شوف عزيزي اناكنت فيها قبل اسابيع قليلة وعندي كافة الاجابات الي تحتاجها ولكن 5 ايام قليلة جدا خصوصا للي بيزور ديزني لانها لوحدها يحتاجلها اسبوع بالقليل ,ومن ناحية السيارة فانت ستكون في غنى عنها تماما اذا سكنت داخل ديزني اي في احد فنادقها والعكس تماما اذا سكنت خارج ديزني .
من ناحيتي ارشح السكن داخلها اذا كنت من محبي ديزني والالعاب النارية وهي يومية والعروض الممتعة والالعاب الشيقة
اي استفسار عن اورلاندو حاضرين. طبعا الجو بيكون حلو في وقت رحلتكم.

الله يعطيك العافيه اي والله ياخوي محتاج اعرف
اولا انا مضطر اني اجلس هالمده بس
ثانيا ودي ازور الاوت لت واليونيفيرسال والداون تاون حق ديزني عشان كذا فضلت الداون تاون ودي ببرنامج يتناسب مع المده وهل السياره بتكون ضروريه او لا
الله يسعدك

ألف مبروك مقدما على الزواج
انا كنت فيها قبل اشهر وكانت شهر عسل .......... انصحك بالسياره لانها بتكون احلى وارخص في التنقل ......... بالنسبه للمده ابدا ماهي كافيه وانصحك بقوه انك تعدل في جدول الرحله لانه ارولاندو فيها نشاطات كثيره وتحتاج وقت اقل شي 8 ايام ........ انا جلست فيها 11 يوم وكان الجدول مليان للآخر ......... وبالنسبه للسكن انا انصحك انها تكون خارج ديزني لانه بيكون ارخص كثير وانت معاك سياره يعني ماتحتاج تسكن داخل ديزني
واي خدمه انا حاضر

الله يسلمك اخوي..... طيب وش اسم الاوتيل الي سكنته؟
وايش الاماكن الي تنصح نزورها؟
انا عارف ان مدتي قصيره بس مجبور اني ارجع
وانا مرتب نفسي اني مثلا ازور ديزني بس مو كلها او زي كذا ولا شرايك؟؟
اله يبارك فيك

بالنسبه للأوتيل في كثير وانا نزلت في Fairfield Inn and Suites Lake Buena Vista Marriott Village
ممتاز جدا ورخيص وقريب من ديزني ............. طبعا اولاندو مدينه ترفيهيه وفيها اشياء كثير لكن اهمها ديزني وانصحك 4 ايام ديزني كل يوم مملكه لانه صعب انك تاخذ مملكتين في يوم واحد وراح يكون تعب عليكم وماتستمتعوا ........ ويومين للينيفيرسال ستوديوز وادفنشر كل وحده فيهم يوم ويدخل معاهم الستي ووك كبرنامج مسائي ..... وعندك يوك سي وورد جميله ولاتفوتها وعندك يوم تروح النهار فيه على السوق الاوتلتس وفي المسا داون تاون ديزني والسيرك وكمان تقدر تخصص يوم تروح تامبا للملاهي فيها بوش قاردنز وتبعد ساعه من اورلاندو اذا انت تحب الرولر كوستر لاتفوتك فيها اشكال والوان ............ عموما هذا الجدول المبدئي بإختصار ...... بس نصيحه مني كشهر عسل وانا مجرب لاتفوتك اولاندو لانه يومك بيكون كله مغامرات وجدولك مليان وفيه انشطه كثير وراح تنبسطوا انشالله ......... ولاتنسى الاوتلت ........ اسعارها مجنونه وخصص ميزانيه واشتري من هناك ولاتغلط غلطتي
وبالتوفيق وانا في خدمتك

شكرا اخوي معماري النغم
والله كلام جميل
شفت الاوتيل شكله حلو بس كنه قديم شوي ؟؟؟
طيب فيه اوتيل اسمه
Grand Bohemian Hotel
يمدحونه في ديزني داون تاون او مو غالي تعرفه او مريت عليه؟؟؟

اي فندق داخل ديزني احجز وانت مطمئن

ايه بس انا ودي اسكن داون تاون او شايف هالاوتيل كويس بس ماشوف احد تكلم عنه
Grand Bohemian Hotel

بصراحة مامر علي الاسم ولكن شفت فنادق عند الداون تاون ديزني وجميعها ممتازة ومواقعها ايضا مميزة بحكم وجودها في الداون تاون