momo_uk
هلا الغالي ولد الغالي وحياك الله بين اخوانك في المنتدى
الله ايحفظكم ويرعاكم ان شاءالله ..
مافي مشاكل على الاب توبات بس أهم شي اتكون خاليه من مقاطع الجهاد ومقاطع الي فيها ذبح وغيره ..
بالنسبه لكروت الجوالات عندك في ادجول رود كذا محل وكلهم عرب وبالبطاقه تقريباً 20 باوند ..

هلا والله فيك
الاجهزه عادي بس يفضل كل واحد يحمل معاه جهاز وليش الكل يحملهم شخص واحد
بالنسبه للاتصال اذا كنت تقصد شريحه الاتصال فيها متوفر بكثر بمحلات الاجوارود ويفضل شريحه فودافون والسعر يتراوح من 10 الي 30 باوند
واذا تقصد كرت الاتصال الدولي اللى تتصل فيه من الشقه انصحك بكرت اسمه iphoneلونه ازرق وسعره 5 باوند ويعطي 120 دقيقه اتصال للكويت
ورحله موفقه اتمناها لك

أنا دخلت جهازي اللابتوب ولا فتشوني
الوضع عادي .... بس الحيطه واجبة
تحياتي

شكرا لإجاباتكم، جزاكم الله كل خير،
هو كل وحدة معها جهازها،
بس انتو عارفين، كلها مسلسلات من النت، والبرامج 50% غير أصلي
بالنسة للبطاقات، تحنا رايحين مدينة قريبة من لندن في البداية،
نقدر نلقى هذي البطاقات في المطار؟ وبطاقات الباص والأندرجراوند؟

سؤال ثاني،
بالنسبة لضريبة Vat، وترجيعها في العودة، كيف يتم الموضوع؟
مجرد أننا نحتفظ بالفواتير؟
وهل تشمل أي شيء نششتريه؟ ملابس، اكسسوار، جزم، أجهزة؟
في أحذد المواضيع، أحد الأخوة ذكر أننا نحتاج الجواز،
وما أعتقد فيه إمكانية نشيل جوازاتنا معنا كلما تسوقنا
شاكرة لكم مساعدتكم،
جزاكم الله خيرا

momo_uk
مراحب طال عمرج ..
بالنسبه للتاكس فري او Vat ..بحاول اشرحها بعدة خطوات للتسهيل ..
1- إذا شريت من اي محل اطلب من الموظف ايسوي لك تاكس فري وأشترط عليه ان الدفع في المطار كاش
2- بعض المحلات أكرر بعض المحلات يشترط الجواز والبعض يعطيك انت الورقه وايقولك عبها وهو عليه الختم..
لكن لازم تنتبهين ان الأسم لابد ايكون مطابق للي في الجواز ..
3- وانتي في المطار قولي حق موظف التذاكر ان عندج تاكس فري عشان الشنطه الي فيها الأغراض ايحط عليها استكر لأن موظف التاكس فري يمكن يطلب ايشوف الأغراض لأن هذا الموقف صار معي العام وكان التاكس فري بيروح علي ولكن قدرت اقنعه بكلام حلو وبعدها مشاها لي وعطاني التاكس فري وأذكر كان قدامي واحد أماراتي اتخانق معاهم وماعطوه الفلوس لأنهم اصروا عليه ايشوفون الأغراض وهو يقولهم الأغراض دخلوها الشحن ..طبعاً الواضح انهم مايبون يعكونه الفلوس وخصوصاً ان اغلب الموظفين هنود ومعاملتهم يعني لك عليها ..
وإذا في اي شي مش واضح ياليت اتبلغوني وانا تحت أمركم ..

momo_uk
هلا وغلا ..
مش مشكله المسلسلات لكن أهم شي المقاطع الي فيها جهاد وذبح ..
واحد من ربعنا يدرس في امريكا وامسكوه في المطار لانهم لقوا في الاب توب حقه مقطع من المقاطع الي ايحطونها في النت وقالهم ان هذي المقاطع متوفره في النت وان الكل يقدر ياخذها ولكن مافي فايده للأسف ..
صار له حوالي 6 شهور لين الحين وهو مسجون في المطار ..
الصيف الماضي وديت معي الاب توب وكان كل شي عادي وحتى الصيف الي قبله وديته معاي وبعد كل الأمور عاديه ومحد فتشني ولكن الأحتياط واجب ..
البطاقات طال عمرج متوفره في اغلب المحلات الي بشوارع لندن ..
وأعتقد إذا ماخانتني الذاكره تقدرين تاخذينها من مطار هيثرو وانتي طالعه من البوابه الأخيره ..

شكرا لك أخوي القطري
الحمدلله اجهزتنا ما فيها شي من هذي الناحية،
بالنسبة للتاكس فري، شكرا وضحت لي كثير
جزاك الله خيرا

غريبة، متأكدة أني رديت ؟؟
عموما،
جزاك الله كل خير أخوي القطري
الحمدلله، أجهزتنا ما فيها شي من ناحية المقاطع ،
وشكرا على توضيحك بالنسبة للتاكس فري،
ممكن إذا عندك فكرة تقريبة عن الجو بين نهاية جون وبداية أوغست؟
أكيد أن الجو بارد بالنسبة لنا،
لكن هل فيه تأثير للاحتباس الحراري؟
شاكرة لك مساعدتك