السلام عليكم
هلا وغلا ثلج لندن ..
وحياكم الله بين اخوانكم وخواتكم وان شاءالله اتفيدون وتستفيدون
لاأتحاتين مافي شي من هالنوع ..
والأجراءات مثل ماهي ماأتغيرت ..
وكلام الناس واجد فلا تاخذين عليه ..

تعقيب على كلام اخوي القطري بس حبيت اوضح نقطة..
الإجراءات تغيرت قليلاً ولكن ذلك يعتمد على وقت الذروة بعد.. انا جيت قبل عشرة أيام تقريباً.. بعض الي نزلوا من الطيارة تم تفتيشهم بدقة .. وكان زميلي وصل قبلي بيوم.. قعد في المطار اكثر من ست ساعات سين وجيم
واثنين اعرفهم الاسبوع الماضي تعرضوا لأسئلة كثيرة وهي عن اسباب مغادرتهم البلد وهم في وقت دراسة وقعدوا بالمطار اكثر من اربع ساعات
الجهاز صار موجود بالمطار ولكن يتم تطبيقه حسب الحاجة.. انا جيتي كنت مستعدة انهم بيطلبون مني خلع الجاكيت وغيره فلبست لبس مناسب من تحت.. وفعلاً طلبوا مني هالشي..
اعتقد يمكن التدقيق على الطلاب اكثر من غيره وهذا شي طبيعي.. لكن السائحين يعتمد على الرحلة ووقت وصولها ووجهتها وأشياء ثانية.. علماً بأن بريطانيا قامت أمس برفع مستوى الخطر والتأهب للمرحلة ماقبل الأخيرة.. وهذا كان في الأخبار
ولكن مع ذلك يبقى الوضع طبيعي للي ماعليه شي.. فقط يحط في باله انه ممكن يتأخر في المطار قليلاً .. وزي ماقلت هي مسألة تعتمد على الوضع الأمني يومها في المطار

تسلمين خبيرتنا
الجهاز موحجود من زمان في المطار ولكن غير شغال لحد الحين ..انا جيت في بداية الشهر وكان الوضع عادي ..وقبل اسبوعين رحت استقبل ولد عمي في مطار هيثرو وكان الوضع عادي بعد ..
والملابس في العاده ايشيلونها لما الواحد ايغادر بريطانيا ولكن غريبه ايفتشونكم وانتوا داخلين !
كذا مره وقفوني وانا طالع من المطار بعد مااستلمت شناطي ولكن كانت الأسئله المعتاده ومره وحده قالوا لي افتح الشنطه ..

1. http://news.bbc.co.uk/1/hi/8438355.stm

كلامك لايخلوا من الصحة أخوي القطري وماقصرت.. ولايمنع أن الواحد يكون مستعد نفسياً للتأخير غير المتوقع للمسائلة أو التفتيش الدقيق.. ولكننا نتكلم عن الأوضاع بعد تصريحات بروان الفترة الحالية
وموقع اخبار البي بي سي.. العمل بالجهاز مفروض يتم تطبيقه خلال الفترة هذي.. ولاتنسى ان الأوضاع الأمنية متأججة هاليومين بعد حادثة النيجيري .. انا اعرف ناس مروا بكل يسر وماصادفهم أي تدقيق وتفتيش ولا أي نوع من التعطيل وناس تعطلت بالساعات.. أنا الحمدلله فقط تفتشت تفتيش عادي وخمس دقايق اسألة والي معاي فتحوا شنطته
المطلوب فقط التهيأ النفسي لما هو غير متوقع وتقبل ذلك بأريحية
Mr Brown said travellers would see the "gradual" introduction of the use of full body scanners and hand luggage checks for traces of explosives.

http://news.bbc.co.uk/1/hi/8438355.stm

العمل بالجهاز راح يكون بشكل تدريجي وغير معلن ولكن مفاجأ للمسافرين كما صرح قوردن براون رئيس وزراء بريطانيا.. وله تصريح ثاني قبل اسبوعين تقريباً يقول ان العمل به راح يكون خلال ثلاث اسابيع فقط في مطار هيثرو.. يعني قد يصادف شخص من بين الف شخص في الفترة الحالية.. ولكن من الي صار مع زملائي لاحظت ان التدقيق كان غالباً على الطلاب وليس السائحين .. أثناء الخروج اكثر منه اثناء الدخول للبلد
وقبل ثلاث ايام كنت اقرا الجريدة.. إنهم ماراح يخلون اي احد يتعرض للجهاز لكن فقط لما يشتبهون في تصرفاته..
وأنا شعاري امشي عدل يحتار عدوك فيك.. يعني مايحتاج ادخل في شنطتي اي شي يخليهم يفتحونها.. لاسوائل ولا اكل ولا يحزنون.. كل شي متوفر حالياً بلندن.. والأوضاع الأمنية للأسوأ واقرا أياتين قرأن وماحد يتعرضلك ان شاء الله

صدقتي خبيرتنا
عجل الحمدالله الي عدينا قبل الجهاز :8888:

حتى في المانيا وقفوا مطار هامبورغ الشهير
مو بس بريطانيا العالم كله خايف من هجمات مرتقبة

فعلا يابيت التعريج.. ولكن يبقى الحال أرحم من الدخول لأمريكا بكثير والله يعين الطلاب الي فيها والمضطرين لها..
أنا في السعودية والعسكري يفتش شنطتي خلاني افتحها وطلع الأغراض الي فيها كلها.. وتعطلت وماعرفت ارجع ارتبهم.. يوم خلص اعتذر وقال النيجيري ماسوى فينا سواة وصرنا مغصوبين نعامل الجميع على أنهم مشتبه بهم.. انا عذرته لأن هذا شغلهم ولأن هذا حال الدنيا.. السوء يعم والخير يخص
إيه صح حبيت أعلق على الأخت ثلج لندن.. تطمني من ناحية الغرفة المغلقة.. إي نعم الجهاز اللي في هيثروا في غرفة مغلقة والي يراقب الشاشة بعد في مكتب مغلق.. ومن القوانين الي تابعتها في البي بي سي على شروط استعماله في مطار هيثروا.. إنهم مايطلعون الرأس.. يعني الكاميرا تمسح الجسم بس وبدون تسجيل للفديو او حفظ أو ربطه بهوية الشخص الي يتفتش..
ونقول الله يحفظك ويحفظنا ويحفظ الجميع ومانتعرض له بيوم من الأيام

ذكرتيني بأمريكا
صار معاي تحقيق لاصار ولاأستوى يوم رحت ..حتى شناطي جابوها من السير لين مكتب التحقيق
ولكن هذا الكلام من زمان ..
بعد كل الي صار الحين الله ايعين الي مضطرين ايروحون هناك ..
اخوي يشتغل هناك ولكن الله راحمه انه معاه بطاقة العمل ومن خلالها يدخل بدون تحقيق ولاأسئله ..