dina gamal
03-03-2022 - 10:17 pm
السلام عليكم ورحمه الله وبركاته
كل عام وانتم بخير وعيد سعيد علينا جميعا
من فضلكم انا عندي اكتر من استفسار وياريت الاقي عندكم المساعدة وجزاكم الله كل خير اولا انا كنت مقدمة على فيزا لامريكا من مصر وكانت المقابلة يوم 22 اغسطس الماضي وكان معايا اوراق من عمتي وزوجها بيدعوني لحضور فرح بنتهم ولرحلة سياحية قصيرة وورق من الشركات البيشتغلوا فيها بمرتباتهم واثبات عملهم ومحل اقامتهم وكان معايا كشف حساب من البنك بايداع 100 الف جنيه
المقابلة تقريبا كانت دقيقة سالتني انتي مسافرة ليه وورتها الاوراق والسؤال التاني بتشتغلي ولا لا وقلتلها اني مش مستقرة على شغل واني بساعد والدي في المصانع بتاعته وطبعا انتهت المقابلة بالرفض
كنت حابة استفسر امتى اقدر اقدم تاني على فيزا وايه الخطوات المفروض اعملها علشان اتقبل المرة الجاية وايه المطلوب بالظبط
ياريت الاقي عندكم المساعدة ولكم جزيل الشكر
