السلام عليكم
حياج الله بديرتج الثانيه ..
الجو باذن الله يكون جميل علي منتصف شهر 11 و مناسب للجلسات الخارجيه و التمشي ..
مافي شي مغلق بالعيد كل شي مبطل ان شاء الله .. الزحمه بس اهيه اللي بتكون شوي مزعجه ..
بالنسبه للفنادق الكويت صغيره و ما يفرق القرب ..
عندج مثلا فندق المارينا علي البحر و بجانب المارينا مول .. و بجانب المارينا كريسنت (مجمع مطاعم و مقاهي) .. بجانبه ايضا مارينا ويفز (مطاعم و مقاهي علي البحر)
عندج فندق ماريوت بجانب مجمع الرايه ..
للاسف فندق الافنيوز الي الان ما فتح ..
لو تحبون تاخذون شاليه .. هيلتون المنقف حلو شوي بعيد لكن مثل ما قلت الديره صغيره و توصلين اللي تبين بسرعه
عندج ايضا شاليهات منتجع صحاري .. صحيح انه مو علي البحر لكن الشاليهات الكبيره لها حمام سباحه خاص فيها و ساحه كبيره للقولف و الخيل .. و المنتجع بجانب مول 360 احدث مول في الكويت و المنطقه جدا هاديه
مالي خبره في تفصيل الدشاديش و الخامات لكن اللي اعرفه شارع احمد الجابر في الديره بجانب دسمان كله خياييط رجالي.. و اسمع عن النسر الفضي عند الوالد و اخوي
بالنسبه للقطع النسائيه قصدج الدراعات؟

عذوب
وعليكم السلام ورحمة الله وبركاته
استفسارات عده هل اجد الاجابه هنا :
ان شاء الله
1- هل اجازة عيد الاضحى المبارك مناسبه لزيارة الكويت ..؟ كيف راح يكون الجو ؟
اكيد زيارة الكويت مناسبة في الاعياد وفي هلا فبراير . بالنسبة لشهر نوفمبر عيد الاضحى ان شاء الله راح يكون جو حلو معتدل مايحتاج ملابس شتويه
2- هل الاسواق تكون مغلقه في ايام العيد ..؟
المجمعات مفتوحه اكيد بس بعض المحلات ماتفتح اول ايام العيد
3- ايش ترشحون لي فندق يكون قريب من المجمعات التجاريه والمطاعم ..؟
شنو نوع الفندق 5 نجوم ولا عادي ولا شقق فندقيه؟
4-هل تكفي 5 ايام للزياره ..؟
اي كافي 5 ايام
5- وين اقدر افصل ثياب رجاليه كويتيه مع القماش ..؟ ذات جوده غاليه وخامات متازه؟
اكيد البلوكات افضل مكان للخام في خياط اسمه كريم اشهر خياط
6- سؤال نسائي وين القى الفساتين الكويتيه والقطع الطويله الي لحد الركبه ؟؟
هذا السؤال للنساء
المعذره و
تحياتي للجميع
حياكم الله وحاظرين لاي استفسار

alkuwaitia
شكرا اخوي بالناسبه للماريوت كورت يارد قد سكنت فيه قبل وودي بشي ثاني كيف الموفينبيك ؟؟

كويتي1968
شكرا جزيلا اخوي ابي فنقد خمس نجوم لو تكرمتك كيف الموفينبيك ؟؟
بانتظار باقي الاخوان والاخوات

كل عام وانتم بخير في البداية ,,
وبالنسبة للإستفسارات ,, الإخوان ما قصروا ,,
وانا راح اجاوب على البعض فقط

• ايش ترشحون لي فندق يكون قريب من المجمعات التجاريه والمطاعم ..؟

1- فندق سفير مارينا http://www.safirhotels.com/overview.aspx?detail=overview&hotelname=MarinaHotel&hotelid=2
وهو الفندق الذي اشار إليه الأخوان ,, ويكون مقابل مجمع المارينا في منطقة السالمية
ويعتبر قريب جداً لأغلب المجمعات التجارية والأسواق (مجمع المارينا - سوق شرق - الفنار - ليلى غاليري - وحتى المباركية واسواق الكويت)
2- الموفنبيك http://www.moevenpick-hotels.com/en/pub/your_hotels/worldmap/kuwait/overview.cfm
في الكويت فندقين للموفنبيك :
الأول: يقع في المنطقة الحرة - خلف ميناء الشويخ
وهو الأقدم والأكبر من سلسلة فنادق الموفنبيك في الكويت ,, وليس له إطلاله على البحر
وصحيح بأنه محاط بسلسله من المقاهي المتوسطه ,, وقريب من ((فيلا مواد)) ,,
ولكنه يعتبر نسبياً ليس في منطقه حيويه أو تجاريه ,,
الثاني: وهو الذي يقع على الشريط الساحلي مقابل منقطتي الرميثية وسلوى وبجانب دوار البدع ,,
واهو ملاصق لسلسلة من الفنادق في هذا المكان مثل (( ريجنسي - ساس - ,, )) وأيضاً قريب من منتجع شيك السياحي
وانصح به كونه الأحدث ومطل على البحر بالرغم من حجمه المتواضع ولكنه ممتاز
وقريب من منطقة السالمية
هناك ايضاً فنادق (( الماريوت - الشيراتون - رجينسي - هوليدي إن )) ,,
وجميعها تتميز بالأماكن الجيدة ,,
والأخوان ذكروا بأن الكويت صغيره نسيبياً فلا تلتفتوا كثيراً لموضوع القرب والبعد
5- وين اقدر افصل ثياب رجاليه كويتيه مع القماش ..؟ ذات جوده غاليه وخامات متازه؟
الأفضل الأماكن لشراء الخام هو بلوكات الخام - القريبة من المباركية
للوصول إليها: بعد ان تدخل من جهة دوار المسجد الكبيرة الملاصق لقصر السيف بإتجاه بورصة الكويت، تتعدى الإشارتين الأولى والثانية بشكل مستقيم ,,
وبعد الثانية بمسافة 300 متر،، يأتي مدخل المواقف لبلوكات الخام
وهي بلوكات خام رجالية ونسائية - ويوفرون لك بعض محلات الخام خياطين ان أحببت

http://www.marinahotel.com/
موفنبيك الكويت في ميناء الشويخ بعيد
عندج موفنبيك البدع حلو فندق ومنتجع
Booking.com: Mأ¶venpick Hotel & Resort Al Bida&

السلام عليكم ورحمة الله وبركاته.
وعليكم السلام ورحمة الله وبركاته
استفسارات عده هل اجد الاجابه هنا :
1- هل اجازة عيد الاضحى المبارك مناسبه لزيارة الكويت ..؟ كيف راح يكون الجو ؟
الله أعلم بس الغالب إن الجو حلو بس الملابس تكون صيفية
2- هل الاسواق تكون مغلقه في ايام العيد ..؟
كل شيء مفتوح
3- ايش ترشحون لي فندق يكون قريب من المجمعات التجاريه والمطاعم ..؟
أنا افضل سياسة اختيار الفندق الي الدخول له والخروج سهل فلا يوجد أفضل من العاصمة كالشيراتون وكورد يارد و وفور سيزون وماريوت وهوليدي إن الي صوب قصر دسمان
4-هل تكفي 5 ايام للزياره ..؟
ممتاز بس إذا بتفصل دشداشة يبيلك شوية حبتين لأن عادة الدشداشة تخلص بعد اسبوع إلا إذا استثناك الخياط
5- وين اقدر افصل ثياب رجاليه كويتيه مع القماش ..؟ ذات جوده غاليه وخامات متازه؟
البلوكات الي صوب يم غرفة التجارة
وموفقين خير

ايش رايكم في مريديان الكويت الي في شارع الخليج ؟؟؟؟
او سبايس بوتيك ؟؟

عذوب
بالنسبه لفساتين الطويله
بمجمع الافنيوز في كذا محل ريفا ومونسون وكذا محل القسم اليديد
بمجمع المهلب
ومجمع البستان
وفي معارض
وفي تفصال بالبلوكات