ينطبق على انترلاكن
موفقه يا الغاليه

شكرا اختي ...
بس انا اساس تخطيطي كان لباريس عشان ديزني ..بس حسيت اني يمكن نتملل في باريس
نبغي طبيعه واشياء ترد الروح
على العموم لحد الان دوحه جنيف باريس ...
اتمنى الاخوان يدخلون موضوعي ويساعدوني بأفكارهم ...والمناطق الي اقدر اروح لها من ديفون
ومده الاقامه في كل منطقه كم راح تكون ولكم جزيل الشكر

غيوم
افضل لاماكن للاقامه
ديفون انترلاكن و لوقانو ومنها تطلعون رحلات

اختي اذا اسبوعين و ما تبون تنقلات قسميها بين جنيف و باريس بالنص ..
و بكذا تكونين جمعتي بين الالعاب و الطبيعه ..

شكرا لكم على مساعدتي ...
يعني الافضل ننزل لجنيف مب زيورخ ؟؟؟ لانها اقرب لديفون وانترلاكن

اذا من ضمن مخططكم السكن في انترلاكن أفضل لكم الوصول الى مطار زيورخ السويسريه
( يبدو لي تلخبطتي بينها و بين ميونخ في المانيا)
ديفون اقرب الى جنيف
و انترلاكن اقرب الى زيورخ
المسافه بين مطار زيورخ و انترلاكن ساعتين بالسياره ( 180 كيلو)
دوحه زيورخ باريس
استلام السياره من المطار و التوجه الى
انترلاكن 6 أيام
ديفون 5 أيام
تسليم السياره و التوجه بالقطار إلى
باريس 4 أيام

مشكوره ياقلبي ماقصرتي معاي وتعبتج
في البدايه لا انا ماتلخبطت بين ميونخ وزيورخ بس الحين شفت الخريطه وعرفت ان زيورخ اقرب لانترلاكن
انا مادري ليش حابه ننزل في جنيف ومنها لديفون نسكن فيها ..وبعدها نتوجه الى انترلاكن
بس اتخيل ان المسافه من انترلاكن الي باريس بتكون طويله ولا انا غلطانه ....
والله اليوم من الصبح وانا احوس في القسم واحاول اقرأ الاستفسارات اول عشان اشوف شي مقارب لطلبي
وان شاء الله ارسى هاليومين على مخطط معين عشان اقدر احجز من الحين .....
اي نسيت اقول ان اعماري عيالي بين 12 وسنتين