هلا اختي حياكم الله عندنا وانشالله تقضون وقت حلو وممتع
اهم الاماكن السياحيه :
1- ابراج الكويت
2- المركز العلمي
3- المدينه الترفيهيه
4- حديقة الشعب
اهم الاسواق :
1- سوق المباركيه (سوق شعبي يفضل زيارته بالليل)
2- المارينا مول
3- الافنيوز
4- المهلب
5- سوق شرق
6- الكوت
7- المنشر
واذا تبون جلابيات عندكم مجمع الاوقاف بالاضافه للمعارض مثل بيت ديفا وكاريزما وبيت لوذان وبيت بدره وبيت ديما
هذا اللي تذكرته واي خدمه احنا حااضرين

أهلا وسهلا فيكم وبأهل الإمارات نتمنى لكم طيب الإقامة

مثل ما ذكرت اختي روان هذي الاماكن الترفيهية بالكويت
ولاغون سيتي قيد الانشاء ليلحين ماخلص
اتمنى لكم زيارة سعيدة

أختي روان قالت كل ما يستحق الزياره
بس راح احط لج صور عن كل مكان منهم ..
المركز العلمي .. و فيها سينما أي ماكس و الأكواريوم

المدينه الترفيهيه.. بمنطقه الدوحة

حديقة الشعب

سوق المباركيه

المارينا مول

الافنيوز

المهلب

سوق شرق

ومن الداخل

الكوت و المنشر ... يم بعض في فحيحيل
الكوت

المنشر

و طبعا هاذي الأبراج

بالإضافه للمطاعم
للأكل اللبناني
برج الحمام

ميس الغانم

و بعد مطاعم اللي على شارع الخليج ( الكورنيش )
مثل أس أس دانه >للأكلات البحريه
بافلوز كافيه > أمريكي ... دجاج تكا > مشويات ... جوني كارينوز > ايطالي
نينو .. فرايديز .. فدركرز .. لي نوتر ... أبل بيز.. تشيليز .. روبي تيوزدي
أتمنى لج أقامة سعيدة بديرتج الكويت ..
و اذا اي شي تبين تعرفينه.. سألي و لا اردج شي
تحياتي لج
زعطوطه

انا ما سمعت عن لاغونا سيتي و الاخوان ما قصروا واضيف انه في سوق المباركية تحصلين فيه التراث الكويتي وهو مبنى على الطراز القديم واماكن اثرية مو وايد يمكن بس البوابات بوابه الجهراء قريبة من دوار الشيراتون وفي متحف طارق في الجابرية واذا تروحين فيلكا فيها شوي اما الاماكن السياحية فهي كثيرة طبعا ابراج الكويت لازم تروحينها ويمها على طول الاكوا بارك وفي شوية مطاعم مختلطة وبعدين سوق شرق تحصلين فيه كثير من المحلات التجارية والماركات العالمية بالاضافة الا اطلالة الجميلة على البحر ووجود صالات السينما فيه وبعدين تروحين المدينة الترفيهية بمنطقة الدوحة ان شاء الله راح تستانسين فيها وايد وعندج بالسالمية المراينا مول سوق كبير ومتنوع في يقسم على قسمين قسم على الواجهة البحرية فيها الكثير من المقاهي والمطاعم المطلة على البحر وفي المجمع التجاري والفندق وبعدين تروحين الاقنيوز وهو احدث واكبر مجمع في الكويت في كل شء محلات تجارية مطاعم سينما.
وبعدين تمرين الفحيحيل تروحين مجمع الكوت والمنشر http://www.q8shots.com/kuwait-mallsوتمتع بالتسوق في اجمل مجمع بالكويت وفيه اكبر نافورة راقصة وطبعا محلات تجارية ماركات عالمية وصالات سينما العاب اطفال ومطل على البحر وفيه ممشى رائع على البحر وحياج الله بالكويت

www.q8shots.com

اول شي المرحب باجي ربي يخليكم تسلمون وما تقصرون والله مب عارفه اشكركم كيف يزاكم الله خير
اخواني سؤال الحين المولات و الاماكن السياحيه مثل المركز العلمي ومحلات الجلابيات ومركز الاوقاف تفتح في العيد اقصد ثاني وثالث يوم العيد؟
الابراج اكيد اكيد بروحلها انشالله صراحه مايستوي ايي الكويت ومااسير الابراج والصور روعه اللي محطينها خصوصا المركز العلمي ناويه اخذ عيالي حقه
خاطري اروح اماكن تراثيه اماكن احسها مثل الخليج ايام اول مثل متحف او شي
عاده متولهه ابا اسير الكويت بسرعه

اهلا وسهلا بكم فى بلدكم الثانى
واذا فى اى استفسار احنا حاضرين
وبالتوفيق ان شاء الله