والله يالعزيز ابقولك اللي اعرف والشباب ماراح يقصرون،،،
بالقطارات كلش ممكن ،، وخصوصا في اوروبا بالنسبة للنرويج معروف انها بينها وبين باقي دول اوروبا
بحر ولكن هناك قطارات تعبر المشيق البحري الى السويد ومن ثم الى النرويج ،، ولكن ياعزيزي لاادري
ما اقول لك ولكن الطريق سيكون طويلا جدا ،، صحيح أنه جميل لكنه سيكون طويل بشكل مرعب
وسيصيبك الملل والتعب خصوصا اذا علمت ان طول المسافة من ميلانو في أقصى الشمال الايطالي
الى مالمو اول منفذ لك في السويد هو : 913.53 miles أي 14 ساعة هذا غير الطريق المتبقي
من السويد الى النرويج يعني خل نقول اقل شي مع طبعا التوقفات الأكيدة وتغيير القطارات يبيلك اقل
شي 20 ساعة،، وش رايك ؟؟ مازلت مصمم تبيها مته وحده من ايطاليا للنرويج،،
واللهي ما انصحك بس نصيحتي المتواضعة لك ،، أنك ياطويل العمر تختار محطات معينة خصوصا ان طريق
سفرك يمر بالقرب من مدن وعواصم مهمة ،، مثلا توقف في زيورخ وترتاح يوم تتمشى وتتعشى وتنام وبكره
او اي وقت تبي تحجز على المحطة الثانية ولنفرض انها مثلا فرانكفورت وتريح يوم يومين اللي تبي لاتخاف
القطارات دايما متوفرة ويندر يندر يندر ماتلقى تذاكر او يستحيل،، ومن بعده على كوبنهاغن ومن ثم على
ستوكهلوم عاصمة السويد ثم الى النرويج اخيرا .... هذا طبعا اذا ماوراك شي ويعتمد على ميزانيتك لأن
أسعار القطار تختلف من قطار لقطار ومن درجة لدرجة فمثلا أنا اتوقع ان ارخص شي من خبرتي المتواضعة
تقريبا 400 مايل بسعر 70 يورو وعموما الزملاء اكثر خبرة مني في موضوع الاسعار وانا بس حبيت اعطيك
فكره عن المسافات الجغرافية...

جزاك الله خيرا اخي الحبيب
بارك الله فيك
انا حاعمل زي ما انت نصحتني اسافر بالقطار من بلد الى بلد وارتاح بينهم لحين ما اوصل النرويج
لكن اخي لو معلومة بسيطة بس
حينما انوي ركوب القطار من ايطاليا مثلا الى سويسرا ما هو المطلوب لقطع التذكرة وهل يسألوني عن الفيزا ؟ لان الفيز اللي معي هي فيزا عادية . اخشى ان السلطات هناك ترفض ذهابي الى سويسرا ، او السطلات في سويسرا بعد وصولي الى سويسرا ترجعني الى ايطاليا
هل هناك مشكلة ام لا بهذا الموضوع ؟
اخي حينما اوصل روما وين اروح بالظيط عشان اركب قطار من روما الى سويسرا ؟،بحيث يكون رخيص ؟
جزاك الله خيرا

اسمعني حبيبي،، وشلون معك فيزا عادية هذي مافهمتها؟؟
عموما اروربا متسامحين جدا ومتساهلين اكثر واذا معك فيزة الاتحاد الاوروبي (الشنقن) خلاص تكفيك
ماعدا في بريطانيا....
وبعدين قص التذاكر سهل جدا جدا جدا كل مافي الأمر تروح مثلا قبل يوم سفرك بيوم مثلا وتقول أبي
تذكرة من روما ( للوجانو ) نصيحة لاتوقف بميلانو تراها خايسه من وجهة نظري واطلع على طول لأي
مكان بسويسرا وأنصحك بلوجانو حلوه مره.... بحيره رائعة.... ومحطات القطارات لايسألونك لاعن جواز
ولا شي اهم ماعليهم فلوسهم،، وانا يامحاكيك سافرت بالقطار من فيينا لزلامسي للبندقية لميلانو ومن ثم
للوجانو ومن بعدها لزرمات ومن ثم لجنيف ومنها لباريس،، واللهي ما اذكر احد تعرضني ولا قال لي وين
جوازك الا يوم جينا داخلين سويسرا جونا ناس عاديين فتشوا عشان بس يتاكدون ان معي فيزا وانا جالس
في كرسيي ماقمت ناظر جوازي ورجعه،،،والسفر بالقطارات متعة مره لأن اوروبا طبيعتها ساحرة .....
واول ماتوصل روما اي مترو بتلقا اكيد من محطاته محطه توقف عند الترين ستيشن واي تكسي او اي
فندق بيدلك عليها ،،،، وتقص التذاكر من هناك ،، مع ان فيه مكاتب ممكن تقص لك بس انت رح اريح لك
واسهل،، وصف سرا على التذاكر وارسم خريطة سفرك في مخك واطلب تذكرة اول محطة مثلا لوجانو قل
لهم، أبي اروح لوجانو تذكره وذا ربي معطيك خذ رجة اولى،، واسأل عن اليوروستار،، افضل القطارات..
وعلى فكره انصحك بعد يكون معك كتاب صغير او لابتوب عشان ماتطفش لو طالة المدة ويكون معك جكيت
دافي لو مريت اماكن باردة ، وياليت بعد لو عندك شال طويل زي حق الباكستانيين او بطانيه خفيفه زي
الطياره عشان اذا حسيت بالنوم تغط وارقد،،، واهم شي انتبه لاغراضك وخصوصا في ايطاليا تراهم حراميه
بقوه،، يعني محفظتك حطها في الجيب الخلفي واقعد عليها .....
ولاتنسى ايضا تاخذ معك سناك وعلبة موية ،، حطها معك في شنطة مثلا بسكوت شي مع ماء عشان بعض
الاحيان تجووع ويكون مافي اكل على القطار لاسمح الله لأي سبب من الأسباب ...
واتمنى ياخوي الغالي ان افدتك،،،، واتمنى التوفيق لك في رحلتك ولاتنسانا من دعائك.
تحياتي لك

بارك الله فيك
لقد افدتني كثيرا جدا جدا جدا
أسأل الله ان يجيزك خيرا
سأفعل كما ذكرت
وستكون خطتي بالسفر كما قلت ان شاء الله

ارجو من الاخوة الكرام مناقشتنا الرأي والنصيحة

اخوي محمد انت طرحت موضوع من اول تبغى تسافر ايطاليا عشان تشتغل هل اقدرت تطلع فيزة عمل؟ارجوا الرد لو سمحت! و كيف سويت عشان تحصل عليها