ياسمينة ستي
03-12-2022 - 10:55 pm
السلام عليكم ورحمة الله وبركاته
كيفكم اعضاء بوابة الوسطى
حبيت اقدم لكم تقرير خفيف على الماشي عن مطعم وكافيه تونينو لمبرغيني
مكانه في شارع التحلية تقاطع التحلية مع التخصصي وتحديدا بمجمع بانوراما مول
كان وقت الزيارة عصرا على اساس كافيه وبس على السريع
لما دخلنا كان خالي من الزباين وبعدين جا بعدنا عايلتين
خلينا نشوف الصور
من الخارج وبساط احمر ممدود للزوار تقولون كنه حفل جوايز الاوسكار ههه
ارضية المحل لونها اسود واي دعسة تبين فيها والفلبيني كل شوي يرش منظف للقزاز على الارضية ويلمع ويلمع خ
ستايل المكان كله نفس شعار لمبرغيني
هنا الطاولات العوايل مفتوحة على بعض
والي يبي بارتشن يحطونه له حسب الطلب فقط
رقم طاولتنا
شكل الطاولات نفس شكل شعار اللمبرغيني
صورت المينو عشان تشاركوني برؤية الاسعار
نبدأ بالحلويات المفضلة لزوجي
بعد ماقلبنا وقلبنا وصورنا المينو جا وقت الطلب
زوجي كان طلبه
كريم برولي
كان طعمه عادي بس الفانيلا فيها زايد حبتين
واعطيه تقييم 5 من 10
المشروب
ماكياتو
وزوجي عطاه 8 من 10
طلبي
صراحة شفت المينو وقلت مابدهاش خليني اجرب شي خفيف مع اني متغدية وطالعة
قلت لزوجي تاكل معاي قال لا
ولاني احب التورتيلا
طلبت ساندويش الدجاج والتورتيلا
واعطيها 8 من 10
ومع خوفي من الاشيا الباردة الا اني خذيت بوظة لمبرغيني
طعمها حلو مخلوطة بالمكسرات
اعطيها 9 من 10
واكيد بعد السندويشة والحلا
الكوفي
وكان كابتشينو
عطيته 7
الحمد لله
مع اني ماحب اصور الحمامات الله يكرمكم
بس ادهشتني نظافتها
الفاتورة اتعبتني لين طلعت الارقام واضحة هي والمينو
وبس
اتمنى يكون التقرير خفيف عليكم وظريف
ان شاء الله نزوره المرة الثانية وقت عشاء وانزلكم الصور الدسمة
.
.
تقرير جميل ..
والمكان يستحق الزيارة فعلا ..
عساكم ع القوة ..
..