- السلام عليكم ورحمة الله وبركاته
- تحياتي للجميع من مشرفين واعضاء من الجنسين طبعا
السلام عليكم ورحمة الله وبركاته
تحياتي للجميع من مشرفين واعضاء من الجنسين طبعا
كان الوصول يوم الاربعاء 26-5-2010 عن طريق ميونخ قادما من لندن على اللوفتهانزا الساعه 12:25 ظهرا علما بان الفيزا كانت من الالمانيه بس ماكو فايده المعامله من ضباط الجوازات سيئه وعدم احترام للعرب وتدقيق طويل كانك مجرم مو جاي للسياحه مع العلم بانهم اهل العنصريه نرجع لتقريرنا المبدئي والذي سوف استكمله عند الرجوع للكويت بحيث يكون لكل دوله على حده مع الكثير من الصور طبعا حاضرين للطيبين بعد المرور من الجوازات توجهنا لاخذ الشنط وعلى طول الي يورب كار لاستلام السياره وهي مرسيدس فئه سي الاستلام من ميونخ والارجاع في فرنسا في محطه دي نورد ستيشن ( محطة قطار ) بتاريخ 9-6-2010 ركبت القارمن وعلى طول الي زيلامسي حيث تم الوصول الساعه 3:30 عصرا وتوجهنا للانفورميشن وعطانا عنوانين فقط والباجي ماكو احد عنده اجار اكثرهم مسكرين هذه الفتره الي بداية الموسم في شهر 6 ومالقينا اي سكن وبالصدفه مريت على فندق نيوبوست وقلنا نبي غرفتين (قال ماكو مكان الفندق فل بس عندي سويت )مكون من غرفتين -صاله ومطبخ تحضير معاها سرير وغرفه نوم لنفرين وحمامين اعزكم الله وبلكونه كبيره مطله على البحيره من بعيد شوي وجوها وهواها يرد الروح طبعا من دخلنا النمسا بدا ويانا المطر لين وصلنا زيلامسي كان توه المطر موقف عندهم والساعه 4:30 عصرا الا والمطر يرجع مره ثانيه ولكن بقوه وغزاره ورعود قويه حتى مساح السياره موقادر يلحق مع المطر، وبعد السكن بالفندق واخذ راحه مع دوشوفي المساء تعشينا في المطعم التركي اللي خلف الفندق ويكون مقابل الانفورميشن وكان مستوى الاكل جيد بس مايعرفون يسوون عيش كلش عيش متروس زبده حيل، ورجعنا الفندق ونمنا .
في اليوم الثاني رحت كبرون ادور سكن ولا لقيت شي كلش يقولون الموسم مابدى حتى شقق وفندق توني رحت لقيتهم مسكرين ماكو احد ورديت الي زيلامسي.
وكان مطعم على بابا الجميل في المنطقه حيث اكله جيد وفرش وحسب الطلب وتعامل راقي لابعد الحدود وكان هناك الكثير من النشاطات لنا ولكن البرد ذبحنا حيل برد ابرد من المربعانيه عندنا طول الاسبوع اللي قضيناه كان مطر وهواء بارد بس صادف يوم وقف المطر الصبح قدرنا نروح الي قمه كبرون بالتلفريك الي المرحله الثانيه للمطل والكوفي شوب بس هم كان برد وبعد مانزلنا ورجعنا زيلامسي رجع المطر ويوم الخميس وكان ابرد ليله والله برد خيالي.
عموما هذه نبذه عن التقرير القادم باذن الله .
تحياتي للجميع .............
احسنت وانا من متابعينك ان شاءلله