حياك الله اخوي العزيز ونتشرف فيك ..
اولا الوصول الى مطار ميونخ اذا معاك سياره مباشرهمن المطار الى زيلامسي ساعتين ونصف ونسكن فيها اسبوع وانزور جميع الاماكن الريفيهالي حوالينها والسياحيه ايضا .. ثم العوده الى ميونخ يومين او 3 ... ونتوقف هنا ..
للعلم باريس بعيده جدا من ميونخ لهذا انصحك اتروح طيران داخلي الى باريس وتجلس فيها 6 ايام ومنها تستطيع زيارة بورج البلجيكيه او بروكسل والاثنيني يبعدون عن باريس
من باريس الى بورج 3 ساعات
ومن باريس الى بروكسل 3 ساعات وربع
مع الافضليه للمبيت ببروكسل ووزيارة بروج منها .. مع تقليل ايام باريس
اختيارك للدول المذكور بروكسل وباريس وهولندا من غير مبيت صعب جدا ولا يمكن ..
وعليه سوف اوضح الصوره اكثر مع التفصيل
من ميونخ الى زيلامسي ومن ثم العوده الى ميونخ ومنها طيران داخلي الى باريس وبعدها قطار الى بروكسل ومنها تستطيع زيارة بروج البلجيكه وايضا امستردام الهولنديه بدون المبيت فيها وتكون نهاية رحلت من مطار بروكسيل
يعني من بروكسل الى امستردام بالقطار ساعتين ونصف تقريبا تقضي فيها يوم كامل وممكن زيارة روتردام الهولنديه ايضا من بروكسل وهي اقرب من امستردام ..
لكن احب اعرف كم الميزانيه لانه مثل هذي الرحلات مكلفه ؟؟ وسيلة النقل ؟؟ وكم المده تحديدا ؟؟
وابشر بكل شيئ .. سوف انتظر ردك واجاوب عليك في الليل
تحياتي لك

مشكور اخوي عل تفصيل بس انا فضلت عدم المبيت لان معانا طفله رضيعه بيكون التنقل معاها صعب ..
و بالنسبه للمسافات الطويله متعودين عليها من امريكا ما عندي مشكله و السياره راح اجرها طول وقت الرحله لانه بتكون افضل للتنقل مع اططفال و لاجناط من القطار ؟؟ صح

الي شفته ان التذاكر من الكويت لي فرانكفورت ارخص ؟؟
انزين فرانكفور اقرب لفرنسا و هولندا ؟؟؟
الي اعرفه ان اهلي راحوا برحله مشابهه قبل جم سنه و راحوا الدانمارك .. و هولندا و بلجيكا و النمسا من غير ما يباتون فيها
ناموا بالمانيا و فرنسا بس ؟؟

والله يا أخي اشوفه صعبه لكن بوضح
لكن ممكن زيارة بروكسل من باريس بدون ما تنام ببروكسل
اما بخصوص فرانكفورت تبعد عن باريس 5 ساعات وربع
ومن فرانكفورت الى امستردام 4 ساعات وربع
لكن ممكن المقصود الغرب الماني وتحديدا دوسلدروف او كولن القريبه من امستردام وبروكسل .. لكن بالعكس بعيده عن زيلامسي وباريس
ولو افترضنا انها من كولن الى امستردام 3 ساعات تقريبا
ومن كولن الى بروكسل ساعتين وربع
ومن كولن الى باريس 5ساعات تقريبا
لكن ممكن ما ذكرته انهم سكنوا بالغرب الماني وزارو بروكسل وهولندا .. ومن ثم ذهبوا الى الجنوب الماني وتحديدا ميونخ وزارو النمسا
اتمنى ان اكون افدك

وايد حلو .. و 5 ساعات هينه سقنا قبل بال12 ساعه و ما عندنا مشاكل بالسياقه ... بس بعرف من فرانكفورت لي زل ام سي جم ساعه وايد ؟؟؟
انا ودي يعني بالسياره نفتر عل مناطق الاوربيه المجاوره لبعض ..

حياك الله
من فرانكفورت الى زيلامسي 6 ساعات الا ربع ..
لكن شنو تحب تختار مخطط

و الله اني بلشه ... يعني من فرانكفورت ما ينفع اروح غارمش .. و اقعد بغارمش مثلا 5 ايام و كل يوم اروح مكان ؟؟ يقولون غارمش حلوه و من هناك مثلا يوم اروح برج ايفل ... يوم اروح امستردام اشوف الورود ..
و يوم بروكسل مع انه يقولون كلها مغاربه جنج بالمغرب
و بعدين من فرانكفورت على زل امسي ... و بعدين الرجعه لي فرانكفورت و اخلي اخر يومين تسوق بميونخ و فرانكفورت ... و ارجع الكويت ؟؟؟ حلو و لا مو حلو و كل الشكر مقدما تعبناك معانا

حياك الله ..
بصراحه انا ما ني فاهم ليش بتعب نفسك بالطريقه الي اخترته .. مع انك تقول معاك طفله وماتبي اتعبه ..
انت قاعد اتعبهم بتنقلات طويله .. تنقل بالسكن افضل واريح .. وزور الاماكن القريبه .. يعني نسكن بزسلامسي ومنها انزور سالزبورخ وميونخ وانزور غارمش وبعدها الى باريس وانزور بلجيكا ..
اشرحلي اذا عندك تصور عام للرحله ؟؟ بس مو بالطريقه الي ذكرته .. يعني ما يسوى انك اتروح من فرانكفورت الى باريس ... وغارمش ابعد بكثير من فرانكفورت بالنسبه الى باريس