الاستشاري
اخوي الفندق اللي ذكرته موقعه جدا حلو بس ما سكنته انا سكنت فندق رويال مقابل له وعلى شار الرامبلا وفندق رويال حلو
اتوقع التنقل بالطيران افضل
اما من ناحية الحجز لطيران انا حجزت من برشلونه لملقا (عشان اروح لماربيا) طبعا الذهاب بي 200 يورو والرجعه بي 100 يورو وسئلت ليش فرق السعر هذا قالتلي الموظفه ما فيه ناس كثير يسافرون من ملقا الى برشلونه وفي تذاكر مخفظه بس اوقاتها جدا سيئه ممكن تحصلها 6 الصبح او 7 الصبح وكل الفرق من 20 الى 30 يورو واغلى شي وقت الظهريه تلقى سعرها نار بتقول ليش اقول ليش لان اكثر الناس يبي يلحقون على البحر في ماربيلا مع العلم انه في بحر في برشلونه.
لما تنزل في ملقا عندك خيارين اما التاكسي وياخذ منك 55 يورو او الباص وياخذ منك 3.80 ثلاث يورو وثمانين سنت ونزلك في محطه الباص في ماربيلا وياخذ الوقت 45 دقيقه وما تحس بالطريق الا وانت واصل وتاخذ تكسي من محطه الباص الى الفندق اللي انت ساكن فيه نقول مثلا الاندلسيه بلازا ياخذ منك 9.20 تسعة يورو وعشرين سنت .
واي خدمه انا حاظر عن برشلونه وماربيا

يعطيك الف عافية اخوي... وما قصرت..
بس لو سمحت بكم اخذت الغرفة في الفندق اللي ذكرته ولو عندك فكره عن سعر الفندق الثاني ياريت تفيدني...
فندق بوينولا-ماربيا هل هو شقق والا فندق .. يعني غرفة وحدة بس والا شقة فيها صالة ومطبخ وغرفة نوم؟؟؟ واذا عندك فكره كم سعر الليلة؟؟
اسف كثرت عليك
ومشكور مرة ثانية..

الاستشاري
بالنسبه لبنابولا هذا الرابط يفيدك
https://artravelers.com
تقريبا حوالي 900 ريال لليله الوحده مع الفطور وانصحك فيه تعاملهم جدا ممتاز وجنبك كل شي السوبر ماركت مره قريب ممكن 15 متر بس عنك واسعاره حلوه جدا
اما الفنادق الثانيه ما عندي عنها اي خبر
واسئل على راحتك

الاستشاري
مرحبا...
1- في مدريد ممكن تاخذ فندق بست ويسترن مدريد Best Western Madrid أو سيناتور جران فيا Senator Gran Via في قلب المدينة عند الأسواق والمطاعم وسهولة المواصلات ممكن تستخدم المترو في التنقل لأي مكان حيث انه رخيص وسريع ومحطاته منتشرة في كل مناطق مدريد..
وممكن تاخذ الهوليدي إن لكنه دائما مليان، لكن انتبه ماتاخذ هوليدي إن اكسبريس لأننا بالغلط حجزنا فيه يوم وصار بأحد ضواحي مدريد ويلزمك 60 يورو تكلفة التاكسي اللي بيوصلك لوسط المدينه إلا ان كنت من هواة الأماكن الهادئة ومعك سيارتك الخاصة فالفندق في منتهى النظافة والأناقة وسعره ممتاز.
2- بصراحة لم نصل لبرشلونه لأنها بعيدة عن ملقا بالقطار 12 ساعة شاملة عدة محطات توقف إضافة للباص بين ماربيا وملقا والحجوزات بالطائرة في جميع الخطوط مليانه في شهر أغسطس ماعدا خطوط إيبيريا فيها انتظار اضافة إلى أنها كانت غالية جدا بالنسبة لنا كعائلة
3- بين ماربيا ومدريد ممكن تروح لملقا وتاخذ قطار إلى مدريد ممتاز ومريح وبسعر أقل من 60 يورو ممكن تحجز لرحلتك قبل بيومين أو ثلاث من هناك,بس بالنسبة لبشلونة صعبة بالقطار يلزمك تحجز بالطيارة
نتمنى نكون أفدناك

يعطيكم ألف ألف عافية وما قصرتوا ...
عزيزي Rosewood ... ممكن اعرف مستوى الفنادق اللي ذكرتها في وسط مدريد.. لاني بصراحة ما ابخل ابدا في الفنادق واتعبرها جزء من السياحة يعني ادور على الفخامة وقمة النظافة ... ممكن رايك ؟؟
ومشكورين جميعا واسف على الاطالة..

أخي الكريم بلإمكانك الإضطلاع على المواضيع المثبتة و سوف تجد جميع الإجابات عليها