عليكم السلام ورحمة الله وبركاته
من اي بلد لانه الي يعتمد انت من وين جاي ؟
عملك في قطر كم تتوقع تحصل راتب ؟
المعيشه .. السكن غالي جدا ......الوقود غالي ....
عشان كذا قول لنا انت من وين جاي اي بلد وكم راح تتوقع تحصل راتب ؟

من السعودية
الراتب (9000) الاف بدل السكن (15000) ريال
ارجوا الافادة شكراً للجميع

جار المجاور
جيد
الراتب (9000) الاف بدل السكن (15000) ريال
الاجمالي 24.000 الف جيد جدا
مناسب مع الحياة في قطر
اهم مافي الموضوع البيت و باقي الامور سهالات ان شاء الله
بعض الاعمال توفر سكن وتوفر تامين طبي وكثير من المميزات
بتكون المدارس الحكومية مجانيه على ما اعتقد
و الخاصة على حسب كل مدرسة
المعيشه .. السكن غالي جدا ......الوقود غالي ....
لا اتفق معك ان الوقود غالي اغلى من السعوديه شي بسيط وارخص من الامارات و البحرين

1. وبنسبة للبترول احنا اغلى بشوي بس يعني الفرق مو كبير

جار المجاور
مربا فيك اخوي
واتنور الدوحه بوجودك
المدارسة الحكومية نعم اخوي بلمجان والحين 80% من المدارس صارت مدارس مستقلة هي بعد حكومية ولاكن مطوره وايد وحلوة
بنسبة للمدارس الاهليةفيختلف من مدرسة الى الثانية ولاكن تبدتي الرسوم من 8 الاف ريال بسنه
وهاي سعر الغالبية في الي 10 الاف واغلى شي 12 الف ريال بسنه
والسعر لك المراحل على ما اتوقع واذا في مدرسة في بالك قولي وانا اسالك عنها
وبنسبة لراتب + بدل السكن فهو جيد جدا
بس سؤال هل انت بطول بدوحه ولا فترة معينا وكم عدد الاسرة
اذا كان تواجدك فترةمعينا فانا انصح اتشوفلك شقة مفروشة
بس اذا كانت زيارتك مطوله وعددكم كبير فانا انصح بفيلا
ونصيحتي لك اخوي انك اتزور الدوحه واتشوف الاسعار بنفسك واحنااسعارالسكن عندنا غالية
ونصيحتي لك اتشوفلك فيلا في مجمع سكنيلان اامن لك وفيها مرافق مثل سوبر ماركت وملاعب طايرة وبرك سباحه وحديقة واتكون مرتبه وحلوة واتكون ارخص لك من الفيلا الي ابروحها
بنسبة لسعر الفيلا بتحصل اكيد بسعر البدل الي عاطينك اياه بس انت بعد حاول اتشوف اقل يعني مو شرط تاخذ ب 15الف حاول ادور وممكن اتحصل ب12 الف او 10 الاف او تحت 8 الاف والسكن حاليا قاعده تنزل اسعاره وان شاءالله ترجع لمستواها الطبيعي
وقبل لا اتجيب اهلك حاول اتشوف تجي واتشوف الفلل واتشوف مكان شغلك وين واتحاول ادل بدوحه
وبعدها اجرلك شقة مفروشة لمدة شهر او اثنين لين ما اتخلص اجرات الشقة وبعد ما اتاثثها لان الفلل اكيدمو اماثثه ونصيحتيان تاخذ الاثاث من عندكم بسعودية لان فرق بين الاسعار الموجوده عندنا وعندكم
ولاتنسى اتسجل اعيالك بلمدارس من بدري وترا في المدارس المستقلة راح اتكون في موادبلنجليزي وتعليمهم متطور ممكن يحسون عيالك بشويت فرق بس ان شاءالله تتعودون على الدوحه

وبنسبة للبترول احنا اغلى بشوي بس يعني الفرق مو كبير

وبنسبة للمعيشة نوعا ما احنا اغلى اكيدمنكم بس انت على كل حال راح تسكن يعني مو جاي سياحة فتقدر اتاقلم روحك على الوضع وصدقني صح اغلى منكم بس مش الغلى الخيالي يعني بتحصل في اشويت فرق بسعار المطاعم والبترول اما مطاعم الفاست فود او محلات الملابس التجارية العالمية في هي موحده اسعارها بلخليج تقريبا ومافي فرق بس الفرق يكون على المحلات المحلية مثل الخياطين الملحين او سوق القماش او محلات المستلزمات الرجالية فيكون فيها اشويتفرق ومثل المطاعم الراقية اتكون اسعارها اشوي مرتفعه
بس اهم شي تلقى السكن المناسب وبسعر اوكي وانت حاول اترتب نفسك واكيد راتبك بكفيك ويزيدك بعد
اتمنى ساعدتك لو بلقليل
واي استفسار احنا بلخدمة