osh1211
13-12-2022 - 01:29 am
السلام عليكم
يسعد صباحكم ،، مساكم
هذي زيارتي الأولى لكلا من ايطاليا سويسر فرنسا
في البداية بنوصل لروما وبنجلس فيها 4 ايام
أبي برنامج سياحي مرتب لأربع أيام في روما وبنسبة لاول يوم بنوصل العصر بنكون تعبانين من الرحلة ونص اليوم راح ابي مساعدة بجولة بسيطة في للمناطق القريبة من فندقنا
علما بأننا بنسكن في منطقة
Via Cola di Rienzo
وبعدها بنطلع من روما لميلان لمدة اربع ايام
اليوم الأول بنقضية في ميلان
اليوم الثاني بدايته بنروح لأوت لوت سيرافيلي وباقي اليوم في ميلان
اليوم الثالث بنروح زيارة يوم كامل لفنيسيا وبنرجع لميلان
اليوم الرابع بنقضية في كومو ولوقانو السويسيرية
أبي مساعدة وتنوير ببرنامج سياحي مرتب للافضل الاماكن في المناطق اللي بنروح لها
و ابي مساعدة في افضل الاماكن اللي في منطقة سكننا
وهي
تشيرتوزا
طبعا تنقلاتنا راح تكون بسيارة خاصة بين المدن اسهل واريح لنا
ابي ترشحون لي افضل الشركات السياحية نستأجر منها سيارة بسواق
وتقريبا كم بتكون تكلفة اليوم الواحد وكم تكلفة التنقل بين المدن اللي ذكرتها
وهل اقد استأجر من نفس الشركة لكامل رحلتي وتنقلاتي بين المدن في ايطاليا وسويسرا وباريس ؟؟
بنسبة للباص السياحي تنصحوني فيه كتجربة وهل هو متعب لان معي ناس دلوعين
أو سيارتي بتكون افضل
أسفة على الإطالة انتظر مساعداتكم لي
