Pink GirL Q8
19-06-2022 - 06:50 am
صباح الخير
شلونكم ؟
يبت لكم موضوع اليوم واكيد عن مطعم بما ان الاجازة بالكويت فالطلعه شالية او مطعم او مجمع
لكن قررنا يكون مطعم يديد اول مره نروح له اخترنا ان يكون هندي لأن خبري في العيش (الرز) من زمان وقلنا يالله اليوم لازم عيش واخترنا يكون هالمكان مطعم TaaL
تواعدنا انا واخيتي في تال وبال 3 دخلنا المطعم
المطعم مكانه في البدع يم المطاعم اللي قبل دوار البدع
الصراحه المطعم من داخل فخم وديكورة وايد حلوو
وهذي طاولتنا اللي اخترناها
وهذا جانب من المطعم
وهذي المقبلات الهندية
اختي طلبت بيبسي وانا قلت بجرب القرندين صودا (رمان)
بعدها وصلت شوربة العدس لي وخبز نان بالزبدة لوخيتي
الصراحه الخبز حلوو بس الشوربة موذاك الزود ومتروسة فلفل مع انه قايلتله بدون فلفل
بعدين يابوو لنا المين ديش اللي اهو دياي مكني (مثل مرق كاري بدياي بدون عظم) وعيش ابيض
هذا الشيف يحط لنا الاكل
هذا الدياي مكني
هذا صحن العيش
وهي العيش والمرق مع بعض
بعد ماخلصنا يابولنا عوادة
وبعدها الفاتورة مع هالحلاوو
انصدمت ان الخدمة بروحها بدينارين ونص تقريبا شدعوة
صج المكان حلوو والديكور حلو والخدمة لاباس فيها لكن في مطاعم تقدم اكل هندي احلى هذا انطباعي عن تال
شكلنا انا واختي المرام يفتحون لنا قسم بس حق المطاعم لول منافسة بلعوية خ
السيرفس بدينارين ونص ؟؟ شدعوه عاد !!
بما انج خبيرة مطاعم شرايج بمطعم بدر البدور ؟؟ يقول عنده خوش بطاط ولبنه