والله مدري وش اقولك .. صراحه إذا تقدرين تمنعينه تسوين خير ! ! !
يعني بصراحه فيه أشكال تتصيد فئة الرجال وهم مع عوائلهم .. فكيف إذا راح لوحده .. وأغلبهم صراحة من غير مجامله انا شفتهم ((من الأفارقه ما أقصد السود ترى))
نصيحه :
إذا تبين زوجك سافري معاه .. !!!

من هم أصحاب زوجك ؟ ماذا يريدون وراء السفر ؟
إن كان مثلا ً للإستكشاف والسياحة ، وأن أخلاقهم جيّده
فلا بأس .. قولي له : توكل على الله واستمتع واستانس وصوّر عاد لنا صور نشوفها لك ،
ويعني .. خذيها بالمعروف والطيب
ولكن إن كانوا على عكس ذلك
أو لا تعلمين
فالله يكون في عونك ،
الحقيقة أن الأمر ليس بالهيّن ،
ولو تروحين معاه ،، قسما ً بالله أحسن من أي أصحاب ،،
الزوجين أحسن .. أما عزابيّه ؟ أنا جرّبتها مع أبي - ونحن محافظين - ونشوف مناظر الله يعلم بها ،
فما بالك أصدقاء و رجال .. ويمكن عاديين ؟ الله المستعان
آسف إن كان ردي مزعج ولكن أنت طرحت موضوع
فاستقبلي الردود الصريحة .
وفي الختام
ليس لك إلا الدعاء .

وعليكم السلام ورحمة الله وبركاته
نصيحتي لك يا أختي انك ماتعالجين الخطأ بخطأ أكبر
أذا زوجك بيسمع كلامك وبيتفهم رايك وما راح يروح كان بها
أما اذا كان مصمم على الرفض فمن رايي انك توكلين امرك لله وتصبرين ولاتنكدين عليه لانك انتي بتكونين الخسرانة لانك بتهدمين بيتك بناء على فرضية انه بيسافر وبيخربط وممكن تكون نيته سياحة ترفيهية مع اصحابه
واقترح عليك انك تجين على نفسك وتجهزين شنطته وتخلينه ما ينساك في الرحلة ..عبارات تكتبينها على اوراق وتخلينها في جيوب ملابسه ( مو كاني قلبت على فوزية الدريع)
المهم لاتعطين المجال للشيطان بانه يدخل بينكم على الاقل لو ما كان خوفه من الله هو الرادع بيكون احساسه بالذنب
وتاكدي ان الرجل السيء بيلقى جوه وين ما كان مو شرط بالسفر
الله يسخر لك زوجك ويكفيه شر عيال الحرام وبنات الحرام

خلي ثقتك بنفسك كبيره وثقتك بالله اكبر وادعيله ان الله يوفقه في سفرته ويبعد عنه عيال الحرام وبنات الحرام وخليه يروح يغير جو ويجدد لان الروتين ممل ولا تفتحي عينه يمكن رايح ومابراسه غير السياحه وانتي بغيرتك تخليه يفكر بشي تاني والله العام يوم سافرت حصلت شباب الوحدهم محترمين اكتر من اللي بعوائلهم اتوكلي على الله وجهزي لسته طلباتك

الله يكون في عونك,,
بوشملان, والبقيه ماقصرو

والله يا اختي ما ادري وش اقول لك
وليه ما ياخذك معه ؟؟ من المفترض أنه ياخذك لأنك أولى الناس به وهو أولى الناس بك؟
الصراحة المفروض انه ياخذك معه صراحة لكن على العموم من ناحية الفتن والمغريات فهي كثيرة جدا جدا الله يكفينا شرها.
لكن خوذي منه وعد انك تسافرين انتي وياه عشان تشوفين بنفسك.
تحياتي

يا اختي كل زوجه تخاف ان زوجها يطلع برا البيت او حتي يكشت عززي الثقه فيه واستودعيه بحفظ الله ورعايته
عن نفسي اشوف اوربا ارحم من مصر والمغرب وبقيه الدوله العربيه
ولا رجع تسافرين معه لا تكبتين الرجال

شكرا لك اللي ردوا علي والله يوفقكم ............

يامرحبا يا أختي ,,,
لاتخسرية وحاولي تقتربين منة أكثر نحن معشر الرجال لانفكر كما تفكر حواء بحساسية في أمور كهذة , أعترف بأنانيتنا في مرات كثيرة لكن حبنا وولاءنا لايذهب بعيدا عن بيوتنا كثيرا , للأمانة إحترت في موضوعك هل مكانة الصحيح هنا بيننا أم أنقلة الى مكان آخر كالوابة المفتوحة كون المنتدى مختص بالاستفسارات السياحية الفرنسية لذا ولكي يجد الصدى الأكبر أستأذنك بنقلة الى مكان أوسع وأشمل من مكانة بيننا ولدى أعضاء كثر ستجدين لديهم الرؤى النيرة .