نشر في سويسرا

سؤال لابو عزيز والخبراء

ابو شهـد

11-03-2022 - 05:00 pm

انا نويت السفرة هذا الصيف لسويسرا وفرنسا شهر 7او 8 ومدتها 10 او 12 يوم (طبعا انا والمدام ) سؤالي هل 40 الف كافية للسفرة شاملة التذاكر والسكن والمصاريف اليومية واستئجار سيارة في ظل ارتفاع اليورو مع العلم احنا مانبغى مطاعم فخمة ولا فنادق ارجو الرد وجزاكم اللة خير

التعليقات (5)

abu fahed

11-03-2022 - 08:03 pm

اكيد تكفي
السنه اللي فاتت كفاني مبلغ مقارب ل 40000 ريال
لمده 25 يوم
من باريس
جنيف
لوقانو
انترلاكن
زيورخ
و سلامتك
اعذرني على التدخل

ابو شهـد

11-03-2022 - 09:04 pm

مشكور اخوي وما قصرت لكن انا مخوفني كلام بعض اللي بالمنتدى عن ارتفاع الاسعار قبل فترة قرأت لاحد الاخوان ان معدل الصرف اليومي هناك 1300ريال وان اسعار الفنادق تدبلت وما ادري وش الصح

المزيد

11-03-2022 - 10:05 pm

تكفي ان شاء الله مع الترتيب الجيد والتبر في عملية الصرف 0 انا كلفتني 40000 ريال 20 يوم من A To Z طبعا بدون هدايا
رسوم تأشيره
تذاكر
اجرة سياره
فنادق
مصروف نثريات يوميه (مطاعم + تذاكر للسياحه + بنزين سياره + اجرة مواقف + رسوم طريق 000 الخ
الرحله كانت لشخصين الىمدن تم السكن بها ( جنيف - انترلاكن - لوزيرن - لوقانو - زيرمات - جنيف مره اخرى )
مدن وقرى تمت زيارتها فقط ( انسي - شيموني - لوزان - مونترو -- فيفيان - + ميلانو في ايطاليا)

ابو شهـد

12-03-2022 - 12:07 am

طيب يااخوان ممكن احد يقسمها لي يعني التذاكر تقريبا كم والسكن كم والسيارة كم واللة يعطيكم العافية

المزيد

12-03-2022 - 01:08 am

ابو شهد
تذاكر طيران تقريبا = 8000 ريال (بعض الخطوط ارخص ولكن انتبه الى الترانزيت يمكن تصرف اكثر مما توفر)
سكن 12 يوم = 12000 ريال ( اذا حاولت السكن على اطراف المدن يمكن ينخفض الى 8000 ريال )
سياره 12 يوم = 3500 ريال (لاتحاول تاخذ سياره كبيره تكفيك الصغيره بس انتبه من الشنط وحجمها وعددها )
نثريات 12 يوم = 9000 ريال (اكل +شرب+ بنزين +مواقف + تذاكر دخول مواقع سياحيه )(حدد سقف مصروف يومي واجتهد ان لاتتجاوزه )
المجموع = 32500 ريال وامكانيه التوفير اقرب ولكنها ارقام احتياطيه
الارقام تقريبيه وان شاء الله انت وشطارتك في كل بند (كم تختصر )

سويسرا المسافرون العرب

سؤال لابو عزيز والخبراء