بحر الصمت
25-07-2022 - 05:31 pm
السلام عليكم
1- اذا ممكن ترشحون لي فندق بزيورخ موقعه قريب من محطه القطار واسعاره معقوله
2- اذا حبيت اطلع من زيورخ لكونستانس عن طريق القطار ياليت توضحون لي بالضبط الاماكن اللي اقدر ازورها واذا هي قريبه من المحطه اولا واذا اقدر اروح للجانب الالماني مشي من محطه القطار والا بعيد واذا فيه وسيله نقل ياليت تبلغوني عنها باص او تاكسي
3- اذا انا بلوقانو هل اقدر اروح لوكارنو بالقطار وكم تبعد وايش فيها مميز اروح له والا ماتستاهل العنوه
4- ايش المدن والارياف الفرنسيه اللي اقدر ازورها وانا بلوزان وايش وسيله النقل اللي اقدر اروح عن طريقها باص او باخره
غير انسي لاني سبق ورحت لها ابي مثل إيفواغ هل اقدر اروح لها عن طريق الباخره من لوزان اقصد الباخره التابعه للسويس باس
واذا اي ايش الاماكن اللي اقدر ازورها في هالقريه
5- انا حجزت بفندق بثون ايش الاماكن اللي اقدر ازورها هناك وهل فيه قرى اقدر اطلع لها من ثون غير انترلاكن والقمه لاني سبق ورحت لها
وشاكره لكم تعاونكم مقدما
فندق الماريوت وايد قريب وحلو و ايد عجبني ... وفيه فندق اعتقد اسمه انتركونتننتال يقولون انه قريب .. وفي فنادق وايد بس هاي الي اعرفهم انا
4- ايش المدن والارياف الفرنسيه اللي اقدر ازورها وانا بلوزان وايش وسيله النقل اللي اقدر اروح عن طريقها باص او باخره
غير انسي لاني سبق ورحت لها ابي مثل إيفواغ هل اقدر اروح لها عن طريق الباخره من لوزان اقصد الباخره التابعه للسويس باس
واذا اي ايش الاماكن اللي اقدر ازورها في هالقريه
تقدر تروح ايفيان (( فقط تاخذ العباره و في اقل من ساعة توصل ايفيان ))