أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
هلا اخوي قصدك تبي التكة و الكباب و هالسوالف يعني ؟
فيه موجود عندنا بس اشلون ادليك هالمطاعم في داخل دواعيس المنامة !! و ايضا يوجد في المحرق
بس اذا تبي احد المطاعم في المنامه ,, شوف اذهب للمنامة و اذهب للمنطقه القريبة من سينما اوال ,, و اسال هناك عن مطعم تكة بو حسين ,, ايضا يوجد مطعم تكة اخر في هذه المنطقه اسمه المنقل ,, انت اذا وصلت بالقرب من سينما اوال مابتضيع اسال اي احد قوله وين مطعم تكه و بيدلونك .
ايه نسيت .
و فيه عندك مطعم (طهران) بجانب مرمريز ,, القعده فيه جميلة و ايضا يبيع التكة و الكباب لكن اسعاره ارفع نوعا ما من مطاعم التكة في المنامة القديمة , بس مطعم طهران الوصول له سهل (مقابل مجمع البحرين) .
و شكرا
ما لك الا تكة ابل في القضيبية اشهر من نار علي علم اسال والف واحد يدلك علي موقعها، كذلك عندك كباب امين مقابل مقبرة اليهود في القضيبية. اطلب تيك اواي ويا غرشة كراش وروح الكورنيش او البحر لان القعدة في المطعم ما تسوي الا اذا كنت شعبي كلش.علي فكرة هذي المطاعم والنوعية من الاكل ما تحصلها الا في البحرين دار الزين .
بلادي البحرين
في دبي اخوي تحصل بعد بس اشوي ,, يوم رحت اخر مرة عيال خالي في الامارات في دبي ودوني مطعم يسمونه تكة بحريني عند شارع الضيافه في دبي ,, يبيع تكة و كباب مثل اللي في البحرين بس السعر اغلى يمكن الصيخ ب 3 دراهم !! و احنا الصيخ بربية (100 فلس) . و مثل ماقلت التيك اوي حلو الاكل في الكورنيش او تقدر في السيارة تاكله بالصياخ عشان يكون حار و فرش هم هم
فهد الاحمد الظاهر يدور الرخص سيخ التكة ابو 100 فلس
القضيبية يا اخي فهد عندما تطلع من الجفير تاخذ يمين وتدخل شارع الفاتح وانت متجة الي الدبلماسية اول اشارة تلف يسار ثم يمين وتدخل شارع المعارض. عندما توصل الدوار الاول تلف يسار وتدخل الشارع اللي يوديك الي شارع القصر، المنطقة علي يمينك ويسارك هذي كلها القضيبية، كذلك بعد ما تعدي الاشارة وانت متجة الي بناية الكويتي المنطقة علي يمينك هم بعد القضيبية.
تكة ابل مكان السيخ بو 100 فلس تعدي الدوار الاول في شارع المعارض ثم تلف يسار علي الدوار الثاني وتمشي مسافة بسيطة بتكون تكة ابل علي يسارك ،اسال اي بحريني في الشارع بيدلك
تسلم أخوي بلادي ما كنت أدري إن مكانه سهل لهالدرجة
وانا فعلا مارة علي لافتة القضيبية من قبل بس ماكنت اذكر وين والحين عرفت يوم كنت مار شارع المعارض عشان مطعم اصفهاني
تسلم أخوي
بس السؤال المهم اللحم ذبح محلي وإلا ؟؟؟
فيه موجود عندنا بس اشلون ادليك هالمطاعم في داخل دواعيس المنامة !! و ايضا يوجد في المحرق
بس اذا تبي احد المطاعم في المنامه ,, شوف اذهب للمنامة و اذهب للمنطقه القريبة من سينما اوال ,, و اسال هناك عن مطعم تكة بو حسين ,, ايضا يوجد مطعم تكة اخر في هذه المنطقه اسمه المنقل ,, انت اذا وصلت بالقرب من سينما اوال مابتضيع اسال اي احد قوله وين مطعم تكه و بيدلونك .