امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
كثير كلام
19-05-2022 - 10:02 am
حبايبي سؤالي على عجله
سؤالي بخصوص اجهزة الصرف الالي:
سؤالي؟؟؟؟؟ ادري غريب وبتقولون وش ذا القروي بس لاني العام عانيت من الصراف يوم جيت اسحب بالبطاقه يطلعلي اكثر من خيار ما ادري وش الي اختاره فيهم وجلست ادعبس فيه الي طفش مني الجهاز وقالي.... انت وين عايش.... ما تعرف تستخدم صراف ؟ قلتله انت والله اغرب جهاز شفته معقد جدا
وصارت مشاكل الين اخذت الفلوس وانتهت المشكله


التعليقات (6)
الرصاصي
الرصاصي
والله أنك كثير كلام صدق
الحين وصفت لنا معاناتك ونسيت تسأل سؤالك؟
على كل حال إذا بغيت تسحب فلوس من الصرافه باللغه الانجليزيه
أضغط على
withdrawal
بعدها يسألك اذا تبي طباعه إيصال للعمليه البنكيه
print receipt
وبعدها اسحب فلوسك واستلم الايصال ..
بس لا تنسى تروح من الصرافه قبل تتأكد أن الجهاز أنهى العمليه بشكل تام ..
لان فيه صرافات كثيره في أمريكا بتسألك بعد أخذ فلوس اذا تبي عمليه أخرى أو لا ..
و أحتمال يكون وراك واحد شاف رقمك السري .. بكذا .. يقدر يسحب وانت توك ماشي من الصرافه !..
ف اذا كانت لغتك ضعيفه .. و سحبت دراهمك .. وتبي تمشي وما تدري ان الصرافه لا تزال محتفظه بمعلوماتك ..
فيه زر مكتوب عليه cancel أو delete اضغطه و أنت ماشي ...
أوكي يعني اليوم درسنا فيه أربع كلمات أنجليزيه لازم تحفظها ..
كلمتين أعتقد موب أول مره تشوفهن ..
cancel = إلغاء
delete = حذف
و كلمتين شكلهن أول مره يمرن عليك
withdrawal = سحب
receipt = إيصال
إحفظهن وإن شاء الله ما تتوهق مره ثانيه مع الصرافات الانجليزيه ..
على فكرة موب تروح تضغط زر اللغه الاسبانيه و تجيني تقول يا رصاصي شكلك تنصب علي بذا الكلمات
ترى صرافات أمريكا أغلبهن فيهن لغتين أنجليزي و أسباني
حبايبي سؤالي على عجله
الله من العجله يا كثير كلام وين سؤالك ياخي

كثير كلام
كثير كلام
ههه والله موتني من الضحك صدق اني مصفوق بس طلعت انت ذيب وعرفت سؤالي ذيب ولد ذيب انا خوفي من جد اختار لغه غير لغتي الام وهي الانجليزيه واتوهق بس اهم شي احفظ كلمة withdrawal
withdrawal withdrawal withdrawal خلاص كذا انا حفظتها صح.......
مشكور وما قصرت ما لها داعي تقول اخذت طلبت وبرضو نسيت تشكرني لول

almawed
almawed
معليش على رفع الموضوع
لكن عندي استفسار بسيط دام الموضوع يتكلم عن المصارف
ماهي المصارف السعوديه المعترف فيها هناك و بطاقات الصرف اللي اقدر اسحب منها
وكذلك انا عندي بطاقة الاهلي ماستر كارد مسبوقة الدفع هل تخدمني هناك ولا لا ؟
شكراً لكم

الرصاصي
الرصاصي
تقدر تستخدم أي بطاقه صراف سعوديه..
في أي مكينه صرافه في أمريكا ..
بشرط التأكد من العلامات الموجوده خلف البطاقه مع العلامات الموجوده على الصراف ..
أنا جربت الرياض و سامبا وكلها شغاله ..

الصريح777
الصريح777
>موضوع يموت من الضحك حسبي الله عليك يا كثير الكلام
وشكراً رصاصي يا ( رائع ) الحاسة السادسة ماشاء الله شغالة عندك والظاهر مارين عليك كثير من كثير الكلام
طبعاً أقصد اللي ينسون السؤال .
.

عالي الصيت
عالي الصيت
من تجربة افضل سعر للصرف انك تشتري من Wal Mart وتطلب كاش من المحاسب
المبلغ الاعلى الي تقدر تاخذة كل مرة 100 دولار
لكن ممكن تكرر العملية لو احتجت
مع ان امريكا ماتحتاج فيها كاش ابد
بالتوفيق واي سؤال انا احضر


خصم يصل إلى 25%