هلا الجو حاليا بلندن متقلب وغالبا مغيم وممطر يس مايمنع انك ماتطلعون تتمشون من ناحية الاطفال جبيلهم جاكيت لان الجو يقلب فجئه وجو بريطانيا متقلب
تمنياتي لكم التوفيق

اهلا
والله اليوم لي اول يوم بلندن واشوف ان الجو بارد وممطر بس تقدرين تطلعين ومن ناحية الطفل ثقلي له بالملابس لان صج برد
ولاتنسين العربه اللى لها مظله احسن
واي سؤال انا فالخدمه

جو متقلب جدا
بس في غالب الأوقات بارد يفضل اخذ الحيطه

اختى لندن كل يوم ابجو والغالب بارد وانصحك اتشيكين من موقع البى بى سى على الجو قبل السفر ابيوم.......

مشكورين اخواني وخواتي على الرد
الله يعينا ان شاء الله ... بس خوفتوني من المطر .. يعني الواحد يقدر يطلع بالاماكن المفتوحة مثل الهايد بارك واكسفورد ستريت يتمشى ؟؟ او ما يقدر ؟؟ تدرون حلاة لندن بالمشي فيها
وعندي سؤال ثاني لو تتكرمون وتجاوبوني عليه .. انا عندي طفل عمره سنتين وحاليا حامل .. فحبيت تخبروني عن أحسن المطاعم العربية .. يعني ابا مطاعم تكون نظيفة .. تدرون عندي طفل صغير وحامل فعشان جيه ما ابا اتعب من الاكل خاصة انا نحن بسفر وغربة .. وبالنسبة لمطاعم الفش اند شيبس .. تنصحوني بأي مطاعم فش اند شيبس .. تكون نظيفة وقريبة من الاجورود او اكسفورد ..
ياليت تساعدوني بسرعة لانه وقت السفر قرب .. وأدري انكم ما بتقصرون معاي فيكم الخير..
في مان الله

المطاعم الممتازة تكون في شارع بوند
وعن المطاعم العربيه في ايجوارد روود ماتعجبني اللا مطعم واحد فقط
مطعم عراقي اسمه مسقوف ,, المطعم ممتاز ونظيف جدا جدا

انا بلندن من امس والجو امس كان ممطر واكثر الناس اللى معهم اطفال ياخذون لهم عربه والعربه هذى فيها غطاء بلاستك شفاف لوقاية الطفل من المطر
اليوم الجو مشمس بس بارد واخذى ملابس شتويه للطفل ولكم انتم بعد
والاجوارود كله مطاعم عربيه من اوله الى اخره وصعب يتفق شخصين علي مطعم معين لان لولا اختلاف الاذواق لبارت السلع
ورحله موفقه ان شاءالله

مشكور اخوي باسم وما قصرت .. فيك الخير والله ..
ياليت تزودوني اخواني وخواتي بأسماء مطاعم ثانية .. بالاضافة الى مطاعم الفش اند شيبس .. بس اهم شيء في هذي المطاعم تكون نظيفة ..

alkuwaity
مشكور اخوي الكويتي على هالنصيحة .. وبالفعل لولا اختلاف الاذواق لبارت السلع .. بس حبيت اشوف اراء الناس بالمطاعم وشو هي انظفها ..