مساءكم عسل ..
ابغى فنادق حلوه في ايطاليا .. والبرايسز بالمتوسط 150 ..اسماءها واللوكيشن .. وكل الي تقدرون عليه ..
وبالنسبه للضرايب ؟ على ايش الضرايب ووين تدفع ؟ انا سمعت فيه ضرايب في الفنادق والمطارات ..ممكن معلومات عنها ؟

هلابك
ياليت توضحين اسئلتك و تحددينها
يعني وين أي مدينة ؟ و150 ايش ؟ أي عملة
وشوفي المواضيع في البوابة و موضوع الشاب عن الفنادق المجربه في الصفحة الرئيسية

أهلين وسهلين
تسلم تسلم اخوي على ردك وتواجدك الدايم
اطلعت على المواضيع الي في بوابه ايطاليا000 كلهم تكلموا عن روما وميلانو 000 بس احنا نبغى نشوف فلورنس وفينس وريتشوني ؟ مالقيت كلام عن اوتيلاتهم ..خاصه موضوع اللوكيشن..اخواني بحكم خبرتكم اتمنى تجاوبوني
1- ابغى فنادق ماتتعدى 150 يورو واذا فيه ارخص بس يكون نظيف وحلو عطوني 00طبعا دوبل
2- القطارات اقدر احجزهم من هنا ؟ ايش المكتب في السعوديه الي يحجزلي القطارات ؟ وكم الوقت بالساعه بالقطار؟ لاني اطلعت على المسافات بس الوقت ماادري بين المدن ؟
3- هل ريميني هي نفسها ريتشوني؟ اذا لا ايو احلى؟
4- كم المصروف اليومي لشخصين وطفله عمرها سنه وحده ؟ بدون تسوق فقط مدن ترفيهيه ومنتزهات ومناطق اثريه وتنقل ومطاعم وخلافه .. المصروف اليومي بدون فنادق ولا تذاكر السفر طبعا . المصروف اليومي لكل الشخصين ؟
5- اسعار التاكسي داخل المدن ؟ هل فيه تكاسي عرب موثوقين ؟
6- او مدن معينه مثلا لو نسكن في فندق معين مانحتاج فيه لتكسي ياليت تذكرونه مباشره نقطه مهمه مره

أهم حاجه أبغى الاماكن المهمه بكل مدينه كأسماء فقط ,, الصور ممكن اشوفهم في البوابه
,, وياليت الفنادق يكونوا باماكن مااحتاج فيهم تكسي لاني احب المشي

بالنسبة لفينيسيا انا جربت فندق جدا ممتاز
starhotel عن طريق موقع http://www.booing.com
كان سعره تقريبا 120 يورو في اليوم هذا في ديسمبر 2007 يعني وقت الكرسمس
وزروي موقع المثبت عن الفنادق بيفيدك اكثر
تحياتي........ز

بالنسبة للقطارات انصحكي تحجزين من هناك
بالنسبة لريمني وريتشوني قريبات من بعض بينهم بالسيارة اقل من عشر دقائق وكلهم على الشاطي بس المميز في ريمنيس فنادقها والمميز في ريتشوني اسواقها وحركتها والكفيات والمطاعم والحركة و والسهر وفنادقها متواضعه جدا
التكاسي غالية يعني مشوار حق دقيقتين ياخذ منك مالايقل عن 7 يورو الى 10 يورو
واصلا داخل المدن ماتحتاجون سيارة كل شي قريب على الرجل
وحاولو انكم ماتحتكون بالعرب
تحياتي............ز

تسلم اخوي .. الفندق الذي ذكرته قريب من محطه القطار ؟ ؟؟
وعندي سؤال عن المناطق كمناطق ؟؟
يعني وش المنطقه الي اسكن فيها عشان مااحتاج تكسي ..وابغى اسم اوتيل حلو بنفس المنطقه هذي؟
في
1- روما
2- ميلان
3-ريتشوني
4- فينيسيا
بعدين ماقلتولي لو كانت الرحله عشر ايام .. اوزعها بينهم كيف؟ ولا لازم احذف منهم ؟
اهم سؤال ماجاوبتوني عليه برضو عن المصروف اليومي ؟

أرجو الساعده ,, ليه مااشوف ردود ؟

اضم صوتي لأختي نوف ، بمعرفة الفنادق المجربه في قلب الحدث ..