الله يعينكم على بلواكم ويفك اسر وطنكم لكن اخوي ما ادري الصراحة عادة السفارات في الدول الثانية تقبل اطلع لك فيزا اذا كان عندك سبب وجيه مثل رحلة عمل او غيره
لكن تواصل مع السفارات في دول مجاورة واسالهم
وربي يكون في عونكم ومبروكين الشهر الكريم

اعتقد ممكن ،،، بس ع الله يعطونك الفيزا ،، وخاصه في اوضاعكم الحاليه ،، الله يفرج عليكم يارب
لكن اعتقد انك لازم تكون متواجد بالبلد نفسه ،، يعني تقدم ع الفيزا اللي اهيه الشنغن ،، من سفاره فرنسا مثلا اللي في سوريا شريطه انك تكون متواجد بسوريا ،، فهمت علي ياخوي ،، والله يعينك ع طلباتهم لكم .. لان فكره انك تزور صديق هناك اعتقد ماراح تقنعهم .
شكرا اخوي

مشكورين-- طيب سؤال اذا ممكن ؟ هل انه شهادة الراتب والعمل تغني عن كشف الحساب اللي للبنك او لازم كشف الحساب؟؟

والله اخوي ماعندي علم بالنسبه للمطلوب للعراقيين لان الامور تختلف من جنسيه الى اخرى مثلا بالنسبه لنا نحن القطرين واعتقد ان الخليجيين نفس الشي بعد .. مطلوب فقط حجز فندق ع الاقل ليله واحده فقط ولا يطلب منا كشف حساب او اي شي غيره ،، اما بالنسبه لكم اعتقد ايضا ان حجز الفندق مطلوب ،، وقد يطلب شهاده من العمل ايضا لكم بالموافقه
اسأل اخوي

مشكورر- بس انا صديقي الفرنسي راح يستضيفني في بيته فم احتاج لفندق ؟؟ يصير؟

ع حسب علمي اخوي بخصوص فيزا السياحه .. لازم مطلوب حجز فندق .. اذا اخبرتهم ان صديقك راح يستضيفك يمكن نوع الفيزا تتغير وراح تتحول الى زياره فراح يكون طريقه استخراجها اصعب ,, عموما في حالتك افضل ان تسأل السفاره من دون ماافتي لك , واعتقد انهم بالنسبه لحالتك يمكن يطلبون ورقه من العمل بالموافقه ع التأشيره وراح يطلبون كشف حساب من البنك اللي حسابك فيه . او احتمال دام ان صديقك فرنسي يمكن عن طريقه يقدر يبعث لك الفيزا
واسأل اخوي اكثر لان الفيزا تختلف من جنسيه لاخرى
شكرا لك

الف شكر الك وربي يوفقك ويخليك

يعني كيف صديقي ممكن يبعثلي هو الفيزا ممكن شرح اكثر اخوي واشكرك جزيل الشكر

والله ماادري يااخوي ،، بس احتمال لان في بعض الدول يااخوي اذا تعرف شخص يصير يبعث لك هو الفيزا لان انت راح تروح زياره له ،، يعني بأختصار اذا انت بتروح زياره له هم كيف يعرفون ؟؟!! فخل هو يسأل لانه هو فرنسي اذا ممكن يبعث لك فيزا زياره اذا يصير
لان انت مثل ماتعرف ان الدول هاذي تخاف ان الشخص يروح اوروبا ومايطلع منها ،،
فهم لازم يضمنون انك راح تروح زياره وترجع او تبين لهم انك صحيح راح تروح سياحه عن طريق اثبات ذلك بحجز الفندق والرصيد وورقه من العمل ،، اعتقد بالنسبه لكم
لان بالنسبه لمواطنين الخليج لايطلب منا غير الرسوم وحجز فندق مؤكد ،، اخوي انا ممكن اسأل لك لان عندي اصدقاء بالسفاره لكن انا بقول لك بالنسبه للعراقيين المقيمين بالخليج ،، اما بالنسبه للعراقيين اللي في بلدهم محد راح يعرف يرد علي ،، فجرب تسأل بنفسك او جرب صديقك الفرنسي يسأل لك واذا فيه امكانيه انه يجيبك ع ظمانته الشخصيه فهمت علي .
وشكرا اخوي وسامحنا