وعليكم السلام ورحمة الله
حياك الله أخوي الغالي خليج العز
للأسف لا أعلم تحديدا أين يقع هذا الطريق
العقبات كثيرة ربما تكون الصماء النازلة من السودة إلى الحبيل وربما تكون عقبة المخواة أو عقبة جبال الحشر في جازان .
أعتذر عن عدم خدمتك وعسى أن يسخر الله لنا من يجيب .
رعاك الله .

بالنسبه للعقبه هذي تشبه عقبة الصماء النازله من السوده وهذي العقبه ينزل ويطلع معها اي سياره انا انزل مع عقبات لازم تكون السياره ماخذها عزمها كامل وهي طالعه والدبل شغال وانا نازل ومع ذلك اشوف سيارات صغيره ووبدون دبل تطلع وتنزل معه ا

عاشق الخالد
الله يحييك اخوي عاشق الخالد
طلتك خير وبركة حتى لو ما افدتنا بخصوص العقبة
الله يعطيك العافية وعساك على القوة

galawy1
كفيت ووفيت اخوي العزيز galawy
أشكر لك تفضلك بالرد الله يبارك فيك
ولو كانت الصورة جانبية كان نقدر نحسبها صح
بس أكيد السيارات اللي انت شفتهن من أهل المنطقة يعني خبراء في العقبات
ما قصرت طال عمرك

وعليكم السلام ورحمه الله
اتغدى واجيك ....
بس ودى اعرف شغله .. اشتغلت اللقافه
انت ودك تعرفها ليش .. هل في راسك مغامره حاب تخوضها او تحدى بين زملائك او وش السالفه
ولى عوده كما ذكرت وعلى فكره جواب نهائى ما عندى ههه

ان شاء الله ما طولت
كما ذكرت اجابه قاطعه صعب تحديها لان المتوفر هو صوره واحده فقط ولكن
نستج من هذه الصوره نقطتين هامتين وهى ان الخط به مصدات اسمنتيه عند المنعطفات فقط
وان الخط غير مخطط بالخطوط الارشاديه وهى الاصفر والابيض
واعتقد والله اعلم ان هذه العقبه لن تخرج من منطقه جيزان حيث انها الوحيده المشهوره
بهاذا النوع من العقبات الشديده الوعوره وتحديدا عقبه الصلاله ( جبال الحشر ) وهى الاقرب
او العقبه الموديه الى فرشه قحطان بعد ما تطلع من محافظه الريث صعودا
وتحديدا بعد ما تتعدى وادى لجب حيث يحمل الطريق بعده نفس مواصفات هذه الصور
ولكن ما استطيع ان اوكده لك بانها ليست عقبه الصماء لان الخط مخطط

وليست بعقبه ريده رغم انه يشبه لها كونه بدون تخطيط ولكنه يختلف
عن الصوره بانه لا يوجد به حواجز اسمتنيه اطلاقا !!!

وطبع ليست بعقبه شعار او المحمديه او الابناء او سنان لانهم مخططين بالخطوط
الارشاديه هاذا ان كانت الصوره حديثه وان كانت قديمه فنستثنى اخر عقبتين
لانى لم اجربهم
بالنسبه للسياره المناسبه لمثل هذه العقبات الشديده الانحدار فالصالون مناسب
جدا ولكن لابد من القير العادى واستعمال نمره ثقيله
اما سيارت الجيب غير الدفع الرباعى ففى النزول لابد ان يكون القير عادى
واستعمال نمره ثقيله وايضا الفرامل لابد ان تكون بحاله جيده فى كلا الاحوال
اما الطلوع ما عندك مشكله فقط اذا كانت السياره بحاله جيده
هاذا مالدى وان شاء الله اكون افدتك
واذا عندك صور اخرى ارجوا طرحها لعلها تسهل الامر قليلا

حيو مافى زيو
صحيح انك ملقوف لكن لقافتك محمودة وطيبة لأنها مع اخوانك ومحبيك
طال عمرك لا مغامرة ولا تحدي ترى اخوك عاقل شرواك
بس سلمك الله انا ناوي في القريب ان شاء الله برحلة برية
ويمكن تكون لأبها
فلما شفت هالصورة في النت قلت بيني وبين نفسي
جهز حالك يا ولد واقلب سوبر مان علشان تطير فوق هالعقبة ههه
وهذا سبب سؤالي لأني تخيلتها في السودة ولا حوالينها
وبانتظارك عقب الغدا

حياك الله ياخوي
ألحين هذا وقتي واتليقف عليك ههه
وش غداك ذا اللي طلعت من بعده كل هالمعلومات الغزيرة ما شاء الله عليك
المهم ألحين أنا ارتحت ان هالعقبة بدري ثاني غير اللي انا ناوي عليه
وبالنسبة عن السيارات والله ريحتني الله يرحيك دنيا وآخره
لأني يوم شريت سيارتي تاهو بدون دبل
خبروني ناس انها بدون دبل حالها حال الصالون في العقبات
والصعود والنزول فقلت ليش عاد ما خذت لي دفع رباعي وفكيت حالي
بس بعد مداخلتك الله يجزيك خير فهمت ان الأمور طيبة
ولا هنت ياخوي على المعلومات المصورة
وعليك ألف عافية غداك ومداخيل العافية
والله لا يحرمنا من شورك وعلومك

مرحبا اخى خليج العز
السر وانا اخوك مش فى الوجبه بل فى حاله الغيبوبه الى اعقبتها
وطالما انك تبغى تبتعد عن العقبات الوعره اذكر لنا نقطه انطلاقك
والاماكن اللى حاب تزورها وانا والاخوه هنا راح نعطيك افضل الطرق وأمنها
بالنسبه للسيارات الامريكى عامه ما ينصح بها فى العقبات الشديده الوعوره اطلاقا
ولكن فيه عقبات كثيره أمنه وسهله مثل عقبه الكر ( مكه - الطائف ) والمخواه ( الباحه - مظليف )
وعقبه ضلع ( ابها - جيزان ) وانا اعرف ناس كثير يملكون تاهو ويسلكون هذه العقبات
بشكل شهرى !! ولم يحتاجون للدبل اطلاقا
فقط يستخدمون ميزه وهى موجوده فى التاهو وهى استخدام القير العادى والنمر من 3 الى 4 فى العقبات
واذا الحموله زائده من ( 2 - 4 ) حسب انحدار الطريق
وعند الانتهاء من العقبه يرجعون الوضع للقير الاتومتيك
وعلى فكره الصالون عندنا اهل الجنوب هو التايوتا لاندكروزر
توهتنى وتوهتك معاى ...