انا رايح سوريا اسبوع القادم
وراح اسكن اسبوع
ولم احجز شي ولم افعل اي شي
وكل شي من هناك شقه و اجار سياره ومطاعم
وعادي ومو مهتم
لاني ادري سهالات
سوريا فيها كل شي ومتوفر
عكس باقي دول اوربا
مطاعم اسلاميه غاليه نار في اوربا وغيرها من سكن وخلافه
انما سوريا
دوله عربيه
وكل شي فيها سهل
اما ميزانيتي فهي لخمس ليالي وست ايام
يمكن كافي 500 دينار كويتي او ازيده 200 بعد ليش لا
والباقي ارده معاي

اخي الكريم
اشكرك على الرد
وان اعرف ان سوريا بلد عربي
انت شخص واحد , رجل , انا رايح بعايلتي اكبرهم داخل في السبعينات واصغرهم في حدود 11 سنه
لازم ارتب وضعي , والحمدلله السكن ختى لو ما اعجبنا نشوف غيره ماكو مشكله .
اول مره ما ابي ينقص عليّ شي
يزيد ولا ينقص .

انا ذاهب مع العائله
معاك حق
في تجهيز قبل السفر
لاني سبق لي سفر سابقا مع شباب الي سوريا
اعرف كيف انظمها مع العائله
بمجرد وصولي الي سيدة زينب سأتوجة الي اي مكتب تاجير املاك واجر منه شقه مناسبه واكاسره في سعر الي ان اصل الي سعر يرضيني
اما باقي سوريا فبعد
تفحص المنتدي عرفت شغلات لم اعرفها سابقا
بالنسبه للمطاعم فالمطاعم كثيره جدافي كل مكان

إخوي المبلغ كافي بإذن الله وبالنسبة للتاكسي وعلشان ما يتأذى طويل العمر أنصحك بتأجير سيارة مع سايق من مكتب سياحي محترم راح يكون أغلى لكن مقابل راحتك والسايق راح يفكك من عملية النصب وإذا تبي واحد مجربه أنا شخصيا فإكتب في محرك البحث قوقل - الشوفير المهذب أبو حامد - وتلقى رقمه لأنه ممنوع نحط أرقام بالمنتدى .. بالنسبة للسعر فيعتمد على مشاويركم وعليك بالمفاصلة .. موفقين وما تشوفون شر وحب لي راس طويل العمر وحط بالك عليه تراه بابك للجنة .

اشكرك اخوي كويت على ردك
اشكرك اخوي محب الخير على ردك
وان شاء الله افكر في ابو حامد تصدق اني مخزن رقمه لاني شايف لك موضوع تنصح اخت
ولان القوانين تمنع كتبت موضوع في منتدى ثاني بحثت عنه وسجلته
وانت الحين تنصحني فيه , إن شاء الله اتصل فيه
بالنسبه للشايب لايسمعك , شباب هو اصلاً رايح يركب اسنان , و يمكن كبرته وخليته في السبعينات هو بالستينات
وشاكر لك رد وتوصيتك , الله يرحمه جدي كان ابوي يسبحه ويلبسه ويحلقه , انا وعيت على هذا ,يعني شفت بعيني اهتمامه في ابوه "جدي", و إن شاء الله اسوي مثله وازيد
الله يرحم والديك حيين وميتين إن شاء الله

الله يخلي لك والديك ويبارك لك في ذريتك ويرحم والدي وموتى المسلمين .. إن صار لك نصيب مع أبو حامد إعتبره إخوك وثق إنه بيخدمك ويسهل عليك كثير من الأمور .. بس تأكد إن الرقم اللي عندك هو الرقم اللي فيه 444 ..
بحفظ الرحمن

اي نعم 444 شفت موضوعك
اشكرك , واذا صار نصيب وتعاملت معاه بكتب عنه
شكراً

اخوي الفاضل مدام معاك عائله ليش تسكن بطراف دمشق ليش ماتسكن بزبداني وهومعروف للعوائل وارخص من الشقه الي ذكرت سعرها
الموهم اذانت استاجرت خلاص الله يوفقكم >>> لاكن اذاتبي دكتور اسنان وسايق امين ومحترم ترارقمه موجود عندي
وجميع صفات الطيبه متوفره فيه ورايح يريحكم كثير بالمواصلات >> انت عاد شف ونااخوك الي يريحك اذاحبيت ابشر
بسعدك ونا تحت امرك
الله يوفقكم وسلمني على الشايب بس اذاركب له اسنان ان شالله عاد تراه يبي له ,,,,,,,ماودي اقول خاف العجيز تضيق علي

بالتوفيق السكن في بلودان والزابدني احسن بكثير من الشام واريح