ماانصحج بالكويتية كلش فيها وايد مشاكل
شوفي اي طيران ثاني
بس اذا اضطريتي حجزي
انا صراحة ماجربت بس اعرف واايد احجزوا اونلاين وعادي مشت امورهم
انشالله اكون افدتج
وحياج الله

حسافة والله قهر اللي يصير بالخطوط الكويتية .. هالخطوط تعتبر رمز وطني بحت ، وسمعته من سمعة الكويت ، حسافة تصير هالترادي بالخدمات .. يا مسئولين .. يا من بيدهم الحل والربط .. ترى الخطوط الكويتية اولى من تبرعات ومكرمات وفزعات للخارج خصوصاً ان هذه التبرعات بالغالب يقابلها ذم وقدح وحقد على الكويت شعب وحكومة .. لإن التبرعات ببساطة تذهب لقوم لا تستقيم امورهم إلا بسياسة التجويع والتشريد ولا يتأدبون مع الكرم والأخلاق الكويتية الأصيلة .. اختي الكريمة mist سامحيني على الشطحه لكن مشاركة اختنا Noura86 ، ذكرتني بالحزن والهم اللي بقلبي على حال الخطوط الكويتية .. عموماً انا سبق لي وقارنت بين اسعار النت ومكاتب الخطوط ، وجدت ان اسعار النت غير شاملة للضرائب ورسوم الطيران المدني في البلدين .. وعلى فكرة .. الخطوط السعودية تعتمد في خطوط رحلاتها للكويت طائرات الرحلات الداخلية صفيرة الحجم MD 90 ، اللي كنها ماصورة ( بايب ) صحي وانتم بكرامه

ضيقة جداً جداً ومزعجه ، يعني شوفوا اي طيران ثاني حتى لو كان ترانزيت على دبي او الشارقة او الدوحة . اهم شي تفتكون من المواسير الطائرة حقت خطوطنا العزيزة ( نعتز بإزعاجكم )

Noura86
مشكور اخوي على ردك
لكن احنا محصورين بهالخطوط مافيه غيرها
الترانزيت ما تسوى .. كمسافة و كسعر وكوقت
ماودنا نضيع وقتنا بترانزيت .. وغير كذا معنا كبار بالسن تعب عليهم
السعر بالموقع شامل الضرائب : SAR 1,161 + SAR 131 = SAR 1,292
افيدونا رعاكم الله : (< فاتحه موقع الخطوط تنتظر الضوء الأخضر منكم عشان تحجز

تم الحجز : )
مشكورين

حياكم الله في بلدكم الثاني وأن شاءالله أتسهل أموركم كلها يارب

مشكور اخوي ..
اقتراحاتكم للسكن للعدد الكبير ماشاءالله :d

حياكم الله
زين انج ما حجزتي في الجزيره .. ما انصح فيها
ان شاء الله ترتاحون بالكويتيه
السكن .. أعتقد يناسبكم شقق بودل او ايبيس
اتصلي عليهم و احجزي اللي يناسبكم
ما شاء الله 11 شخص
نتمنى لكم طيب الاقامه
و يا ليت يالغاليه تقرير بسيط و حلو منج
نبي نعرف ال 11 شنو راح يسون بالكويت الغاليه

المرام
الله يسلمك اختي
ماقصرتي على الاقتراحات
وان شاءالله اذا ربي كتب ماراح ننساكم بالتقرير

حياكم الله في بلدكم الثاني و هذه مجموعة من الإقتراحات...الفنادق و الشقق...
طبعاً بالسكن دائماً أنصح في منطقة السالمية,,,
حيث تكثر المراكز التجارية و الترفيهية, و الأسواق و المطاعم.
و من اقتراحاتي:-
Plaza Athenee Hotel
بلازا أثيني
التصنيف :
العنوان : شارع الخليج العربي, بنيد القار.
Tell : (+965)1846666
الموقع الإلكتروني http://plazaatheneekuwait.com/
مواقع مفيدة لهذا السكن : تريب أدفايسور - آسيا روومز http://www.asiarooms.com/kuwait/kuwait/plaza_athenee.html
معلومات : يضم هذا الفندق الأجنحة المميزة إبتداءاً من 45 دينار, و الغرف الفردية بسعر يبدأ من 30 دينار, كما له إطلالة جميلة من جميع النواحي أبرزها الخليج العربي و مدينة الكويت.
اضغط لمشاهدة تقرير عن الفندق https://artravelers.com/p/re/230706
Corniche
كورنيش
التصنيف :
العنوان : شارع الخليج العربي, السالمية.
Tell : (+965)5740006
الموقع الإلكتروني http://www.ritzkuwait.com/corniche/index.htm
معلومات : من الفنادق الجيدة(لعل ما يعيبه صغر حجم غرفه), يقع بالقرب من مارينا مول, و شارع سالم المبارك, تبدأ أسعار الأجنحة من 35-40 دينار.
Sara Plaza Hotel سارة بلازا
هاتف: (+965)5755306 /7/8/4
شارع دمنة(خلف الفنار),السالمية
موقع إلكتروني http://www.saraplaza.com/ - إبتداءاً من 40 دينار.
Ritz Salmiya
ريتز السالمية
التصنيف :
العنوان : شارع قطر, السالمية.
Tell : (+965)5739971/5739964/5739972/5711001
الموقع الإلكتروني http://www.ritzkuwait.com/salmiya/home_salmiya.php
معلومات : يشمل على أجنحة + غرف, قريب من سوق السالمية"سوق شعبي", و قريب من شارع سالم المبارك التجاري, متوسط أسعار الغرف20-30 دينار, الجناح30-50.
شقق بودل سويت
شقق بودل شقق مميزة و جميلة بمستواها الراقي جداً...
حيث أنها شقق فندقية بمستوى 5 نجوم, و هي من ضمن سلسلة بودل تحت إدارة سعودية.
الموقع : تقع في إحد أجمل المناطق "السالمية", و بالتحديد في شارع المطاعم(شارع عمرو بن العاص).
"شارع حيوي جدا يضم مطاعم تيك آوي كثيرة جدا"
و يقدم الفندق خدمات مجانية عديدة كالإنترنت المجاني فائق السرعه, مع الصحيفة اليومية و التعامل الممتاز.Tel : (+965)5757999
Fax : (+965)5757886
موقع إلكتروني : اضغط هنا http://boudl.com/arabic/kuwait-buar.asp و هذا الموضوع فيه صور من زيارة الأخت "سياحية" للشقق
أضغط هنا https://artravelers.com/p/re/92283
البعض يقول إن سعره متغيّر بدرجة كبيرة من فترة إلى الأخرى.
فندق ايبس:-
و هو فندق جديد على الطريقة الإقتصادية الممتازة لأصحاب الدخل المحدود...
بسعر 23 دينار لليوم !!
و يقع في شارع سالم المبارك بموقع ممتاز جداً...!
http://www.travel.maktoob.com/vb/travel199520/
للمزيد من الفنادق و انواع السكن في الكويت...
تفضل في هذا الرابط:-
https://artravelers.com/p/re/159240 تقبلوا تحياتي.