أخي الكريم لم تحدد الى اين في عمان
و لكن الأسعار كما هي معروفة لا تتعدى ال 200 درهم أو ريال و خصوصا في هذا الوقت مع العلم اني آخذ الشقة غرفتين من مسقط بنفس السعر المذكور
و كل ما اخترت فندق فخم كلما ارتفعت الاسعار ... عموما الأن الاسعار عادية و لست في موسم

مشكور وماقصرت ياخوي وجزاك الله الف خير على ردك لي انا اقصد مسقط بمنطقة الخوير في شقة سرير واحد مفروشة اقل من 250 دولار او غرفة بفندق وياريت بالدينار الكويتي او بالدولار ومشكور مرة ثانيه (انا ماافهم الدرهم او الريال شيساوي (

ياأخي كمسافر لأول مرة الأمر سهل
( عليك بتجارب الأعضاء )

3.75 ريال = دولار
الدينار الكويتي = 12 الريال السعودي
اي ان قيمة الشقة غرفتين نوم و صالة و مطبخ 52 دولار تقريبا
و ممكن تلاقي شقق فخمة بس بيني و بينك حرام تاخذ شقة اكثر من 100 دولار

مشكور اخواني بس انا بغيت شقة اقل منى250 دولار بالشهر مو باليوم ى وسؤال اخير الريال العماني يساوي جم دولار ومشكور

و الله يالغالي ما اقدر افيدك لاني ما جربت هالسكن لكن اتوقع بتلقى ب 300 دولار بالراحة بالشهر
الريال العماني = دولارين و شوي ، و الريال اقل من الدينار بشوي

فديتك يامراقب العام مشكور وماقصرت

اخوي محمد اولا ارحب فيك في وطنك الثاني سلطنة عمان
بالنسبه لسعر الصرف الريال = 0.387 دولار امريكي
والدينار الكويتي ما يقارب 1.300 ريال
بالنسبه للشقه المفروشه ما اعتقد انك تحصلها باقل من 300 دولار في الشهر وخصوصا في الخوير
لانها منطقه جديده وتقع في وسط العاصمه وبه حركه تجاريه نشطه وهي منطقه راقيه والايجار فيها صعب
خصوصا الشقق المفروشه دائما ما تكون مستاجره
انت حط ميزانيتك على الف دولار في الشهر وانسى سالفه 250 دولار والله اعلم
انا المشكله الحين في الخارج ولو كنت في مسقط كان شفتلك مكان مناسب علما باني كنت ساكن في منطقة الخوير لظروف العمل

اخوي راشد وفيت والله وانا مقدر جهودك ومتاكد انك لو موجود الحين بلخوير اكيد ماتقصر وهذا حال كل العمانيين اذا لازم ااجر بمنطقة ارخص من الخوير بس شوي قريبة من الوزارات وزارة الصحة بلتحديد وتكون ايجاراتهه رخيصة مشكور اخوي فديتك واللة