امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
f9091
03-12-2022 - 05:41 am
السلام عليكم ورحمة الله وبركاتة
كيف الحال ؟ ان شاء الله بخير
المهم احنا ان شاء الله رايحين ل امريكا من تاريخ
8جولاي الى 22 اوقست وابغاكم تساعدوني في التخطيط الله يوفقكم
اول شي انا اخوي في سياتل وحابين نزوره
فعشان كذا اخذنا طيران الى واشنطن ومن واشنطن بتاريخ 29 جولاي بنطلع لسياتل لاخوي
ونبقى معه كم يوم في سياتل حسب التخطيط اللي بتساعدوني فيه الله يوفقكم
انا رتبت كذا الرحله ومادري صراحه هذا اخر قرار توصلت اليه ( مع ان مان ودنا بنيويورك واورلاندو بس يلا الحمدالله ع كل حال )
واشنطن الوصول 28 جولاي
والمغادره من واشنطن الى سياتل تاريخ 29 جولاي
ومن ثم المغادره من سياتل الى لوس انجلوس بتاريخ 6 اوقست
والذهاب يومين الى سان ديقو او 3 ايام
والمغادره من لوس انجلوس بتاريخ 17 اوقست الى سان فرانسيسكو
ومن سان فرانسيسكو العوده الي واشنطن بتاريخ 21 اوقست ومن ثم العوده الي
الوطن بتاريخ 22 اوقست
اتمنى تعطوني رايكم او اذا في اقتراحات ؟


التعليقات (6)
aziz20012001
aziz20012001
ترتيب المدن خطا
الافضل
بالطياره من واشنطن الي سياتل،،،،من سياتل بالسياره الي سان فرانسيسكو ( ممكن توقفون بنص الطريق ليلتين مثلا في بورتلاند اوريغن) ومن سان فرانسيسكو بالسياره الي لوس انجلس ومن لوس انجلس بالسياره الي سان ديبغو ومن سان دييغو بالطياره الي واشنطن

Muneera.bh
Muneera.bh
سياتل - سان فرانسيسكو ساعتين بالطيارة تقريبا
اريح من مشوار سيارة 14 ساعة !!!

iHamad
iHamad
نصيحتي انا ..
تخلي الطيران الداخلي كالتالي:
الذهاب: سياتل - سان فرانسيسكو تاريخ 6 اوقست - وتأجر سيارة من المطار وتتفق معاهم ان اعادة السيارة سيكون في لاس فيغاس
سان فرانسيسكو 3 أيام
لوس انجلس 6 أيام
سان دييغو 3 أيام
لاس فيغاس 2 يوم
العودة: من لاس فيغاس الى سياتل واشنطن تاريخ 21 اوقست
واذا بغيت جدول للزيارات زور موضوعي
https://artravelers.com/p/re/906304

f9091
f9091
يعطيك الف عافيه ع الرد وماقصرت
عجبني تقسم الايام بس المشكله من الوالد ماوده يسوق هناك
فهل في هناك امكانيه استاجر سياره مع سواق ؟

iHamad
iHamad
ماعندي خبر اذا في سواق .. لكن أفضل انكم تسوقون .. لان الوضع بيكون صعب عليكم بدون سيارة، التكاسي غالية جداً .. ومكلفة عليكم حرام ..
و القيادة سهلة جداً جداً جداً .. فوق ما تتصورون ..
ماتحتاج اي شي .. مثل الكويت والسعودية .. الفرق ان القوانين مطبقة بالكامل .. لكن بشكل عام القيادة سهلة والكل يسوق بسهولة ..
.. والمهم الالتزام بالقوانين فقط .. يعني ما نتساهل مثل الكويت ولا السعودية ونقول الشرطي بيطوفنا

Impact
Impact
امريكا صعب جدا تلاقون سواق بسيارة
ولو موجود بالساعة ويكون جدا غالي !!


خصم يصل إلى 25%