استنى ردكم شباب لاتبخلوا عليي الله يخليكم

alie
هلا والله أخوي ..
أول شي ألف مبروك طال عمرك والله يوفقكم ويجمع بينكم بالخير انشالله ..
بالنسبه لوقت السفر انا ما ابي أعلق عليها لان الصراحه ما ادري اذا البرد هو من النوع
اللي بيخليك ما تتهنى ولا عادي .. لان فيه اللي يقول البرد عادي وفيه اللي يقول ما تقدر تطلع ..
فأن حاول تستفسر أكثر عن هالنقطه ..
بالنسبه للتوزيع انا hallstadt ما أعرفها صراحه فما أدري كم تستاهل من يوم ..
لكن من أطلاعي على المنتدى أشوف أن التزيع يكون :
4 فيينا
3 سالزبورغ
5 زيلامسي
2 hallstadt
أو أنك تشيل من فيينا او سالزبورغ وتحطه باللي تبي ..
بالنسبه للفنادق على حسب الميزانيه ..
والخطوط انا من وجه نظري القطريه والاماراتيه من أفضل الخطوط ..
وبالنسبه للبرامج https://artravelers.com
هذا الرابط فيه برامج لكل مدينه في النمسا .. وانا الصراحه أعتمدت على الله ثم عليه
في رحلتي لشهر العسل انشالله ..
وترا للعلم .. انا المعلومات اللي قلتها من واقع أطلاع في المنتدى ..
يعني لا تاخذ بكلامي 100% واستنى أهل الخبره مثل خالد وسلوم وأبوريان وحدي مصر
والشباب الباقيين اللي فيهم الخير انشالله ..
ويعطيك العافيه .

يعطيك الف عافيه ياخوي على مرورك ومقدر وشاكر
اولا ترى انا نفس الشي جالس افتش وادور في هالمنتدى المحترم لان فيه ناس بجد طيبين ومحترمين والواحد المفروض يشكرهم ويدعوا ليهم شخص شخص ان الله سبحانه يوفقهم لانهم جالسين يفيدون الناس من خلال خبراتهم
ثاني شي يااخوي anas انا شفت موضع الاخ محماس لان رحلته في الشتاء وانا عندي واحد من اصحابي راح العام في فصل الشتاء بس راح عن طريق برنامج قروب من مكتب سياحي
مااتوقع راح يفيدني كثر مااستفدت انا من هالمنتدى بس ابي تشجيع من الاخوان وهمتهم
والله يا اخوي anas خوفتي الجماعه الحين كلهم في النمسا واحنا بحسرتنا موجودين
بالنسبه ل hallstadt في موضوع كبير للشباب عنها والا شجعني هي بعض الصور الا شفتها للمدينه
اشكرك اخوي على مرورك ويعطيك الف عافيه

هلا علي
اولا الله يوفقك في زواجك با الرفاه و البنين ان شاءالله
با النسبه لموضوع سفرتك اذا انحيت وهذا وقت اجازتك ونيتك على النمسا توكل على الله تحمل بردها والبس كويس و الحافظ ربي....بعدين ترى بردهم مهب زي بردنا يقص العظم بردهم تلبس وتدفى برنا تلبس وتموت برد زياده
اخوي علي انت ماحددت ميزانيتك من سكن ومعيشه واكل وشرب وتنقلات وماحددت عدد الايام عشان الخبراء يفيدونك با الترتيب الحلو لك
حدد ميزانيتك وعدد ايام الرحله وبتلقى من الاجابات مايجيب تسائلاتك في هذا الصرح الشامخ
نظره مبدئية وفكره عامه
فينا 3 ايام
سالزبورج 3 ايام
زالامسي 5 ايام وتطلع منها الى هالتزدات بنفس اليوم وبترجع
ميونخ ليلتين وترجع منها ليرتك
با التوفيق

يعطيك الف عافيه يااخوي حدي مصر وماقصرت
يالغالي انا ماخترت هالوقت بالذات الا بس للظروف الزواج والاجازه
ثانيا انا مجرب بريطانيا بالصيف هالمره ابي اجرب النمسا بالشتاء حلو الدنيا تجارب
ثالثا مافكرت اني اروح ليها في البرد الا بعد تفكير وبعد سوال لبعض الشباب ولبعض الاخوان الا جربوا في المنتدى
ماابي اطول واشرح كثير
بس الميزانيه اذا الله اراد تقريبا من 20000 الين 25000
تلفتره من 8/12/2007 الين 23/12/2007 14 ليله
طبعا صار لي تقريبا سبوعين اشوف الاسعار وبجد اسعار خياليه
مثلا بعض الفنادق الاربع نجوم 3 ليالي المجموع 220 يورو طبعا يعتبر خيال ليش ؟ لاني بحجز من هالفتره وبيكون حجزي advance راح يفرق كثير كثير وياي
عالموم استنى رد الاخوان : بالنسبه الى افضل الفنادق الاربع نجوم من حيث الموقع؟
ترتيب الرحله تقريبا محفوظ ماقصروا الاخوان؟
يعطيكم العافيه للجميع والله يوفقكم
استنى ردكم

ليش محد عاطني وجه
لايكون الربع كلهم بالنمسا الحين واحنا موجودين ولااحد ويانا ومتورطين
وينكم ياشباب فزعتكم ردوا علينا خلونا نحجز ونخلص
ومشكورين سلفا
ويعطيكم العافيه مقدما

الف مبروك و الله يوفقكم
أخوي علي الي عرفته من الاخوان في المنتدى ان النمسا ( زيلامسي , سالزبورغ )في الشتاء يغطيها الثلج يعني ماراح تشوف طبيعه
وصدقني البرد من الاسباب الي تعكر جو شهر العسل بقوه
غير وجهتك لدول جنوب شرق اسيا ماليزيا مثلا حلو جوها في اجازة الحج وفنادقها ومنتجعاتها الساحليه رومنسيه وفخمه

مشكوره ياخت اسراء على مرورك وتسلمين
امم مقتنع بكلام الشباب كل الاقتناع ومقدر تعاطفهم وخوفهم على مصلحتي لكن
العام انا رحت على بريطانيا في من شهر 7 الى شهر 9 وكان وياي في الرحله اهل خطيبتي فالحمد لله استمتعنا بالطبيعه وبالحر شويات لان درجة الحراره وصلت لين 37 موت في بريطانيا
الشي الثاني اني سالت ناس كثار جربوا شهر العسل في عز الشتاء ومنهم ناس في هالمنتدى الطيب
وفيه اشخاص اصحابي مجربين ونصحوني
وشفت صور بالضبط ل زيلامسي وكانت الشمس طالعه والدنيا خضراء وهالكلام في العام الماضي فقط
وترى بجد الشتاء عندنا مصيبه وانتي شفتي هالشي العام الماضي كان نم جد برد
مقدر للجميع بس ادعوا لي اني اتوفق في عمل برنامج باسعار خياليه واروح
ابي تشجيع منكم شويات وتسلمي
وتسلمي اختي اسراء

الظاهر ماتبوني اسافر الله يسامحكم