نشر في ايطاليا

سؤال مهم وأرجو المساعدة

suhahned

18-02-2022 - 02:38 pm

ناوية أسافر هالسنة في أول شهر 8 الى ايطاليا لأول مرة بس قالوا ان المحلات بتكون مسكرة شهر 8 وتعرقون ناويين نروح نتسوق (وايد) هل صدق المحلات بتكون مسكرة ولا عادي؟ بليز أرجو الرد بسرعة لان لازم أحجز وأرد على وكالة السفر اليوم

التعليقات (9)

ممساح

18-02-2022 - 05:15 pm

suhahned
هل قصدك التسوق الاجل التسوق ولا ناوين على الماركات والاسماء الكبيره
اذا ماركات ................. ميلانو ............... بس 3 أو 4 أيام كافي وراح تخاص فلوسكم
اذا سوق وبس ......................... فأنا صراحة اعجبتني المانيا (ميونخ - كولون)

suhahned

18-02-2022 - 06:16 pm

ممساح
أخوي اممساح.............. مشكور وايد انك جاوبت مع اني فقدت الأمل حد يعبرني
نحن مو ناوين على الماركات الكبيرة بس حابين نشوف محلاتها بما انه نحن هناك وخايفين تكون المحلات صدق مسكرة.
ياريت بس تأكدلي إذا الماركات الكبيرة والأسواق بتكون مفتوحة ولا شو؟ ونحن انشاالله بنكون هناك من 8 أغسطس
ومشكور

ممساح

18-02-2022 - 07:17 pm

على فكرة ...................... أنا والعليلة الكريمة راح نكون في ميلانو لمدة ثلاث ايام 7-8-9- أغسطس ..................... وقبلها في بسكييرا ............ وبعدها في جنيف
نعم اغلب المحلات والدوائر الحكوميه تسكر لمدة 3 ايام في شهر 8 (عطله رسميه).............. بس ماني متأكد زين من التاريخ
اتأكد ورد عليكم

suhahned

18-02-2022 - 08:18 pm

مشكور أخوي ممساح وأنا في انتظار ردك لتأكيد الحجز في وكالة السقر

فيصل22

18-02-2022 - 09:19 pm

اوعي اطحين في المقلب الي طحت فية انا والعائلة شهر اغسطس في ميلان مافيها الى الاشباح فاضية وكل شي مغلق تقريبا كل الشهر

ناريمان

18-02-2022 - 10:20 pm

السلام عليكم
طبعا شهر 8 في ايطاليا تقريبا كل الشهر مغلق ولاانصح فيه
طبعا انا كنت في رحلة علاجيه الي هناك وحتي المستشفي يكون مغلق انا استغربت شلون تكون الديره كلها مسكره
فكان الجواب هو ان الكل ياخذ اجازه في هذا الشهر للأ ستجمام
والله المستعان بس طبعا المناطق مثل ميلان وروما مو الكل مسكر البعض
بس نصيحه لاتروحين شهر 8 احلي وقت للزياره هو شهر 4 او 5
واي سؤال احنا حاضرين

salvatory

18-02-2022 - 11:21 pm

أهلين
فعلا انا رحت ميلانو في اغسطس و كانت شبه فاضية ولكن محلات التسوق في منطقة وسط البلد (duamo) كانت فاتحة.. بس ترى يوم 15 اغسطس كل المحلات مسكره لأنه يوم ديني بالنسبة لهم.. و للمعلومية التسوق المميز هو الماركات الغالية (يا حسرة يبيله دراهم) . اذا في مجال تغيير الوقت لشهر يوليو أحسن لسببين: 1. فيه تخفيضات 2. فيه ناس و وناسه أكثر.. و بالنسبة لي ما أفكر أزورها في شهر 8 أبد من واقع تجربه شخصيه.. أتمنى لكم رحله موفقه

الهلالي

19-02-2022 - 12:22 am

انا مريت على ميلان في شهر 8 بس ما ذكر اي يوم وماكان يمشي في الشارع الا حنا بس !! بدون اي مبالغة كانها مدينة اشباح وطلعنا منها عالطول .... النحشه

suhahned

19-02-2022 - 01:23 am

ممساح.........فيصل22..........ناريمان.......salvat ory........الهلالي88
مشكورين على الرد شكلنا بنكنسل السالفة ونروح بلاد ثانية

ايطاليا المسافرون العرب

سؤال مهم وأرجو المساعدة