قمة الجبل هذي من قمة شمتين هويه
احيانا في نساء مدربات ... اما من الطيران علمي علمك .. ما سبق لي التجربه
تحياتي

وهذه الصورة أخذتها من قمة شمتين هويه

وكان معه مدرب
تمنيت اجرب بس ماكان عندي وقت
سنحث لك ولو جدت ما يفيدك رديت عليك مرة ثانية

تفضل روابط تفيدك
تفحصها واعطينا خلاصتها
http://www.zellamsee-kaprun.com/winter/activities/aviation_activities/parachuting/en/

ابو عمر مشكور وماقصرت
طائر الغربه عسى ربي يوفقك وماقصر
اخذت المواقع واتصفحت فيهم وبالاخير اتصلت على شركيتن
الاولى قالوا لي انهم في المانيا وبعيدين عن زيلامسي حول 5 ساعات فصعبه يسوون في زيلامسي والموظفه ثقيلة دم لحدها
الشركه الثانيه مكتبهم في زيلامسي والموظف جدا متساعد ورايق وقال لي كل المعلومات الا ابيها حتى عن المدربة على شان زوجتي قال احتمال نقدر ندبر وحده من المانيا بس لازم تدفع مبلغ زياده
طبعا فيه اوزان معينه وانا وزني يمكن مايساعد قال لازم تجي واحنا نقرر انك تقدر او لا
المبلغ في حدود 240 يورو للشخص
وعطاني معلومات كويسه بس اول مااوصل زيلامسي راح اروح لهم وبعدين نقرر
مشكور خوي طائر الغربه واجد وماقصرت يالغالي

الحمد لله أني وفقت لخدمتك
أمتنى تعطينا إنطباعك عنها لو جربتها ولا تنس التصوير وانت فووق الجو
الله يوفقك

اخوي طائر الغربه انا من قبل سنتين كنت في سويسرا وكنت في انترلاكن واشوف الناس تسوي sky diving وزوجتي تحمست مره للفكره فقلت نشوف سفرتنا الجايه والحين انا متحمس وبس هي شوي خايفه بس لين رحنا هناك راح نشوف
المشكله لما كلمتهم قال لي بالنسبه للمدربه لازم يجيبون مدربه من المانيا وراح يزيد المبلغ شويات
اذا تبي نصور فوتو ب 40 يورو واذا فيديو ب 80 يورو واذا فيديو مع فوتو ب 100 يورو للشخص
الوزن مثل ماقلت لازم يكون اقل من 90 كلم ولما قلت له انا اكثر من هالوزن قال لازم تجي وحنا نحدد هالشي
وانت ماقصرت على الروابط وربي يسهل امورك يالغالي