لا أنصح بأخذ الأطفال في السفر ( رأي شخصي )

اذا انت بتطلع جزر وتحب الرحلات ، راح تتعب وماراح تنبسط .
خاصة الرحلات البحرية ، ورحلات السفاري ، كلها يبي لها الواحد يكون خفيف .
سمعت من واحد من الشباب هنا ، ماخذ ولده الصغير معه ، يقول يوم رحنا للسفاري انا اركب الدباب وامه واقفه ماسكته ، ثم ارجع وامسكه وهي تركب !!
يعني خليه مرتاح بالديرة احسن .
خاصة انه لسى صغير يعني ماراح ينبسط او يستوعب اللي حوله .
سفرة موفقة .

انا مع الاخوان بعدم اصطحاب الاطفال ( قي هذا السن ) في حالة واحدة فقط .............
ان كان عندكم شخص تثقون بة انه يستطيع الاعتناء بابنكم عناية كاملة و مثلكم او اكثر فانا ماعندي مانع ان يترك في البلد ام ان كان الجواب غير هذا .... رجاء .... و رجاء ان تأخذوة معكم ...... انتم لا تعرفون معني ان لا يكون الطفل معكم... الموضوع له تبعات نفسية لو تركتموة بدون رعاية جيدة.
سوف اذكر لكم هذة القصة التى حدثت لصديقي و جاري .... ذهبوا في احد المرات الى ماليزيا و كان احد الابناء صغير السن - عمرة وقتها سنتين - و لم رجعوا كان الطفل متذمر و دائم البكاء و رغم مرور وقت على هذة القصة الا ان الطفل كان يتذكر الموضوع و لما كبر .... و بعد كم سنة ... طلب من ابوية ان لايتركوة مرة اخرى ...
خلاصة المشورة - يتعب معكم و يتعبكم - افضل من يتعب لوحدة و تسببون لة الم نفسي قد لا يمحى.
هذا والله اعلم

بسم الله الرحمن الرحيم
انا اؤيد اخي ابراهيم في ما قاله
وانا ضد الاهل الي يخلون اطفالهم مدري وين ويسافرون عنهم:112:
بحجه انهم طالعين وناسه وان هذا الطفل بيخرب عليهم وبيثقل الطلعات
يعني كيف يا خوي بترتاحون ولدكم مب معاكم والا كيف المدام بتصبر عنه
صدقني بتلوع جبدك هناك فيه, ولا راح تستانسون
يعني سؤال دايما يخطر على بالي للاهل الى يبغون يتبرون من عيالهم في السفر
في حد يتحمل الاطفال غير اهله؟
وبعدين انتوا في ديرتكم ما تطلعون؟ ما اتروحون رحلات؟ ما اتروحون الالعاب وتستانسون؟
كيف يعني هالياهل المسكين في السفر بس بيخرب عليكم
يا خوي خذ بنصيحتي وتوكل على ربك وخذه معاك
قدام عينك اريحلك,
ومثل ما قال اخوي ابراهيم
يتعب وتتعبون ولا يتعب ابروحه بعيد عنكم

روحو ستانسو وخلوه لان جو تايلند ملوث كله ديزل وناموس اختصرو السفره اذا امكن والله الحافظ

اذا كان لابد من السفر خذو الطفل معكم لان أ مه بترتاح فى السفر وفى تايلند استئجرو مربيه فترة الحاجه (وجهة نظر خاصه )

وين ممكن استأجر مربيه

لالالالالالالالا تستاجرين وشلون تثقين فيها ؟لو تنحاش فيه او تحط له شي خاصة انك بدوله غير دولتك يعني مالك امل تطالبين بحقك
اذا فيه اهلك خليه عندهم افضل خاصة انه ابو 9شهور يعني ماراح يفقدكم
اما التعب النفسي فعلا ياثر على الطفل ولكن اذا كان عمره سنه ونصف او اكثر

هلا أخوي أنا سافرت تايلند مع بنتي عمرها سنتين بصراحة أستانست معانا صج أول شي إحكرتنا في وايد اماكن مارحنالها بس صج لها جوها بس وجهت نظري ولدك صغير 9 اشهر واإراضة بالرحلة الوحدة وايد ومثل ماقالوا أخواني إذا عندك أحد أريحلك لكن إذا ماعندك أحد اخذة معاك بس راح تتقيدون بالرحلات وخاصة الرحلات الجرز ( تبي الصج مافي احد يتحمل عيال الثاني )