أفضل لك تروح لشارع الكورنيش لأن عليه مطاعم كثيره
ووصفه أنك تبتل لين يجيك اشارة مشاة وفوقها جسر مشاه (تقريباً بعد اشارتين)
تتعدى اشارة المشاه .. وبعدها تجيك اشاره رح معها يسار
أنت الحين بشارع الكورنيش .. وتحصل المطاعم ع اليمين واليسار
فيه على شارع الظهران بعد ما تتعدى الحفريه .. يجيك ع اليمين كم مطعم وجبات سريعه وواحد هندي وواحد صيني
ولك الخيار

حلو حلو حلو مشكور على الوصف
طيب انا اسمع عن شارع البيبسي ...وان فيه مطاعم كثيرة
وين هذا شارع البيبسي

1. و بالنسبة للتوصيف :

يالغآلي في البداية في الخبر بالنسبة لي منطقتين او مقرين للاكل و اختيآر المطاعم :
الأول هو كورنيش الخبر و هو الشارع المعروف و فيه مطاعم كثير مثل بيتزا ان و كنتاكي و غيره لأنه اصلاً مشهور و معروف انه مقصد الزوار ..
و الثاني هو المنطقة تكون خلف شارع الكورنيش و لكن مااعرف اوصفها و هي منطقة مثل الحي و السوق كلها مطاعم و اسواق و لكن مطاعم مو وجبات سريعة لا هي مطاعم و معجنات و بوفيات و هالاشيآء يعني ههه و فيها الطازج بعد..

و بالنسبة للتوصيف :

مثل ماقال اخوي المظلوم و ماقصر في رده تخلي الراشد على يسآرك و تمشي تتعدى تقريباً اشارتين و بعدها بتجيك إشارة ثالثة يكون على يمينك السجن العام للخبر و الشرقية على مااعتقد و تشوف على يسارك الكورنيش و هذا هو الشارع المطلوب لك ..
وفي النهاية انا احب انصحك في مطعم رآآآئع و هو مشهور على الكورنيش و اسمه رمانه و هو في جانب مطاعم كثير مثله و لكن هو و اللي جنبه اسمه الظاهر الشربيني حتى هذا يمدحونه بس انا كل ماابغى اجرب الشربيني مايطاوعني قلبي اترك رمانه ههه لأنك إذا طلبت سندويتش اسمها إذا ماكنت ناسي رستو دجاج و هي عبارة عن قطع دجاج على الصاج و يحط لك خلطتهم اللي الكل يحب هذه الخلطة و خصوصاً احنا الشباب المايو و الثوم راح تعجبك .. ههه >>> شكله مشتهي خلاص صدقناك
آسف ع الإطآلة و لكن انصحك نصيحة اخوية
مع تحيآتي لكم و تمنيآتي لك برحلة سعيدة
اخوكم
~
~

عندي لك مطعم على كيف كيفك وقريب من الراشد
مطعم مشوار - العقربية - شارع عشرة
تخلي الراشد على يسارك مع مدخل مدينة الخبر
تمشي على طول لين توصل إشارة على يمينك الجميع للسيارات على اليسار
لف يسار مع الإشارة ... مع شارع الامير حمود
أول إشارة عدها ... ثاني إشارة لف يسار...... تمشي شوي المطعم على يمينك
ولا تنسى البشمل عنده فضيعه والسمبوسة بالجبن او اللي باللحم والعصاير .
مطعم مشوار شارع عشرة العقربية الهاتف: 038999991

مطاعم الكورنيش كل الوجبات السريعه اللي تبيها ,,
وايضا عندك مقابل وكاله لكزس جنب بنك الجزيره .. فيه مطاعم تبيع ساندويشات حلوه مثل " Quiznos " و فيه محل جنبه بعد نسيت اسمه بالاحمر والاخضر وفيه دانكن وفيه قهوه الرائعه "اوتوكاشي "

يعطيكم العافية .....بكره انروح انفرفر وانشوف

hassan zubail
شارع الببسي سابقا حاليا شارع الامير فيصل بن فهد
خل الراشد على يمينك وكمل سيدا بيجيك سنتربوينت خله منك وبعدين محطه بعد المحطه فيه لفه يمين خله منك ثاني لفه على يمينك بتكون نزله من كبري انزل منها وكمل سيده بيجيك اشاره اول متنزل خذه سيدا هذا بداية الشارع الامير فيصل بن فهد بيكون بداية مجمع الظهران على يمينك ومجمع امواج وايكيا على يسارك وكمل سيده بيجيك اشاره كمل سيده وكل اشاره سيده بتشوف مطاعم ومحلات على نفس الشارع اخر الشارع الببسي الاشاره الى عند فندق المريديان
بيكون الفندق وانت على الاشاره اقبالك من يسار يعني تاخذ الاشاره يسار
المطاعم الى على شارع الببسي مطعم روما ومطعم كوبر شندنى ومطعم منؤشة الريف ومطعم الصيني
وفيه مجموعه بعد قبل مستشفي السعد مجمع مطاعم واقبال مستشفي السعد فيه بعد وبعد اشارة السعد فيه مطعم شهيناز ومطعم ستيك هاوس ومطعم مكسيم والبيت الصيني
وحياكم الله في الخبر
انصحك بمطعم البلد في مجمع افينيو على البحر في الوجهه ومطعم بوابة الشرقيه

الشباب ماقصروا بس فيه وصف سهل للكرنيش
تخلي الراشد على يسارك وتبتل سيده ثالث اشارة بيكون على يمينك شرطة الخبر رح يسار هذا شارع الكرنيش
وبتل سيده تجيك اشارة يكون فندق مريديان قدامك على اليمين رح يسار هذا شارع الببسي ولا يفوت داكن بتلاقيه على نفس الشارع
وإذا تبي وجبه وبتدمنها إذا جربتها لأنها من جد خي يال
في مجمع الراشد المبنى الجديد(التوسعه) بتلاقي صب وي فيه بجنبه مطعم سندوتشات مكسيكي على كيف كيفك
جرب الدجاج عندهم وبتدعيلي
عذرا ع الإطالة