حياك الله يا غالي وتنور الرياض
القاعة على طريق الملك عبد الله
وهو من اشهر واكبر شوارع الرياض
ومليء جداً بالشقق ويوجد فنادق قريبة كذلك
الفترة القادمة الرياض فاضية وما فيها زحمة
وبتلاقي سكن بسهولة وبسعر مناسب إن شاء الله
والأفضل إذا جيت تشوف موقع القاعة وتبحث عن أقرب شقق منها

مهند
يا غالي // انا بجي بالقطار مع الأهل // وباخذ لو موزين يعني مافي وقت أقدر أدور بالشقق // يا ليت يا غالي تعطيني شقق قريبة // وبسألك عن شقق رويال اعتقد بالعليا // مدري كم رقمهم ؟؟ // لأن أحد الأصدقاء مدحها

اللي سمعته ان شقق رويال تغيرت وصارت فندق ميركور
انت متى بتجي إن شاء الله ؟

خذلتني يا مهند

يا غالي أنا من سكان الرياض وتعرف اللي ساكن بمدينة ما يعرف شققها المفروشة لانه ما يسكنها كنت اتمنى يفيدك احد الاخوة ممن زار الرياض وجرب الشقق وأنا بعد مو عارف بالضبط وين موقع القاعة لأن طريق الملك عبد الله طويل
إذا ميزانيتك جيدة روح لشقق رويال اللي صارت فندق الآن موقعها جيد على طريق العليا العام مقابل أسواق طيبة تماماً أو إذا تبي فندق الشيراتون على طريق الملك عبد الله مع تقاطع طريق الملك فهد
أما الشقق المفروشة فهي كثيرة جداً في تلك المناطق وإن كنت ستبقى مدة قليلة فنصيحتي لك أن تستأجر سيارة ويوجد مكاتب تأجير سيارات على طريق خريص تحت كبري الخليج قبل القاعدة الجوية وهي كثيرة جداً لأنك إذا استئجرت سيارة يكون أسهل عليك البحث عن شقة مناسبة

درة الليالي بين طريق عثمان بن عفان وطريق ابو بكر الصديق وانت متجه غرب تجيك عاليمين في حي النزهه .
والطريقين اللي فوق (( ابو بكر الصديق وعثمان بن عفان)) فيها اكثر من شقق مفروشه
وايضاً الاحياء اللي عليها هالشارعين فيها شقق مفروشه
وخصوصاً حي المغرزات اللي خلف جامع الحديثي اللي على مخرج 10
و مثل ماقال مهند أهل الرياض لاتسألهم عن ارقام الشقق ومستواها لأنهم لايحتاجون لها
وانت بتجي بوقت مافيه زحمه
تعال مع الليموزين وقله يوصلك لدرة الليالي اللي بطريق الملك عبدالله عند طريق ابو بكر الصديق او عثمان بن عفانبحي النزهه
واذا وصلت هناك بتحصل شقق مفروشه كثير سواء عالطرق اللي سبق ذكرناها او داخل الأحياء وانت شف بنفسك واختار
اتمنى اكون افدتك
ابو دانه

جزاكم الله خير
سكنت بشارع أبوبكر الصديق
بشقق ديوان المصيف .. أنصح بها .. جميلة جداً
أنترنت 2 قيقا