kit@kat
مرحبا اخوي
برد بالنيابة عن اخوي زمان واخوي الليل والنهار
اول شي بالنسبة للتنقل من المطار الى الرامبلا:
مطار برشلونة مقسم الى Terminal-1 و Terminal-2
اذا كان وصولك على Terminal-1 , قبل ماتطلع من بوابة المطار بتشوف مخرج ع اليمين (موقف باصات) , وبتشوف باص لونه ابيض وازرق ومكتوب عليه بالاسود(Aerobus) , تركب معاه وبنزلك في ساحة كاتالونيا ومشي للرامبلا..
واذا كان وصولك على Terminal-2 , تطلع من المطار وبتشوف الباص اللي وصفته لك واقف برا..
سعر الباص 5.30 يورو..
ثاني شي بالنسبة جدول ليومين: اذا ممكن تحط التاريخ والوقت عشان الاماكن في برشلونة تكون مربوطة بأيام معينه في الاسبوع.. ونرتب لك جدول ولا احلى ههه
بإنتظارك . . .

الله يجزاك الجنة اخوي وحيد..
بكون في برشلونة ان شاء الله تاريخ 10 و 11 سبتمبر يوافق السبت والاحد

kit@kat
مرحبا اخوي
الويكند مايختلف عن الايام العادية , المترو مايكون زحمه بس
الجدول:
السبت 10/9 , تروح لساحة كاتالونيا وتركب الباص السياحي (لونه اخضر فاتح وشعاره عين ورموش ملونة) واماكن بيع التذاكر في الساحة واختار المسار الازرق لانه منوع (بيوديك ملعب الكامب نو Camp nou وحديقة Parc guell ومتحف بيكاسو وكنيسة Sagrada familia وبعض مباني جاودي واماكن غيرها, وحاول تخلص قبل الساعة 9 عشان تطلع ساحة اسبانيا وتحضر عروض النافورة الموسيقية (من 9 الى 11:30)..
الاحد 11/9 , تتمشى في شارع الرامبلا لين توصل نهايته بتشوف دوار مكتوب عليه colon بعده بيجيك البورت تاخذ منه رحلة بحريه (ساعه ونص) وترجع وبتشوف ع اليمين مجمع Maremagnum وخلفه الحديقة المائية Aquarium وبعدها تكمل مشي لشاطئ برشلونة وعندك مطاعم كثيرة وحلوة..(لو صار عندك وقت قبل ماتروح الشاطئ , تروح قوس النصر Arc de triomf والحديقة اللي جنبه اسمها سيوتاذيه وداخلها حديقة حيوانات)..
موفق ان شاء الله

اخوي lo0onely ما قصر ... وعطاك الأجابة الوافيه

ماادري كيف اشكرك اخوي وحيد...
فعلا افدتني الله يجزاك الجنة..
لكن برضوا اسئلتي ماخلصت ....
انا فندقي في شارع الرمبلا يعني اتوقع مو بعيد عن الساحة الكاتولونية.. وان شاء الله بركب الباص السياحي وبأختار المسار اللي قلت عليه.. لكن اين ساحة اسبانيا عشان اشوف العرض المائي؟؟؟
وهل في موضوع هنا في المنتدى عن الباص السياحيوالاماكن اللي يودي لها بالتفصيل عشان اقرأ عنها واقرر وين اللي ابي انزل فيها وين اللي ابي امر عليه مرور فقط؟؟
وبالنسبة لليوم الثاني...
كم سعر الرحلة البحرية لشخصين وفين ادفع لها؟؟ هل ممكن الفندق يشتروا لي التذاكر؟؟
وبالنسبة لحديقة الحيوانات كيف مواعيدها؟؟
اسف على كثرة الاسئلة بس ابي يوضح لي كل شئ الله يخليك ويبلغك الجنة
تقبل الله صيامكم وقيامكم

kit@kat
هلا اخوي
اعذرنا على التاخير بس طار موضوعك للصفحة الثانيه وما انتبهت له
ساحة اسبانيا مو بعيدة من ساحة كاتالونيا (تاخذ تاكسي) – مابيك تاخذ المترو لان اقامتك فقط يومين وعشان تستفيد من وقتك..
ماعرف كيف انزلك الخريطة للباص السياحي بس تقدر تشوفها من هنا :
http://www.bcn.travel/destination-barcelona/photos/barcelona-bus-turistic-zoom-map
سعر الرحلة البحرية – فيه رحلتين :
الاولى: 35 دقيقة (للشخص 6.5 يورو) وهذي مسارها عند البورت فقط..
الثانية: ساعة ونص (للشخص 14.5 يورو) وهذي مسارها على شاطئ برشلونة كله..
التذاكر تشتريها بنفسك (نهاية الرامبلا بيجيك دوار مكتوب عليه Colon بعده بتشوف كابينات بيع التذاكر لهذي الرحلات)..
وبالنسبة لحديقة الحيوان تفتح 10 صباحا , واوقات بيع التذاكر والعروض تلقاها هنا:
http://www.zoobarcelona.cat/
موفق اخوي ان شاء الله

مشكور اخوي lonely.... ماقصرت معاي الله يسعدك
اذا ممكن بس تلقي نظرة اخيرة على جدولي
اول يوم راح اوصل المطار 12 الظهر فأتوقع مع الفندق وكذا راح ابدأ جولتي الساعة 3 الظهر
راح اطلع على شارع الرامبلا و اخذ الباص السياحي لمدة يومين.. بركب فيه الى الساعه 8 ثم اعود لساحة اسبانيا لمشاهدة العرض ثم اتعشي وارجع للفندق
ثاني يوم:
بابدأ جولتي ان شاء الله الساعه 7 ونص
بدور في الرامبلا ثم اتجه للرحلة البحرية اللي 35 دقيقة..
ثم بدخل الحديقة المائية..
ثم بركب الباص السياحي المتجه الى حديقة سيوتاديه (او التاكسي.. ايش تنصحني؟؟) ثم ازور حديقة الحيوان
اتوقع اخلص هاذي المشاوير الساعه 3 الظهر
بكمل جولة بالباص السياحي وكذا (هل من اقتراحات؟؟؟) ودي اطلع الجبل اللي شفتك ناصح واحد من الاخوه بزيارته بس مااعرف هل يمديني او لا؟؟
ثم اعود للفندق في الليل
ثالث يوم رحلتي الساعه 3 الظهر.. ايش الوقت المناسب اللي اطلع فيه من الفندق باتجاه المطار؟؟
وشكرا مقدما اخوي على اهتمامك وردك..
وسامحنا على تكثير الاسئلة

هلا اخوي
عدلت بعض الاشياء وتشوفها باللون الاحمر:
اول يوم راح اوصل المطار 12 الظهر فأتوقع مع الفندق وكذا راح ابدأ جولتي الساعة 3 الظهر
راح اطلع على شارع الرامبلا و اخذ الباص السياحي لمدة يومين.. بركب فيه الى الساعه 8 ثم اعود لساحة اسبانيا لمشاهدة العرض ثم اتعشي وارجع للفندق
(انصحك تاكل قبل ماتروح العرض عشان اكثر المطاعم تقفل بدري)
ثاني يوم:
بابدأ جولتي ان شاء الله الساعه 7 ونص (ابدا يومك من 9) واذا انت متعود تصحى بدري روح البحر تمشى وارجع للرحله البحرية..
بدور في الرامبلا ثم اتجه للرحلة البحرية اللي 35 دقيقة..
ثم بدخل الحديقة المائية..
ثم بركب الباص السياحي المتجه الى حديقة سيوتاديه (او التاكسي.. ايش تنصحني؟؟) بالتاكسي ثم ازور حديقة الحيوان (وجنب الحديقة موجود قوس النصر - خذ فيه لفه)
اتوقع اخلص هاذي المشاوير الساعه 3 الظهر
بكمل جولة بالباص السياحي وكذا (هل من اقتراحات؟؟؟)اليوم الثاني بدون باص سياحي ودي اطلع الجبل اللي شفتك ناصح واحد من الاخوه بزيارته بس مااعرف هل يمديني او لا؟؟
(يمديك - اكتب في ورقة Tibidabo Hill - واركب تاكسي قوله ابي اركب الترام المؤدي لجبل التيبيدابو)
(Quiero viajar en el tranvia que conduce al Monte tibidabo)
وترجع 8 وتروح شارع Passeig de gracia وتتمشى فيه وتتعشى..
ثم اعود للفندق في الليل
ثالث يوم رحلتي الساعه 3 الظهر.. ايش الوقت المناسب اللي اطلع فيه من الفندق باتجاه المطار؟؟
الساعة 1 تروح ساحة كاتالونيا وتركب باص المطار وسعره 5.30 يورو
وشكرا مقدما اخوي على اهتمامك وردك..
وسامحنا على تكثير الاسئلة
موفق ان شاء الله