والله ياختي انا دخلت موضوعك وبصراحة اول مرة اشووف واسمع عن الفندق هذا
لكن نصيحة خذي المعلومة الصحيحة من المجربين للفندق ....... ترى الفنادق اذواق
حاولي تاخذي فنادق قريبة من الشانز افضل لكم خصوصا الوناسة كلها هناك او تاخذي عند منطقة الاديفانس
والقرار لك
ورحلة موفقة

سؤال--------------- هل يهمك القرب من الشانز-------------- ولا السعر ولا الفخامه
لان فيه فنادق كثيره

hmoodi
يعطيك العافيه حمودي
شكرا على النصيحه ان شاء الله النيه نسكن عند الشانز ..
ومشكور لانك اول اللي ردو حتى لو ماسمعت فيه .

مفتي باريس
هلا اخوي مفتي باريس
اللي يهمني انا وزوجي ...
القرب من الشانز - النظافه - خدمه حلوه - اثاث غير مستهلك كثير ...
يعني شوفة عينك اسعار الفنادق فباريس غاليه ندفع على شي سنع احسن من شي دوون المستوى
كنا مخيرين بين الشاتو او الباورز
بس بعد ماشفنا هذا عجبنا والله احس انه اجدد
نزلاءه يمدحونه اكثر من الباجين .. خاصه اللي توهم نازلين فيه من شهر وشهرين ..
على فكره انا قريت ردود النزلاء فيه مثل ماقال حمودي كلهم مدحو الغرف وكلهم اتفقو على نظافة الفندق ووقربه من الشانز ....
وقريت رد لاخت قطريه بمنتدى ثاني اسمها ام لولوه تمدحه حيل تقول انها سكنته قبل ... شفو هذا كلامها :
حبيبتي في فندق سكنته فيه اسمه فيرنت ورا الشانز بالضبط تدخلين له من عند لوي فيتون وتروحين يمين ماياخذ منج دقيقه مشي روعه الصراحه وسعره روعه وراقي وديكوره وايد مريحه احلى من كاليفورنيا والوار ويك بمليون مره وتوهم مجددنيه على كثر ماسكنت بقنادق بفرنسا عمري ماارتحت ففي فندق مثله واذا تبين صور الفندق ممكن انزلها ومن تصويري الشخصي
وتروحين وترجعين بالسلامه حبيبتي
مادري احترت غريبه محد يعرفه بنطر باقي الردود

حسب رد الاخت
موقعة بيكون مرة عجيب ...توكلي على الله الغالية

Hotel Vernet4 نجوم ****
الموقع // الشانز , قريب جدا من قوس النصر
مواصلات// محطة charles de gaulle-etoile
خدمات//صحف ، لغير المدخنين ، مصعد الأمانات ، صندوق ، تدفئة ، مخزن الأمتعة ، مكيفات هواء.خدمة الغرف ، قاعات اجتماعات / ولائم ، مركز أعمال ، غسيل الملابس ، تنظيف جاف ، خدمة فطور في الغرفة ، خدمة كي الملابس ، صرف العملات ، تلميع الأحذية ، تأجير سيارات ، فاكس / نسخ مستندات ، خدمة التذاكر.
الانترنت// لاسلكي 8.00 يورو للساعة الواحدة. اماكن عامه
السلكي 8.00 يورو للساعة الواحدة. غرف الفندق
موقف سيارات// 25.00 يورو في اليوم.
غرف الفندق//51 غرفه.
الاطفال اقل من 12 سنه مجانا
الاكبر سنا 70 يورو لليوم الواحد.
مسموح للحيوانات الاليفه..رسوم
تقييم النزلاء// المجمل 8,6 من 10
لعاملين 8.9 الخدمات 8.5 نظيف 8.8 راحة 8.8
موقع 9.7
==============

الاخ قطر 2007
مشكور وايه موقعه شي ...
شموخ مشكوره يعطيج العافيه حبيبتي
ماشاء الله عليج شعلة في بوابه فرنسا صج ...

اختي الفندق مرتب توكلي على الله و خذيه ، اعرف ناس سكنوا فيه ليلة لانهم مالقوا حجز الا فيه و كانوا ناويين يسكنون فيه مؤقت و يطلعون اذا لقوا فندق غيره ، بس من الخدمات الي فيه و النظافة كملوا كل اجازتهم فيه ..