بلاستيكه
26-06-2022 - 05:15 pm
لوسمحتو انا راح انزل زيورخ لاني اخترت الخطوط الاماراتيه الي ماتنزل جنيف
انا سبق وكنت عامله برنامج لاني على اساس باستخدم الخطوط الهولنديه ولكن مثل ماقلت حصل بعض التغيير
انا باذن الله راح اوصل زيورخ 8 ونص بالليل اعتقد على ماانهي اجراءات المطار راح يكون الوقت متأخر براح اختار ان شاء الله فندق قريب من المطار ابات فيه
فكرت اني باول يوم بما اني بنزل بزيورخ اني ازور قرية هايدي لاند وشلالات الراين واذا برايكم يستاهل بروح فوكس فيليج قريت باحد المواضيع انها بزيورخ
السؤال هل اقدر ازورهم في يوم ؟؟؟ وهل سويس باس وقطارات سويسرا تسوي لي الرحلات والا احجزها من مكتب ؟؟؟
السؤال الاهم انا قررت اني ازور مدينة انترلاكن والسؤال اللي يطرح نفسه متى اروح لها هل نفس اليوم اللي راح اروح للشلالات ومدينة هايدي عقب مااخلص امسك قطاري واروح؟؟ والا ارد الفندق وانام والصبح اروح؟؟ انا متردده لاني الحين بحجز الفندق وماني عارفه احجز ليله وليلتين؟؟ نصيحتكم بليز
وشكرا
انا بالصراحه نازل في زيورخ على سبتمبر القادم,, بس خطه نزول هايدي لاند وشلالات الراين في يوم واحد استحاله وكل الاستحاله في رأئي.
انا كنت مخطط على نفس طريقتك مع قرب المسافات صحيح بس تعبت المشوار تمسح المتعه وجمال زيورخ والمناطق المحيطه,, شمال زيورخ ودوله لشتنتاين ولوزين يعني بيني وبينك 3 ليالي اوكي
انا بالصراحه حجزت 3 ليالي واتمنى تكون كافيه