اخوي مستحيل احد في الدنيا يقدر يجاوب على سؤالك لا الايطالي ولا الفرنسي ولا غيره لانه محد يعرف وين بتروح وكم يوم وكم مره راح تسلك الطريق ؟؟؟ حتى انت مستحيل تعرف ولكن سويسرا ضريبتهم عبارة عن ملصق تدفعه مره وحده ويكون من ضمن ايجار السياره اذا انت مستاجرها من سويسرا اما اذا انت مستاجرها من خارج سويسرا اول ما تدخل سويسرا تشتريه وممكن تبحث هنا عن سعره لاني ما جربت الطريقه هذي وهو نفس نظام النمسا والمانيا اما فرنسا وايطاليا فان الدفع يكون منفصل وقبل ما تمسك اي هاي وي يجيك بوابات اتوماتيكيه كنها بوابة موقف اول ما تسحب البطاقه ترتفع لك تاخذ منها بطاقه واذا جيت خارج من الهاي وي تحصل ايضا بوابات تسلمهم البطاقه ويحسبون التكلفه

أخوي انا اقصد البوابات هذه اللي انت تقول عنها كم رسوم المرور من عندها والملصق صح انه محسوب من إيجار السيارة بس انا سويت في قوقل ماب الاتجاهات ، يطلع لي الطريق وبعض الطرق يكون عليها رسوم أنا ابي اعرف كم هذه الرسوم

اخوي انا مشيت 4000 كيلو بين المانيا والنمسا وسويسرا وفرنسا ما دفعت الا 8 يورو رسوم طرق (45 ريال)
و 80 يورو مخالفه سرعه
فقط

8 يورو بس
كم مرة عدت من المنافذ اللي يقولون بفلوس

اخوي هو منفذ واحد في النمسا بالقرب من انسبروك ودفعنا 8 يورو فقط
اما الباقي سهود ومهود

المانيا أنا رحتها أكثر من مره مافي ضريبة ، ومريت عبرها للدنمارك والسويد وماكنت أدفع غير أجرة العبارات والبترول ، أما سويسرا ففيها ملصق لازم تشتريه لو كنت داخل بسيارة مستأجرة من دول آخرى ، وقيمته 40 فرنك فقط ، أما فرنسا ففيها ضرائب على الطرق السريعة تختلف من منطقة لمنطقة ومن خط سريع لخط سريع ، على العموم المسألة ليست مكلفة كثيراً فلا أرى أن تشيل همها .

altwarqi
علمتك كيف انظمة البلدان سويسرا والنمساء عبارة عن ملصق يجي مع السياره المستأجره فاذا انت مستاجر السياره من سويسرا وتبي تطلع النمساء عندك حلين يا تخبر الشركه قبل ويكون الملصق موجود او اول ما تدخل تشترية من اقرب محطه والعكس تسويه اذا استاجرت السياره من النمساء واللي يقولك ما دفع في النمساء يمكن الملصق موجود او انه مخالف بس ما طاح بيديهم
بالنسبه لفرنسا وايطاليا قلت لك اول ما تجي طريق هاي وي يطلع لك بوابات كنها بوابات المواقف تسحب التذكره اللي تطلع لك وترتفع البوابه وتمسك الخط السريع طبعا التكلفه حسب المسافه اللي انت قطعتها فاذا الطريق السريع 1000 كيلو وبغيت تطلع لمدينه وانت توك ما مشيت الا 100 كيلو اكيد ما راح يكون مثل ابو 200 او 400 او 1000 كيلو يعني اول ما تمسك المخرج من الهاي وي تحصل بوابات تعطيهم التذكره وهم يحسبون التكلفه اتمنى انك فهمت تحياتي

يعني الشغلة ماهي مكلفة ولا تحتاج ميزانية
طيب بغيت أسأل عن السيارة في موقع الإيجار http://www.traveljigsaw.ae/ ماهم محددين السيارة ديزل ولا بنزين
وش ارخص وكيف احددها هل يوم اجي استلم السيارة ولا قبلها . معليه سامحوني كثرة عليكم الاسئلة

اخوي اليوم جاي من ايطاليا لفرنسا البوابه الايطاليه اخذو مني تقريبا 3 يورو
المنفذ الحدودي من جهت ايطاليا اخذو 23 يورو ومدخل فرنسا اخذو 36 يورو
اما المانيا وسويسرا لبا قلبهم ولا فرنك واخوي دايم معه حق حسب الطرق اللي رح تسلكها
اتمنى وضحت الصوره