نشر في قطر

ساعدوني بأسماء شقق في قطر

سمــآء-

16-12-2022 - 11:48 am

السلام عليكم ..
اول شي اشكركم جدا على مجهودكم الواضح بالقسم واجاباتكم الوافية لنا
مرره استفدت من المواضيع والمشاركات ,
بإذن الله ناويين نقضي عيد الفطر بقطر
بس مشكلتنا الان هي السكن
ماقد زرت قطر ولا اعرف مناطق السكن فيها
درت ع البوكينق وعلى مواضيع القسم بس ماحصلت اللي ابي
ابي الله يجزاكم خير اسماء شقق او شقق فندقية لان عددنا تقريبا 8
اهم شي تكون اسعارها معقوله ، مو مهم الفخامه اهم شي تكون نظيفه
لان اغلب الوقت بنكون طالعين ، فقط للنوم
قريت ان قطر صغيره يعني مو مشكله الموقع
اهم شي تكون منطقه حيويه
تكفوون ساعدوني لان سفرتنا متوقفه ع السكن

التعليقات (9)

ارمـــ ARMANI ـــاني

16-12-2022 - 02:21 pm

سمآء-
ياهلا ومرحبا اختي سمآء
وعليكم السلام ورحمة الله وبركاته
هذا واجبنا كأسرة واحده في هذا المنتدى العريق
تروحون وتجون بالسلامة وعيدكم مبارك مقدماً
بخصوص اسماء بعض الشقق الفندقيه والمنتجعات لعدد 8 اشخاص
وهي كالتالي تفضلوا
InterContinental Doha The City
فندق جراند حياة الدوحة
Governor West Bay Suites and Residences
وعليكم الاطلاع عليهم واتمنى اني وفقت
بالاجابة
واي استفسار آخر حنا حاضرين
ونتمنى لكم رحلة موفقه بإذن الله
اخوك : https://artravelers.com

سمــآء-

16-12-2022 - 03:22 pm

الله يعطيك العافيه اخوي ماقصررتاطلعت عليها لكن الاسعار مرتفعه
يعني اسعار الشقه ل6 اشخاص من 2000 وفوق
وحرام هالسعر يندفع بدولة خليجيه صراحه
ياليت لو عندك خيارات ثانيه بسعر اقل
يعني مايتجاوز 1000 - 1300
شكرا لجهودك

ســـــعـود

16-12-2022 - 04:23 pm

بعد أذنك أخوي/ أرماني ولا عليك أمر أطلعي على الإفادة والروابط المُضافة ( هنا https://artravelers.com/p/re/908492 )

سمــآء-

16-12-2022 - 05:24 pm

شكرا اخوي سعود
وش رايكم بهالفندق
Saray Mshereb Hotel
حصلت سعره بالمكتب اقل من بوكينج بكثيير !
ابي رايكم بالفندق ايجابيات سلبيات
المنطقه ؟ قريبه من الاماكن السياحيه ؟
علما انه معنا سيارتنا

آلجوهره

16-12-2022 - 06:25 pm

نفس الحاله ياسما حجزنا الطيران ومتوقفن علي السكن
متى بتروحون شكلنا بنكون مع بعض
انا مثلك كلمت مكتب وعطاني هذا سرايا بس ماحبيته قريت تعليقات البوكينق محد يمدحه وصرفت النظر
ولا ادري صادقين ولا خرابيط
وحطيت في راسي اللحين فندق ريجيس بس مابعد احد رد علي اذا مكانها كويس ولا لا

ســـــعـود

16-12-2022 - 07:26 pm

المحترمة/ سمآء بخصوص فندق/ Saray Mshereb Hotel لا تتوفر لدي معلومات مستوفيه عنه موقع الفندق على الخارطة بشكل عام ( ممتاز ) من ناحية المنطقة أو الحي ( جيد ) تأكدوا قبل الحجز من توفر مواقف مناسبة للسيارة سواءً تابعة للفندق أو عامة لكي لا تواجهون أي صعوبات

ســـــعـود

16-12-2022 - 08:27 pm

آلجوهره
بخصوص الفنادق بوجه عام الإنصاح بها شي صعب جداً لمسؤليتها اللا محدودة لذلك أنا دائماً أنصح ( متى ما وجدتم الفندق اللي يلبي رغباتكم وذوقكم فتوكلوا على الله واحجزوه ) وبالنسبة للتعلقيات الموجودة ب بوكنق وغيرها من المواقع في الغالب اجدها متناقضة !! بسبب اختلاف الناس من ذوق وتعبير ونيه وغيره لذلك قراءة التعليقات تحتاج إلى تمعن ... وبالنسبة لفندق سان ريجس/ من خلال الاطلاع أشوفه ممتاز

سمــآء-

16-12-2022 - 09:28 pm

الجوهره ان شاء الله نمشي قبل العيد بيومين
بالنسبه للتعليقات فعلا انتي لاتتقيدين فيها
لان كل شخص بيكتب سلبيات من وجهة نظره
انا يهمني النظافه والمنطقه تكون كويسه
وقريت كثير يمدحون نظافته
وفيه ناس كثير كاتبين من ضمن السلبيات ، ادوات المطبخ غير كاملة
انا ماشوفها سلبيه بالنسبه لي لان اعتمادنا ع المطاعم
وفيه واحد يقول لايوجد استشوار !
وهكذا
بس اللي خوفني كثير تعليقات يقولون المنطقه قديمه وبعيده

سمــآء-

16-12-2022 - 10:29 pm

شكرا اخ سعود ماقصرت..
جزاك الله خير

قطر المسافرون العرب

ساعدوني بأسماء شقق في قطر