ساعدوني بترتيب رحلة شهر العسل

هيفاا

17-06-2022 - 06:27 pm

السلام عليكم
رحلتنا ان شاءالله بنص جولاي وناوين على ايطاليا والنمسا والمانيا ..
علما بأن الرحله لمدة 20 يوم تقريبا ..
وش رايكم من وين نبدا؟
احنا اخترنا نروح لفينيسيا وبعدها سيفيلد (النمسا) وبعدها ميونخ
بس أول وجهه وش ممكن تكون؟ ميلان تصلح لشهل عسل ؟ او ممكن مثلا تدخل سويسرا بالموضوع ..
ساعدوني الله يعافيكم لازم نرتب الموضوع باسرع وقت قبل تروح الحجوزات
وبالنسبه للفيزا..عادي لو اطلعها اللحين ولا لازم قبل السفره بمدة محدده؟
وشكرا لكم كلكم : )

التعليقات (8)

الليث الايطالي

17-06-2022 - 09:47 pm

محطة الوصوول تكون في ايطاليا ثم النمسا ثم المانيا
الجدول كالتالي
4 ايام روما
3 ايام ريتشوني
3 ايام فينيسيا
7 ايام زملاسي (النمسا )
3 ايام ميونخ (المانيا )
ان كان التنقل كثير عليكم
هذا خيار ثاني
5 ايام ميلان
3 ايام فينيسيا
8 ايام زملاسي
4 ايام ميونخ
تحياتي.......................................

أبــوعبدالله

17-06-2022 - 10:48 pm

هيفاا
هلا بأختى الفاضله حياج الله بين أخوانج وخواتج تفيدون وتستفيدون بالنسبه لفنيسيا عن تجربتى يومين فقط الجو حار
ومافيها شئ بس مجرد مصنع الزجاج وأحنا طلعنا من فنيسيا الى لوقانو بالقطار وبعدين رحنا ميلانو يوم كامل
وأدخلي تقريري ولكم الاختيار

الزعيمة

17-06-2022 - 11:49 pm

هلا
انا ما انصحك بجنوب ايطاليا وقت الحر.....لانها لا تطاق
يومين في فينيسا وزيها في ميلان وبعدها ممكن تروحين لوغانو بسويسرا وترجعون بنفس اليوم
وبعدين خمسة ايام كفاية على زيلامسي......ويومين في ميونخ
واي استفسار اخر لا ترددين وان شاء الله بساعدك قدر استطاعتي

هيفاا

18-06-2022 - 12:50 am

شكرا لكم كلكم .. الله يعافيكم ماقصرتوا والله
بس انه المدن هذي تقريبا متفقين عليها (فينيسيا-سيفيلد (النمسا)-ميونخ)
بس اول مدينه وش ممكن تكون ؟
ولو بستبدل ميونخ (المحطه الاخيره) بمدينة بسويسرا وش ممكن تكون هالمدينه؟ طبعا تكون العوده منها بس ياليت ماتكون جنيف لاني ماحبها
الليث الايطالي..المزعج..الزعيمه..شكرا كثير واستنى اقتراح زياده :$

هيفاا

18-06-2022 - 01:51 am

سؤال ثاني :
لو كانت نقطة الوصول جنيف وبطلع على طول من المطار لانترلاكن..وش افضل اروح بالقطار او بسياره؟
وكم المدة بالقطار من جنيف لانترلاكن؟
وهل راح تكون الحركه متعبه لو كانت بهذا الشكل: (20 يوم تقريبا)
انترلاكن (3 ايام) ميلانو (5 ايام) فينيسيا (يومين) سيفيلد النمسا (يومين) ميونخ (اسبوع او اقل..تحسون كثير اسبوع على ميونخ؟)
وكم تستحق من يوم انترلاكن..
راح اتعبكم معاي..سامحوني :$
شكرا مره ثانيه

الليث الايطالي

18-06-2022 - 02:52 am

من واقع تجربة لسويسرا والنمسا
كل الدولتين جميلتان وتستاهل الزيارة ومتشابهتان في الجمال والطبيعة والجو والسياحية
فانصحك بزيارة النمسا او سويسرا
لان المناظر الي في النمسا بتكون مكررة في سويسرا فمافي شي جديد سويتوه
وخليكم على مينوخ افضل مينوخ جميلة وحلوة بالمرة
تحياتي......................ز

الليث الايطالي

18-06-2022 - 03:53 am

ان كان تحبون التنقل الكثير فالبرنامج الاول حلو بالمرة وفية تنوع في السياحية
( اثار في روما + بحر في ريتشوني +جزيرة فينيسيا + الطبيعه والاجواء الباردة في زملاسي والبحيرات والجبال + الستي سنتر والاسواق الحلوة في مينوخ )
والبرنامج الثاني اقل تنقل
تحياتي............................ز

الزعيمة

18-06-2022 - 04:54 am

هلا
بالنسبة للسيارة انا ما انصحك من جنيف الى انترلاكن بالسيارة لانها متعب الخط.....
خلوها قطار وبعدين ممكن سيارة لان طبيعة سويسرا جبلية

فينيسيا - البندقية المسافرون العرب

ساعدوني بترتيب رحلة شهر العسل