مرحبتين أخوي ggkat
من ناحيتي أنا فافضل أن تكون بينانق " طيارة " لنكاوي " قارب أو باخرة " كوالالمبور " طيارة " مرتفعات الكميرون سيارة
مع تمنياتي أن هذه الطريقة تكون أكبر سعادة لك
أخوك الصرح

يعطيك العافية أخوي الصرح
انا أشوف ان الكاميرون ( حسب ما عرفت في المنتدى) في وسط المسافة بين كوالا وبينانج فافضل انا اخليها من كوالا للكاميرون بالسيارة عشان استمتع بالطبيعة وبدال ما ارجع لكوالا بالسيارة ثم أسافر بالطيارة لبينانج اختصرها واكملها بالسيارة لبينانج
أما إلى لنكاوي بالقارب فانس الموضوع حدي طيارة وعساني أخذ جولة بالقارب بين جزر لنكاوي .
ارجو تعقيبكم وإفادتكم

السلام عليكم ...
ياهلا وغلا اخوي ggkat
اجل برنامجك ...
كوالا---كاميرون---بينانغ---لنكاوي .
ثابتة اكيد اجل طيب
كوالا--كاميرون (سيارة)
كاميرون--بينانغ (سيارة)
بينانغ--لنكاوي (طيارة)
لنكاوي --كوالا(طيارة)
الناس اذواق واراء ...مع احترامي لرأي اخوي الغالي الصرح
اللي اني ما احبذ الفيري ابداً ...ودك تعذب احد ارميه
في الفيري وقفل عليه الباب وانتظره بلنكاوي
موفقين بأذن الله ورحلة سعيدة وترجعون بالسلامة
والسلام عليكم

يعطيك العافية أخوي الشعيبي ، جزاك الله خير عني وعن جميع أعضاء المنتدى وصراحة ما قصرت معي ومع غيري
يعني عاجبك برنامجي والسؤال هل تؤيد الرحلات بالقارب إلى الجزر في لانكاوي

السلام عليكم ...
الله يسلمك اخوي ggkat واياك والمسلمين .
قصدك من لنكاوي تاخذ قارب او بوت وتروح للجزر المجاورة .
هذه الرحلات روعة وجميلة وتنسفها عندهم بالطريقة اللي
تناسبك ...وترى فيها دوار ولعب قلب لكن شفته اهون من الفيري
وان كان معاك اطفال او المدام ما تتحمل الافضل لك انك تبتعد
عنها وربي يعطيك الخير ...حنا رايحين ننبسط ولا نعكر على نفسنا .
لكن تراها اهون من الفيري ...وخذ لك اول شيء قريب وان
تعودتم و عجبتكم صكوها صح
موفق اخوي بأذن الله والله يجعلها رحلة سعيدة ولا تنسونا
من دعائكم الصالح جزاكم الله خير والسلام عليكم

جزاك الله خير كنك داري ان المدام ما تستحمل لكني ناوي أقوي قلبها ان شاء الله في ها الرحلة
شكراً للتواصل والتعاون

مرحبا
تروح أخوي ggkat وترجع بالسلامة
أنا راجع من ماليزيا قبل يومين وكانت رحلتي مشابهة لرحلتك ، ولكن انتقلت من بينانغ للنكاوي بالفري اللي أستغرب أن بعض الأعضاء يسبونه مع أنه أعجبني أنا والعائلة معي والأطفال جالسين بالسطح على قولتهم
صحيح أن مستواه ليس راقي ولا هو فخم لكن تحس أنك راكب دباب بحر وانت فوق ;) وممكن تاخذ مقاعد درجة أولى بزيادة عشر رنجات ( كراسي مساج )
صدقني كان تجربة رائعة ويوفر على ميزانيتك الكثير وتقبل تحياتي

شكرا أخوي نجد
لكن هل فيه موقع يوضح هالفيري وصور لها
يعطيك العافية وكم التذكرة للشخص وكم المسافة والمدة للرحلة