طريق ابوحدرية افضل بكثير عن قبل
اللحين فيه 3 تحويلات وتحويله اخيره قريب الخفجي ب 40 كيلو حق الكوبري الجديد هذي تجيك مفاجاه بدون لوحات انتبه منها
وبالنسبه للمنفذ مافي شي تعقيد
الجواز والاستمارة والتامين تاخذه منهم ب 50 ريال اسبوع
وكل شي سهل

ياجماعة الخير 16 قارئ ولا رد واحد !!!!!!!!!!!
سفرتي قربت والقلق ماكلني اكل ولا احد يرد يطمن .. بليز ياجماعة ردوا وطمنوني

أحبك يا كويت
الله يسهل دربك ، أنا ابتكلم على أساس أنك قادم من الدمام متجه للكويت ( لأني ما أدري أنت من وين)
طريق أبو حدرية = طريق الجبيل حسب علمي
والطريق سهل بأذن الله ، مثل ما تفضل الأخ أعلاه هي كلها 3 أو أربع تحويلات سايد واحد والباقي خط سريع سيدين ..
اتبع اللوحات اللي تقول الكويت، وما تدري ألا أنت واصل منفذ الخفجي
أول شيء:
الجمارك السعودية : ويمكن يطلبون استمارة السيارة وجواز صاحبها ، بعدين يعطونك ورقة خروج السيارة ( تحتفظ بها وتسلمها عند الجمارك الكويتية)
الجوازات السعودية:
وتعطيهم جوازاتكم لتختيم الخروج ، وفيه مكان بعد الجوازات على اليسار لتصديق جوازات النساء إذا كانوا متغطيات.
طبعاً هالخطوتين وانت بسيارتك وتعطيها للموظفين اللي بالكاونترات.
بعدين قبل ماتطلع من الحدود السعودية فيه عارضة يتأكد العسكري من ختم الجوازات.
بعد ماتعديها تمشي 5 كم تقريباً وتصل للحدود الكويتية:
قبل ما تصلكاونترات المبنية (تراها جديده) فيه على اليمين كشك خشبي هذا هو مكتب التأمين وتراها شركة يعني ما دامك ماخذ التأمين حق التعاونية ويسري في دول الخليج اتوقع ما يحتاج، واسألهم ، بعدين تجيك الجوازات يختمون لك ختم الدخول للكويت
وبعدها الجمارك أو العكس نسيت والله
والله يسهل دربك ويوصلك بالسلامة
وترى الدرب سهل والحمدلله
واي خدمة حاضرين
وبعدها الجمارك ياخذون ورقة الخروج حقت السعودية

عاشق الدانة
مرحباً فيك اخوي عاشق الدانة اولاً العذر والسموحة منك اخوي .. انا يوم كتبت مشاركتي اللي بعد ردك هذا ترى اظن صارت مشكلة بالكوكيز بجهازي او من المنتدى .. لإني دخلت ولا شفت اي رد وكتبت ردي الغاضب .. ثم اليوم نبهني مشرفنا الفاضل ضاري انك راد علي .. فالمعذرة والسموحة منك .. وماقصرت كثر الله خيرك اللي افدتني بهالمعلومات وخصوصاً التحويلة الفخ اللي قبل الخفجي .. الله يكفينا شر هالطريق ويخارجنا منه على خير .. تسلم وماقصرت

معن الصالح
الله يطول بعمرك اخوي معن ماقصرت بيض الله وجهك بيضتها وماقصرت الآن زال القلق مني بشكل كبير .. ابوي انا جاي بحول الله وقوته من الرياض .. عموماً الوصف واضح بإذن الله .. بس عندي سؤال بالنسبة للجمارك .. شيء طبيعي يفتشون السيارة .. كم تستغرق العملية عندهم كلها حتى الدخول للكويت برعاية الله ؟

اخوي ....
انا اقترح عليك انك تجي من طريق القصيم (المجمعة - حفر الباطن - الكويت) الطريق جدا مريح ولا تحويلات ولا شي وعندك من الرياض حتى تعدي المجمعة ب 60 كلم خط سريع وبعد كذا سايدين ومريح الصراحة احسن من طريق ابو حدرية
هذا مجرد اقتراح ... والخيره فيما اختاره الله
والله يسهل ردبك ان شاء الله
اخوك

بدخول الكويت الجمارك تفتيش خفيف واحيانا مايفتش
بس دخولك السعوديه انت ادرى بالوضع احيانا يمشيكبتفتيش خفيف واحيانا الله يعين

أنا
هلا بك ابوي .. والله طريق المجمعة ماسبق اني مريته ايداً وطريق الشرقية معروف بالنسبة لي .. وإلا اخبر اغلب الكويتيين يروحون ويجون مع المجمعة واللي خلاني اعرف السبب (( طريق ابوحدرية )) الله يكفي المسلمين شره .. لكن اللي سمعته ان طريق المجمعه خطر من ناحية انه تقطعه البعارين وبعدين يجيك مدري تحويله او حرف تي تلف يسار ثم تلف يمين ولازم الواحد يسلك الطريق بالنهار .. والله كني قريت هالكلام بالمنتدى فوجه تعرف ولا وجهن تجهله .. وانا اذبحني ولا المفاجئات :112:
عموماً مشكور وماقصرت وعسى عمرك طويل

عاشق الدانة
الله يعين والله العظيم ان شايل هم جماركنا .. وشوله جايب ذا ، ووشهيلوه ذي ، ووراوه ، هذا يبيله تصريح إعلام ، وذا لازم يجمرك ، وذا ممنوع .. والمسألة كلها يبي علشان يصادرها وياخذها لعياله .. صرنا مثل بعض دول الشام بالإبتزاز والإستغلال والتحايل .. الله يعين بس