شقق السراج في شارع الغوينيه سعرها تقريبا 399 ريال
الاماكن السياحيه كثيره بس لايطوفك فلاجيو مول شي ولا بالخيال
سوق واقف او سوق الحمد القديم هذا اهم شي تزوره
اترك الباقي على اهل قطر يجاوبون

1. 6- الاصمخ مول(( تسوق ومطاعم فاست فود))

مرحبا اخوي الفاضل ..
بخصوص الفنادق ماقدر افيدك .. بس بخصوص السياحه او التمشي بالاصح
نبدأ بالمولات او المجمعات التجارية :-
1- الستي سنتر (( به سينما ومطاعم اضافة الى التسوق والسكيتنج))
2- المول (( به سينما ومطاعم وتسوق))
3- لاند مارك (( سينما ومطاعم وتسوق))
4- فيلاجيو (( ينصح به )) (( سينما ومطاعم وتسوق على طراز قرية بيلاجيو الايطاليه ))
5- حياة بلازا (( مطاعم وتسوق))

6- الاصمخ مول(( تسوق ومطاعم فاست فود))

8- امبوريوم مول (( اذا كنت حاب تشتري شيء من الماركات العالميه ولكن لايصلح للتمشي))
9- سوق واقف .. (( ينصح به وبشده حيث انه يمثل الحياه القديمه والبناء القديم في قطر بطريقة مطورة وبخدمات حديثة ويوجد به عدد كبير من القهاوي الشعبيه والمطاعم الشعبيه والعربيه مثل مطعم الطاجن المغربي ومحل لبيع اسكريم بكداش المعروف في سوريا اضافة الى وجود فرق شعبيه كل خميس 0 ليلة الجمعه.. ))
10- الرويال بلازا (( سينما ومطاعم وتسوق))
الحدائق العامة :-
1- حديقة البدع (( الدخول مجاني وبها كفتيريات والعاب اطفال ))
2- كورنيش الدوحة (( مجاني))
3- متحف قطر الوطني (( الدخول بسعر رمزي ))
4- حديقة الحيوانات (( الدخول بسعر رمزي وينصح بها للاطفال))
5- متحف السلاح في الوكرة (( بعيد ))
6- كورنيش ومتحف الخور (( بعيد ))
المنتجعات السياحية :-
1- منتجع شاطئ سيلين (( شاليهات على البحر بخدمات فندقيه وحمامات سباحه ونشاطات بحرية ورياضات مائيه مختلفة اضافة الى ركوب الموتر سايكل))
2- منتجع الغارية (( شاليهات على البحر بخدمات اقل من سيلين )))
هذا الي يحظرني الحين .. ان شاء الله اكون افدتك

حياكم الله في قطر
هذا الرابط بيفيدك
https://artravelers.com/p/re/173508
واي استفسار ابشر به