الافضل تصرف فى القاهرهبس ابتعد عن المطار...فندق بيرميزا .....يصلح للعوائل

اخوي نصيحتي اصرف بالكويت وعليك بصرافيين المباركيه لانهم احسن الاسعار
واذا خلصت فلوسك اسحب من مكينة السحب مثل ما سويت انا لما كنت بالقاهره شهر 6 اللى فات
بيراميزا عوائل ميه بالميه
ورحله سعيده

اخوي تختلف الاراء من شخص لي شخص..... وانا بعطيك خيارات وانتى شوف
1- تاخذ مبلغ صغير من الجنيهات(( من الكويت)) عشان يمشيك اول يومين والباجي دولارات واهناك اصرفهم جنيهات
2- تاخذ مبلغ صغير من الجنيهات (( من الكويت)) واذا خلصوا اشتغل على مكينة السحب بس اسحب على احتياجك وكل مايخلصون اسحب
وانا ارشح لك الخيار الثاني لسبب ...................
ان اغلب الاماكن في القاهره فيها مكاين سحب الي... يعني تسحب على احتياجك (( كل يومين او كل ثلاث ايام (( الفنادق كلها فيها مكاين سحب)) غير المجمعات طبعا
صحيح في سيفتي بكس بالغرف بس انا ارتاح بهالطريقه واعرف الي لي والي علي
هذا رايي ولا هانوا الشباب

الافضل صرف العملة في القاهره . ويفضل غير الدولار لانه نازل عن اول
بالنسبه فندق بيراميزا يعتبر ممتاز للعوائل وهو نظام سويتات ويوجد في بعضها مطبخ .. وموقعه جيد .

الله يعطيكم الصحة والعافية
لاهنتم على المرور الكريم
لكن في نقطة نسيتهاا ؟ كم يكفيني من مصرف بحدود كم طبعاا انا ويا المدام لمدة 5 ايام
المدام تقول ماني شارية شي انا اول مرة اروح مصر تكفون العلم

600 دينار للشخصين............. وايد حلوين وراهين حق خمس ايام
بس عاد انت اخذ اكثر معاك ماتدري شنو يصير...... لان ان دشت المدام هيلتون رمسيس ولا ستار سيتي
بتنشف جيوبك

عزيزي افضل طريقه للصرف ومن واقع خبره خذ شيك من المزيني
لأنه يعطيك احسن صرف ( قارن هالشي وتأكد بنفسك )
ثم نقطه مهمه اذا سحبت بالفيزا من البنوك احتفظ بالوصل حتى لو طلع لك ( العمليه مرفوظه )
لا يصير ماصار فيني العام
بيراميزا فندق عائلي من الدرجه الاولى سكنته العام الماضي
وتحياتي لك

والله يا اخوي انا بشهر 6 اللى فات رحت انا والمدام قالت ما راح اشتري شي بس بنروح نتمشي قلت حلوو 400 دينار وناسه لمدة 6 ايام والله يا اخوي اللى صرفت 800 دينار واقولها ها وين اللى تقول ماراح اشتري قالت واله اشيائهم حلوه وخصوصا هيلتون ر مسيس وسيتي ستار وجنينه مول الله يعطيك عل يالصرف وتستاهل ام العيال خلها تصرف والله كريم وانتم رايحيين وناسه وتسوف بنفس الوقت
ورافقتكم السلامه بالحل والترحال

عن تجربه شخصيه
تحويل الفلوس من مصارف المباركيه
ثم تحويل المبلغ الكبير عبر شيك عن طريق شركه البحرين ايضا بسوق المباركيه واهي افضل من الميزيني
================
عن المداام
امبلا بتشتري من الحين اقولهاا لك....... خاصه اذا احت الهلتون رمسيس وكرداسه وخان الخليلي
===========
رحله سعيده لك