no Cash
وعليكم السلام ورحمة الله وبركاته
هلا وغلا الغالي ..
فيه قطار تاخذه من محطة فيكتوريا أيودي على مطار قاتويك والمده بالقطار أعتقد حوالي ربع ساعه ..
بالنسبه للسعر ماعندي خلفيه الغالي ..
لكن بما أن عددكم ماشاءالله خمسه فأفضل التاكسي وإذا كان معكم شنط واجد أخذوا ميني باص ..
لأنك لوا حسبتها كتكلفه بيطلع القطار أغلى من التاكسي وحتى إذا وصلت المحطه لازم تاخذ تاكسي من المحطه لين مكان الي تبيه
بالنسبه للأسعار المخفضه حاول تاخذها من موقع الخطوط البريطانيه على النت
وأي خدمه أحنا تحت أمرك الغالي ..

القطري
الله يعطيك الصحة والعافيه اخوي القطري..
ما شاء الله عليك تبارك الله.. الله لا يظرك.. فعلا وقت الحاجه نلقاك في الوقت المناسب..:x1:
سؤالي عن المواصلات من المطار للمدينه وليس العكس.. وكم راح تكون التكلفه بالتاكسي (تقريبا)؟
حاجه ثانيه كيف وضع التذاكر المخفضه؟
يعني هل تاخذ تذكره وحده تقدر تدخل فيها لأكثر من مكان؟ ولا كيف؟ وما هو الوضع بالنسبة للأطفال؟
على فكره هذا أول موضوع لي لكني متابع مواضيعك ومداخلاتك القيمه..
آسف طولت عليك.. تسلم يا حبيب الكل وما قصرت..

NO CASH
هلا وغلا الغالي ..
طول وأخذ راحتك قد ماتبي وراح اتلاقينا تحت أمرك
ولا مره استخدمت قاتويك ولكنه اقرب من هيثرو حسب ماشفت من خلال رحلتنا إلى برايتون لان احنا مرينا من عنده وأتضح انه قريب
وبما ان عددكم 5 فأخذوا تاكسي أفضل ..
التذاكر المخفضه أفضل ونفس الوقت تتفادى الطوابير الطويله ..
الأطفال أسعارهم أقل ونفس الشي تقدر تاخذها من موقع الخطوط البريطانيه ..
وعلى حد علمي كل مكان له تذكره خاصه
وإذا عندك اسئله حطها وأحنا لها بالمرصاد

يبعد المطار عن لندن مسافة ساعة بالباص
وسيلة الإنتقال هي الباص والتاكسي
الباص أرخص بكثير ... التكاسي غالية جداً .. أعتقد يكلفك التاكسي 1000 ريال
الباص رخيص وسيكلف الواحد تقريباً 12 باوند ذهاب وعودة ... لكن ذهاب فقط 8 باوند .. إياب فقط 7 باوند
مع خالص حبي واحترامي

smartman777
تسلم وما قصرت الله يحفظك..
لكن كيف اوصل لعنوان الشقه بالضبط؟
ما ابغى حوسه.. خصوصا اننا عائله ومعنا اطفال...
شكرا لك يالغالي.. والشكر ايضا موصول لحبيبنا القطري

ميزة الباص أخوي أنك تمر بأرياف ومناظر طبيعة جميلة جداً وممتعة ... بس لازم تكون واصل الصباح.أنا في البداية ندمت أن وصلت لقتويك بس بعد ما ركبت الباص وشفت المناظر ... ما ندمت أبد.
بالنسبة لوصف الشقة .. أنت إذا وصلت لمحطة الباص خذ تاكسي وعطه وصف الشقة.
أنت أحسبها وش الأفضل والأرخص.
مع خالص حبي وأحترامي

^
^
^
كلامي منطقي ،،
وهذا أفضل حل إذا كان الشخص يبغى يوفر أكثر
لأن القطارات متعبه اذا كان معاك شنطه (( كبيره )) وراح تغثك ويمكن تكره السفره

القطار من محطة فكتوريا إلى القيتويك ذهاب وعوده ب 25 باوند

اخواني سمارت مان - خاص - منيسوتا.. ما قصرتوا الله يسعدكم
اذا احد عنده علم عن تكلفة التاكسي من جاتويك الى منطقة الماي فير.. (تقريبا)
لأني احس التاكسي اريح بحكم انه يوصلك مباشرة للمكان المطلوب..
بالمناسبه.. اخوي القطري ذكر ان جاتويك اقرب من هيثرو.. هل هذا صحيح؟
لأن اللي سمعته وقريت عنه انه العكس.. جاتوك ابعد.. يا رب اكون غلطان ويكون هو المطار الأقرب
الف شكر للجميع مره ثانيه