مساء الخير
أتمنى تساعدوني وما تخيبون ظني

اختي ام شمة حياكي الله
مدينة بنجلور مدينة متنوعة مثلا يوجد بها مراكز تجارية كبيرة كالجارودا مول و الفاروم مول وفيها شارع نشط اسمة Mg Road يوجد على اطرافه محلات تجارية اذا انتي من محبة التسوق . اما اذا تحبي الطبيعة فالمدينة جوها رائع ويبعد عن هالمدينة بحوالي 50 كيلو مدينة اسمها ميسور يوجد فيها مبنى السلطان انصحك بزيارته .
وان شالله راح احاول اتذكر لان الوقت عندي متأخر ...
تحياتي

ayman620
ألف شكر أخوي والله يعطيك العافيه
ولو في معلومات أكثر ما نقول لأ

واذا تبغين فندق فخم انصحج بفندق ليلا بالاس
والمدينه مثل ما قالت لج الاخت ايمان تجاريه يعني حلوه للتسوق وذكرت لج اسامي اهم المولات عندهم
وبعد ممكن اضيف لج شارع ام جي رود mg road اختصار مهاتما غاندي ويتفرع منه شارع العرب ماعرف ليش سمونه شارع العرب يمكن لانهم يسكنون في هذا الشارع وفيه فنادق بس نسيت اسمهم الفنادق موب يلين هناك يعني ماشي حالهم بس الشارع ممتاز وحيوي للتسوق طبعا
ولا تخلطين بين بنقلور ومنقلور لانهم مدينتين مختلفات وحده تبدا بالباء والثانيه بالميم
وذكرت لج الاخت ايمان مدينة ميسور ويسمونها حديقة الهند لانها خضرا
اما سؤالج عن تاج محل فهو موجود في منطقه اسمها اقرا قريبه من دلهي العاصمه يعني بعيد عن بنقلور لازم تروحين له بالطياره او القطار يعني تطلعين من بنقلور الى دلهي ومب متذكره كم المسافه وبعدين من دلهي في قطار خاص اسمه مهراجا تقدرين تاخذينه لين اقرا انا ما رحت اقرا لانه كل مره اروح دلهي يكون فيها مظاهرات وحوادث شغب ونكنسل السيره الى اقرا
لانه دلهي العاصمه واكثر وفيها تحصل المظاهرات وحركات الشغب بس طبعا الهنود في حالهم ومالهم خص في حد
واذا عندج اي استفسارات ثانيه حياج الله
ولا تنسين علاج الاوزون تراه متوفر في بنقلور وبعد عندهم مستشفى واير كبير والعلاج جدا رخيص

تعديل قصدك الاخ أيمن