حياك الله اخوي في قطر ..
واحنا في خدمتك وأي سؤال في حاضرين ..
بخصوص المطعمين الي ذكرتهم كلهم يقعون في كتارا -الحي الثقافي-
سكر باشا :-
مطعم حلو أنا رحته عالعصريه ،، عنده قعدات خارجيه حلوه وعلى البحر مباشراً
ماذكر بالضبط اذا عنده قعدات داخليه بس عنده قعدات خارجيه معزوله ..
+ المطعم يحتوي على شيشه !
خان الفاروق :-
مارحته بس شفت موقعه ،، حلوو ومايمدحون اكله كثيير
عنده قعدات خارجيه وداخليه وعنده فرق موسيقيه او دبكات
+ المطعم يحتوي على شيشه !
وأي سؤال أنا حاضر
[

السلام عليكم ورحمة الله وبركاته
ماتنفع للعوايل كله شيشه

ينفع للغدا . بالنسبة للعشاء الشخص 100 رياال اقل شي لازم يدفع سواء اكل او مااكل. طبعا بالليل في فرقه مصرية تجي عند كل طاولة ممكن تطلب منها اي اغنية تغنيها لك .
طبعا حااول انك تطلب اغنية المعازيم قابلني لو عرفوا .
المهم المطعم يوم رحته كان ملياان عواايل بس حاول تجتنب الويكند او رووح وقت الغدا وبالتوفييق اخوي الكريم .

Abd(ABO)ulla
تسلم اخوي مهندس قطري وبحاول أروح فترة الغداء .

حياك الله أخي الفاضل في بلدك الثاني قطر
بالنسبة لمطعم سكر باشا ما رحت له صراحة بس رحت مطعم خان فارووق أكثرمن مرة وصراحة المطعم روعة وأكله لا يعلى عليه عنده حواوشي قمة وفلافل ما راح تذوق مثلها والأكلات المصرية اللذيذة وحلوياته لا تفوتك عنده مهلبية ورز بلبن ما تشبع منهم واحبسها بشاي مصري بنعناع ..وراح تدعي لي ..
المطعم ديكوراته رائعة ونظافته ممتازة وفيه فرقة موسيقية من بعد الساعة الثامنة مساء تعمل ويوجد به شيشة للأسف بس حاول تروح بدري قبل ما يبتدون أهل الشيشة بالتجمع يعني 8 مساء تنزل اكلك على الطاولة وراح تستمتع جدا بإذن الله وادعي لي..
موفق يارب

تسلمين اختي قطرية كول وإن شاء الله راح اجربه وراح ادعي لج اقبل مااجربة شاكر لك اخت العزيزة مرورك الكريم .