أحسن ما سويت تايلند في الصيف زحمه وماتاخذ حقك ك سايح بالكامل يعني تبي تاكل من مطعم فول تبي مجمع فول رحله فول و و و وو و و ف انا اخترت الفتره من اليوم انشالله طيارتي الين تاريخ 25-6
وبنسبه ل سؤالك ف الجو في تايلند معتدل درجه الحراره تتراوح مابين 28 الى 36 درجه مئويه يعني لا حر ولا برد
بس في هلفتره بتكون شويه حروره مع امطار :> بس احسن من حر الخليج :>>> واتمنى اني فدتك

ماقصرت يالغالي انا الاهم عندي ان مافي زحمه ويكون في امطار لاني شفقان على المطر ورايح لحالي ابي اريح من العمل والروتين بس هل تنصحون بجزر بتايا ولا اتركها لاني معزم اروح بوكيت اسبوع وبعدها عندي اسبوع ثاني بلشان فيه اكمل في بوكيت ولا اروح شنغ ماي بعد ماارجع بانكوك

اخوي الطلعة تكون لشنغ ماي بالاول افضل ثم تروح لفوكيت ثم لبانكوك
وتقدر تطول المدة في فوكت لانها لا تمل صراحه روعة
يعني 4 ايام شنغ ماي رائعة فيها جبال وشلالات ولما تروح التور الي يطلعونك فيه عالمعبد اذكر ان الدنيا ثلجت علينا فوق والمطر سيل ما ينتهى حتى الانجليز الي معانا ثلجوا وكانوا لابسين قط وشورت ههه
توراتها حلوة والطبيعة جمال ما بعده جمال
بعدها تنزل على الساحرة فوكت وتقضي فيها اسبوع لا يمل
ثم تخلي المحطة الاخيرة بانكوك 3 ايام
تروح وترجع بالسلامة

انا حاليا موجود بتايلاند وتحديدا في بتايا ..
الجو رطب صباحا إلى فترات العصر وبعد المغرب يكون مناسب للمشي والتسوق وعموما رطوبه وتمشي و تصب عرق ههه
اخذوا معاكم شمسيات لأن بأي لحظه تمطر ( موسم الأمطار هذا الموسم ) ..

الشيخة هلا
مشكوره يالشيخه ونبي نجرب شنغ ماي لكن المشكله رايح لحالي اشوف ان بوكت كل الوقت افضل ولا شرايج لان الوحده ممكن تمللني باكثر من محطه وخلينا نروح كل الرحلات بس الاهم عندي بتايا يقولون مي للعوائل طيب انا شاب انفع
الف شكر على المرور

صعب المزاج
الله جابك حباب ظبطني في بتايا وين الوناسه انا مثل ماقلت لحالي فبوكت كل المده ولا امر بتايا لانها قريبه من بانكوك بعدين المطر براد وياه ولا كله رطوبه وعرق ترى حر الخليج ارحم عندي من الرطوبه

مطرهم حلو و هادي شوي لا يقارن بمطر الخليج ابدا لول
اي تمطر ومعاهم براد شوي ينعنشك
خلك حوالين منطقة العرب وفندق في سي و بوتيك لأن المكان هذا مكان عرب
راح تلقى مطاعم عربيه تقدم جميع المأكولات الخليجيه من الكبسات و غيره
وكذلك الشيشه متوفره وبكثره في بتايا على وجه الخصوص ،،
حاول تمشي واجد لا تعتمد على توصيله او تاكسي
لأن المشي في بتايا يونس وما تحس بالمسافه
الله يعطيك العافيه
وتروح وترد بالسلامه ،،

يالله على جو تايلند مايتغير طول السنه اربع فصول بيوم
انا سافرت شهر 6 حلو ومطر وشي عجيب
بس سافرت شهر7 بعد حر ورطوبة ومطر مو كثير
وشهر8 مافي مطر الا مره كل يومين حلو التوقيت اللي بتروحون فيه عليكم بالعافيه

صعب المزاج
ممتاز الله يعطيك العافيه يعني نروح بانكوك يوم بعدين بوكيت 5 ايام بعدها بتايا 5 ايام بس الرحلات والشواطئ الطيبه قريبه من شارع العرب في بتايا ولا بعيده لاهنت على ردودك