جالسه اتفرج
10-01-2022 - 10:21 am
السلام عليكم
انا بسافر ماليزيا ان شاء اله
وابي وحتاره في البرنامج والفنادق ومحتاره
ليلتين سلانجور ومحتاره بين صن واي لاقون او براميد
الصن واي غالي وودي بالبراميد عشانه ارخص بس السؤال هل البرميد مو حلو ؟؟؟ وش الافضل هو او الخيول الذهبيه
او اضغط على نفسي واسكن في الصن واي لاقون
وبنروح بعدها لبينيج بس وش افضل وقت احجز طياره؟؟ اي ساعه يعني
وبجلس فيها اربع ايام في فندق رويال بارك ان شاء الله
وبعدين برجع كوالالمبور وبجلس فيا تقريبا 7 ايام
ابي خمس ايام في فندق بيكولو واحترت بينه وبين امبيانا او دروست ريجنسي شرايكم وش الافضل مع اني ارشح اكثر شيء بيكولو
وباقي يومين وش رايكم اخذها في تريدرز او رويال شولان ؟؟
مع اني مابي اروح لانكاوي مايعجبني جو الهدوء ويقولون فيها حشرات وانا اكره الحشرات وانا معي طفل ولا احس تناسب لانكاوي
وجنتنج وكاميرون بارده وانا طفشانه من البرد هنا ولا احب البرد واخاف نروح لها ونخرب على انفسنا نمرض
وش رايكم الايام كثيره على كوالالمبور ؟؟
وش ادخل زياده ؟؟
اتمنى تقترحون علي لاني اول مره اروح ماليزيا
وشيء ثاني شلون تتحملون الطياره 8 ساعات ؟؟ ماتخافون ههه ماتطفشون
وشاكره لكم
اول شي الجدول اوكيه لو مره ماتحبون لنكاوي خلوكم علي جدولكم
ليلتين سيلانقور -- اربع ليال بينانق -- الباقي كوالالمبور تروحون يوم لجينتنق
ماهي بذيك البروده اللي تخوف لبس ثقيل للطفل ولا انتوا مايحتاج إلا لبس طويل ولو زودتوا اللبس شوي اوكيه
بالنسبه للبيراميد ممتاز وافضل من الخيول الذهبيه صحيح الصن واي لاقون افضل بس برضه البيراميد حلو
وبالنسبه لحجز الطيران من كوالالمبور لبينانق افضل وقت يكون الإقلاع بين 12 و 1 الظهر لو زاد او نقص ساعه مافيه مشكله
وبالنسبه لأيام كوالالمبور 7 ممتاز بالعكس ماهي كثير مناسبه جدا
وانا اشوف اول 3 ليال قريب البرجين يافندق تريدرز غرفه مطله علي البرجين او فندق أمبيانا ارخص وممتاز
واخر 4 ليال قريب شارع العرب رويال شولان او القراند ملينيوم او البارك رويال او النوفوتيل واخر شي البيوكولو
و 8 ساعات في الطائره وقت الذهاب تطير ماتحسين بها لكن وقت العوده ملل